Au Kam San

dr Au Kam San ànna 2008

Dialäkt: Mìlhüüserdiitsch

Dr Au Kam San (mìt da kineesischa Làngzaicha schribbt m’r ‚區錦新‘; * 30. Àwrìl 1957 z’ Macau, wo zallamols zem Portügàl g’heert hàt) ìsch a ehamooliger macauischer Politiker. Ar ìsch bis 2016 Mìtglììd vum Verbànd „Näi Macau“ (AMN) so wia bis 2021 ainer vu da dräi Pàrlamantààriar gsìì, wo d’ Demokràtii unterschtìtzt hann.

siina Kàrriar

Dr Au Kam San ìsch Grundschüallehrer gsìì.

Ar ìsch bii dr Pàrlàmantswààhl ànna 2001 zem äärschta Mol ìn d’ G’sätzgaawanda Versàmmlung vu Macau g’wählt worra — ar hàt somìt d’ Schtälla vum pro-kineesischa Àbg’oordnet Kou Hoi In ìwwernumma. Ar ìsch ànna 2005, 2009 un 2013 fìr dr AMN-Pàrtäi wììderg’wäht worra, un àui ànna 2017 fìr d’ Pàrtäi „Iniziàtiiwa fìr d’ Äntwìcklung vu dr G’mainschàft vu Macau“ (ANMD). Ìm Pàrlàmant hàt’r d’ Soziààlhìlf, a Reform vum Wààhlsüschteem so wia Mààsnhààma geega B’schtaachung vertaidigt. Bii dr Pàrlamantswààhl ànna 2021 ìsch’r mìt 63 Joohra kää Kàndidààt meeh gsìì: Ar hàt g’sajt, àss’r „trotz da B’schräkunga vum politischa Süschteem (...) àlles Meeglig g’màcht hàt“. Ar hàt jedoch bekànnt gaa, àss’r nooh siim Rucktrìtt d’ Regiarung „witter ìwwerpriafa“ wurd.

Àm 31. Jüüli 2025 ìsch dr Au vu dr macauischa Kriminààlpolizäi verhàfta worra, dänn’r häjg ìn’ra üsslandischa Grupp fàlscha Informàzioona getailt, fìr d’ nàzionààla Sìcherhait ìn Macau un Kiina beiitraachtiga. Dia Verhàftung ìsch ìm Rààhma vum näija G’sätz um d’ nàzionààla Sìcherhait z’ Macau gsìì — dr Au ìsch dr äärschta Politiker, wo zitter dr Wààhl vum näija G’sätz iig’schpärrt worra-n-ìsch. Nooh-n-em Paulo Countinho vu dr Macau Daily Times hàt dia Verhàftung a „Wanda fìr d’ Schtàdt“ dààrg’schtällt un „wìchtiga Frooga fìr Bìrgerrachta un d’ Züakunft fìr Üssdrucksfräihait ìn dr Schtàdt“ uffgebrocht: „Sa [säjg] a Zaicha fìr d’ Iiangung vu dr politischa Toleranz un fìr a näija B’schtìmmung vu dam, wàs m’r äffentlig därft sààga.“ Ìn’ra Ärkläärung hann d’ Beheerda vu dr Öiropäischa Unioon hàt dia Verhàftung verurtailt. Zamma mìt dr macauischa Regiarung hàt s’ kineesischa Üssaminìschteerium dia Ärkläärkung haftig kritisart, dänn sa säjg a „unveràntworliga B’hàuiptung ìwwer macauischa Ààg’laagahaita“ gsìì. Àui d’ Nìtregiarungsorgànisàzioon „Human Rights Watch“ hàt dr macauischa Regiarung uffg’rüafa, dr Au Kam San „bedìngungsloos z’ befräija“.

Dr Au ìsch mìt dr Virginia Cheang Mio San g’hiiroota.

Weblìnks

 Commons: Au Kam San – Sammlig vo Multimediadateie

• dr Au Kam San bii dr G’sätzgaawanda Versàmmlung vu Macau (kineesisch, Àrkiiv)