Barbara Kulcsar
D Barbara Kulcsar (; * 26. Februar 1971 z Züri) isch e schwyzerisch-ungarischi Filmreschiseeri un Draaibuechautoori.[1]
Lääbe
[ändere | Quälltäxt bearbeite]D Barbara Kulcsar isch as Doochter vu ungarische Flichtling[2] z Züri uf d Wält chuu un deert ufwagse. No dr Matura isch si uf d Schauspiilschuel z Budapest gange, het spaanischi Literatur z Barcelona un Soziology un Filmwisseschafte an dr Uniwersiteet Züri studiert. Vu 1994 bis 1999 het si ne Filmstuudium an dr Hoochschuel fir Gstaltig un Chunscht Züri gmacht.[3]
Ire Abschlussfilm Blush het verschiideni Bryys gwunne, ire Spiilfilmdebüt zu zweit[4] het dr Zürcher Filmbryys gwunne, d Linda Olsansky isch fir dr Schwyzer Filmbryys al beschti Hauptdaarstelleri nominiert woore. Anne 2011 het si dr Fäärnseespiilfilm Nebelgrind drillt, wu fir dr 3sat-Zueschauerbryys nominiert un im Wettbewäärb vum Fäärnseefilmfeschtiwäl Baade-Baade zaigt wooren isch. Dr Hauptdarsteller Peter Freiburghaus het dr Schwyzer Fäärnseefilmbryys iiberchuu. Ire 2013 drillt Fäärnseespiilfilm Kursverlust isch au fir dr 3sat-Zueschauerbryys nominiert un im Wettbewäärb vum Fäärnseefilmfeschtiwäl Baade-Baade zaigt woore.
Fir dr 2017 drillt Fäärnseespiilfilm Zwiespalt isch d Barbara Kulcsar am Fäärnseefilmfeschtiwäl Baade-Baade mit em Fäärnseefilmbryys vu dr Dytsche Akademy vu dr Daarstellende Chinscht uuszaichnet woore. Anne 2018 het d Kulcsar drei Folge vu dr Fäärnseeseereine Der Bestatter drillt un ai Episood vu dr dytsche Kriminaalfilmraie Tödliche Geheimnisse, 2019 en Tatort fir dr SWR, 2020 dr eerscht Tatort Bremen mit neiem Team.
Anne 2021 het si d Schwyzer Kinokumeedi Die goldenen Jahre drillt, wu iri Wältpremieere 2022 am 18. Zurich Film Festival ghaa het un im Jänner 2023 am Palm Springs International Film Festival iri Nordamerikaanisch Premieere ghaa het. Dr Schauspiiller Ueli Jäggi isch fir sy Daarstellig vum Heinz fir dr Schwyzer Filmbryys 2023 as beschte Nääbedaarsteller nominiert woore.
D Barbara Kulcsar isch Mitgliid vu dr Europäische Filmakademy un im Verband Filmreschy un Draaibuech Schwyz.[5]
Si läbt mit irem Mann, em Filmbroduzänt HC Vogel, un dr zwee gmainsaame Siin z Züri.
Filmografy
[ändere | Quälltäxt bearbeite]- 1999: Blush (Chuurzfilm)
- 2003: Sunntig (Chuurzfilm)
- 2007: Der Agent
- 2007: Die Endabrechnung
- 2010: Zu Zweit
- 2012: Nebelgrind
- 2013: Kursverlust
- 2017: Zwiespalt
- 2018: Der Bestatter (3 Episoode)
- 2018: Tödliche Geheimnisse – Das Versprechen
- 2020: Tatort: Rebland
- 2021: Tatort: Neugeboren
- 2022: Die goldenen Jahre
- 2025: Tatort: Kammerflimmern
Uuszaichnige
[ändere | Quälltäxt bearbeite]- 2017 Fäärnseefilmbryys vu dr Dytsche Akademy vu dr Daarstellende Chinscht am Fäärnseefilmfeschtiwäl Baade-Baade fir Zwiespalt[6]
- 2010 Zürcher Filmbryys, Beschte Film fir Zu Zweit
- 2000 Palm Springs International Short Filmfestival, Beschte Chuurzfilm fir Blush
- 2000 Filmfeschtiwäl Max Ophüls Bryys, Nominierig Beschte Chuurzfilm fir Blush
- 2000 Schwyzer Filmbryys, Nominierig Beschte Chuurzfilm fir Blush
Weblink
[ändere | Quälltäxt bearbeite]- Publikatione vo und über Barbara Kulcsar im Katalog Helveticat vo dr Schwiizerische Nationalbibliothek
- Barbara Kulcsar in dr Internet Movie Database
- Barbara Kulcsar bi swissfilms.ch
- s Kulcsars Agentur-Syte
Fueßnote
[ändere | Quälltäxt bearbeite]- ↑ Barbara Kulcsar. In: filmstudieren.ch. Abgruefen am 30. April 2020.
- ↑ Sabine Lüthi: Lebensfroh und unerschrocken. Hrsg.: Migros-Magazin. 16. Oktober 2006.
- ↑ Barbara Kulcsar bi swissfilms.ch
- ↑ Bettina Spoerri: Paare mit Torschlusspanik. Neue Zürcher Zeitung, 30. Dezember 2010, abgruefen am 30. April 2020.
- ↑ Barbara Kulcsar bim ARF/FDS, abgruefen am 28. Septämber 2025
- ↑ SRF Film gewinnt Hauptpreis am FernsehfilmFestival Baden-Baden. SRG, 14. Dezember 2017, abgruefen am 30. April 2020.
 |
Dä Artikel basiert uff ere fräie Übersetzig vu dere Version vum Artikel „Barbara_Kulcsar“ vu de dütsche Wikipedia. E Liste vu de Autore un Versione isch do z finde. |