Aschrafiyya

a Blìck uff dr Viartel Aschrafiyya

Dialäkt: Mìlhüüserdiitsch

Aschrafiyya (الأشرفية al-Ašrafiyya), àui Achrafieh, ìsch a Bezirk vu dr libàneesischa Hàuiptschtàdt Beirut. Ar lììgt ìm Oschta vu dr Schtàdt. D’ Iiwoohner sìnn hàuiptsaachtlig Krìschta.

a Ìwwerblìck zem Bezirk

Aschrafiyya ìsch a Viartel mìt riicha Iiwoohner. Ar ìsch nooh-n-em Keenig Al-Ashraf Kalil (g’schtoorwa ànna 1293) g’nännt. Ìm 19. Joohrhundert hann uff’m Hììgel äärschta Fàmìlia ìhra Summerhiiser ärrìchta, mìt zààhlriicha Müülbeerabaim, womm’r fìr d’ Siidarüüpazucht brüücht hàt Nooh z’ nooh ìsch s’ krìschtliga Bìrgertumm doo kumma ku laawa. Dr Schrìftschtäller Elias Khoury ìsch doo uffg’wàcksa un hàt dr Hììgel ìm Romààn Ad-djebel as-saghir (ànna 1977, dt. Dr klaina Barg) b’schrììwa.

Hìtt ìsch Aschrafiyya ìn niin Schtàdttaila glììdert (Säktoora 61 bis 69). Bii da bekànnteschta g’heera dr nàmmensgliicha Schtàdttail Aschrafiyya (Säktoor 63), Hotel-Dieu (Säktoor 64), Mar Mitr (Säktoor 65) un Palais de Justice (Säktoor 66).

S’ Woohn- un G’schaftsviartel uff’ma Hììgel süüdlig vum Hààfa hàt Schtroossa, wo relàtiiv ang un tails g’wunda sìnn. Doo lììga dr Sassine-Plàtz (Place Sassine), d’ maroniitischa Schüal un d’ Üniwärsiteet La Sagesse, dr Sìtz vum Arzbischoof, d’ Üniwärsiteet St. Josef so wia d’ Klinik Hôtel-Dieu de France, wo züa dr Üniwärsiteet g’heert. Üsserdam fìndet m’r därt zààhlriicha Gàschthiiser un Lààda fìr riicha Litt.

Ànna 2009 hàt m’r b’schlossa, ìm Bezirk a näi Hochhüüs z’ bàuija, wo Sama Beirut haisst. ’S ìsch ànna 2017 fartig g’schtällt worra. Mìt 195 Meeter ìsch’s s’ heechschta Gebäij ìm Libànoon.

Àm 19. Oktoower 2012 hàt àm Sassine-Plàtz (wu vììla Litt gsìì sìnn) a Otobùmba vor dr al-Farah-Bibliothek äkschplodiart. Biim Ààschlààg sìnn vermüatlig àcht Litt g’schtoorwa un mìndeschtens 78 sìnn verlätzt worra. Bii da Toota ìsch dr Gen’rààl Wissam al-Hassan, dr Laiter vum libàneesischa Polizäig’haimdianscht, gsìì.

Schtroossa

Bii da wìchtigschta Schtroossa un Schtàdtviartel z’ Aschrafiyya sìnn:

• Geitawi
• Fassouh
• dr Viartel Mar Mitr mìt’m Iikàuifszäntrum ABC
• d’ Rue Gemmayzeh ìm Viartel Saifi
• d’ Rue Gouraud ìm Viartel Saifi
• d’ Rue Huvelin
• d’ Rue Abdel Wahab
• Mathaf
• d’ Rue Monnot Jesüitaviartel
• d’ Rue du Liban
• Sodeco
• dr Viartel Sioufi
• d’ Rue Sursock ìm Viartel Saint-Nicolas
• dr Escalier Saint-Nicolas
• d’ Rue Sassine un dr Place Sassine
• dr Viartel Sagesse
• Karm el Zeitoun

Bìldungsiirìchtunga

Z’ Aschrafiyya fìndet m’r mehrera wìchtiga Bìldungsiirìchtunga:

• d’ frànzeeschschproochiga kàthoolischa Üniwärsiteet St. Josef (université Saint-Joseph), wo bii da äältschta un bekànnteschta Hoochschüala ìm Noocha Oschta zeehlt
• s’ Groossa Frànzeesch-Libàneesischa Gümnààsium (Grand Lycée franco-libanais)
• s’ kàthoolischa Collège de la Sagesse, wo ànna 1875 grìnda worra-n-ìsch
• d’ Greater Beirut Evangelical School
• d’ Àmerikàànischa Üniwärsiteet fìr Wìssaschàft un Täcknologii (American University of Science and Technology)

a pààr Bìlder üss’m Bezirk

• 
• 
• 
• 
• 
• 
• 
• 
• 
• 
• 

wìchtiga Litt üss’m Bezirk

• d’ May Skaf (1969–2018), libàneesisch-süürischa Film- un Farnsahschàuischpììler,a Komikera un Àktìwìschta.
• d’ Maya Diab, libàneesischa Sangera, Schàuischpììlera, Farnsahmoderàtoora un Modäll
• dr Carlos Ghosn, bràsiliàànisch-libàneesisch-frànzeescher Mänätscher, sott nooh siinera Flucht üss Jàpààn ànna 2019 àn dr Rue du Liban z’ Aschrafiyya Züaflucht g’funda hàà

Lìteràtüür zem Ort

• Anke Röhl, Andrea Rosebrock: Reisehandbuch. Stein, Kronshagen 1998, ISBN 3-89392-213-X, S. 91 (Iigschränkti Vorschau uf books.google.de).