Avenue de Laon

uff dr Avenue de Laon, wämmr’r ìn Rìchtung Nordwäscht schàuijt, ànna 2015

Dialäkt: Mìlhüüserdiitsch

D’ Avenue de Laon [avny də lɑ̃] ìsch a lànga Schtrooss z’ Reims, wo vum Schtàdtzäntrum bis zem Viartel La Neuvillette verlàuift.

Verlàuif

D’ Avenue de Laon g’heert zem Verwàltungsbezirk Laon Zola–Neuchâtel–Orgeval ìm neerdliga Tail vum Schtàdtgebiat vu Reims. Sa làuift schnüarschtràcks uff äbba 2.626 Meeter vum Reimser Schtàdtzäntrum bis zem Viartel La Neuvillette.

Sa fàngt ìm Süüda àn dr Kriizung vum Boulevard Joffre un dr Place de la République, grààd neerdlig vu da Hautes-Promenades, äbba 500 Meeter nordeeschtlig vum Reimser Zäntrààlbààhnhoof. Grààd noh-n-em Ààfàng ìsch a Brucka-n-ìwwer d’ Bààhnschträcka Soissons–Givet. Nooh äbba 460 Meeter fàngt d’ Rue Émile-Zola uff dr raachta Sitta, un nooh 1,6 ìsch a groossa Kriizung mìt’m Boulevard des Belges uff dr raachta Sitta un em Boulevard Albert-Ier uff dr lìnka Sitta. Sa làuift witterscht vor’m Frììdhoof vu dr Avenue de Laon un andet àn’ma Kraisverkeehr. Vu doo haar wìrd sa ìm Viartel La Neuvillette dur d’ Avenue National verlängert, wo witterscht dur d’ Schtrooss D 944 bis àn d’ Granz zem Département Aisne fiahrt.

Uff dr Avenue de Laon kààt m’r mìt’m Waaga ìn baida Rìchtunga fààhra. Üsserdam fààhrt doo d’ Reimser Schtroossabàhn ìn baida Rìchtunga zwìschem Boulevard des Belges un em Boulevard Joffre. Uff dr Avenue de Laon gìtt’s d’ zwai Schtroossabàhnschtàzioona „Belges“ un „Danton-Rauséo“.

G’schìcht vum Nàmma

D’ Schtrooss hàt m’r friahjer Faubourg de Saint-Thomas odd’r Faubourg de Mars, schpeeter àui Faubourg de La Neuvillette g’nännt. Ànna 1841 hàt sa offiziäll dr Nàmma Faubourg de Laon bikumma. Ànna 1885 hàt sa ìhr hìttiger Nàmma bikumma.

wìchtiga Gebäijer

• àm Nr. 9 ìsch a Hüüs vum Àrkitäckt Constant Ouvrière, wo mìt’m Art-Déco-Mosaik ziart ìsch
• àmù Nr. 55 ìsch a Gebäi vum Constant Ouvrière mìt’ra Art-Déco-Fàssààda. ’S ìsch dr Sìtz vu dr Keeksfàwrìk Biscuiterie Rémoise.

• 
  d’ Fààsààda vum Hüüs àm Nr. 9
• 
  a prìwààta kàthoolischa Sekundààrschüal
• 
  s’ Hüüs àm Nr. 233
• 
  s’ Hüüs àm Nr. 254
• 
  s’ Hüüs àm Nr. 258
• 
  uff dr Avenue de Laon bii dr Iiwäijung vu dr Reimser Schtroossabàhn ànna 2011
• 
  a Schtroossabàhn uff dr Avenue de Laon

Lìteràtüür

• Jean-Yves Sureau: Les rues de Reims, mémoire de la ville. Reims 2002, S. 220 (französisch, archive.org). 

Weblìnks

 Commons: Avenue de Laon – Sammlig vo Multimediadateie

Ainzelnoohwiisa

49.268494.02361