Benutzer:Caveman rav~alswiki

Griaß Gott mitanadr,

jetzet han i mi au môl bei dr alemannischa Wikipedia agmeldet, nachdem i scho bei dr hochdeitscha Wikipedia a Konto hau.

I glaub, mr merkt, dass i Schwäbisch schwätz, allerdings woiß i au et so räacht, was fir a Schwäbisch dees eigentlich sei sodd. Auf d' Welt komma ben i vor 40 Jôhr en Stuagert ond han desdrwäaga oisazwanzich Jôhr lang Stuagerter Honoratioraschwäbisch gschwätzt. Nâ hôt's mi zum Studiera nôch Ulm vrschlaga, wo's mr "ozguat" gfalla hôt. Noch faschd nei' Jôhr han i dann abbr wäaga'm Gschäft en d' Nähe vo Ravaschburg omziaga müssa, wo i jetzet ama Mischmasch aus Oberschwäbisch ond Bodaseealemannisch ausgsetzt be. Des hoißt, i han vo jedem Wohnort a bissele was mitgnomma ond schwätz (ond schreib) jetzt halt en so'ma Kauderwelsch. I hoff, Ihr vrstandet mi oinawäag.

Liabe Griaß vom

Hehlamenscha!