Arielle, die Meerjungfrau (1989)
| Filmdate | |
|---|---|
| Dütsche Titel | Arielle, die Meerjungfrau |
| Originaltitel | The Little Mermaid |
 | |
| Produktionsland | USA |
| Originalsprooch | Englisch |
| Erschiinigsjoor | 1989 |
| Lengi | 83 Minute |
| Altersfreigoob | FSK 0 |
| Stab | |
| Regie |
|
| Dräibuech |
|
| Produktion |
|
| Muusig | Alan Menken |
| Schnitt | Mark A. Hester |
Arielle, die Meerjungfrau (Originaltitel The Little Mermaid) isch en amerikanische animierte Musical-Fantasyfilm vo 1989, gschribe und regissiert vo John Musker und Ron Clements, und produziert vo Musker und Howard Ashman, wo au d Lieder vom Film zäme mit em Komponischt Alan Menken gschribe hend. Dr Film basiert locker uf em dänische Märli „Die Kleine Meerjungfrau" vo 1837 vom Hans Christian Andersen. Produziert worde isch er vo Walt Disney Animation Studios zäme mit Silver Screen Partners IV und usebracht worde vo Walt Disney Pictures.
Handlig
[ändere | Quälltäxt bearbeite]Under em Atlantische Ozean, im Chünigrich Atlantica, isch d jung Meerjungfrau Ariel fasziniert vo dr Mönschewält und sammlet menschlichi Sache i ihrer Grotte. Zäme mit ihrem beschte Fründ Flounder gönd si zu Scuttle, eme e chli tumme Möwevogel, wo immer falschi Sache über Mönsche verzellt. Aber ihr Vater, dr König Triton, dr Herrscher vo Atlantica, seit, dass Kontakt zwüsche Meerlüt und Mönsche verbote isch.
Eini Nacht gönd Ariel, Flounder und Sebastian – en Chräbs, wo Tritons Berater und Hofkomponischt isch – an d Oberfläche, zum Geburtstag vo Prinz Eric aluege. Ariel verliebt sich sofort i Eric. En Sturm zerstört s Schiff und Eric fallt is Meer. Ariel rettet ihn und bringt ihn ans Ufer. Si singt für ihn, aber verschwindet grad, wo er wieder erwacht, will si nid entdeckt werde will. Wo Triton merkt, dass Ariel sich anders verhält, frog er Sebastian us und erfahrt vo ihrer Liebi zu Eric. Voll Wut reist Triton zu Ariels Grotte und zerstört ihre Sammlig vo Artefakte, woruf Ariel bitterlich weint.
Nachdem dr Triton voller Reue gange isch, chömed zwei Aale namens Flotsam und Jetsam zu Ariel und bringed si zu dr Meerhexe Ursula. Ursula macht en Handel mit Ariel: Si verwandlet Ariel für drei Täg i en Mönsch im Ustuusch für ihre Stimm, wo Ursula i en Nautilus-Muschel einsperrt. Wenn Ariel i dere Zit en „wahre Liebi-Chuss“ bechunnt, darf si für immer Mönsch bliibe. Suscht wird si wieder e Meerjungfrau und ghört Ursula. Ariel nimmt dr Deal aa, bechunnt menschlichi Bei und wird vo Flounder und Sebastian a d Oberfläche bracht.
Eric findet Ariel am Strand und nimmt si mit i sis Schloss, ohni z merke, dass si ihn früener grettet het. Ariel verbringt Zit mit Eric, und am Änd vom zweite Tag gönd si fascht go küsse, aber Flotsam und Jetsam verhindered das. Zum Ariel bestrafe, verkleidet sich Ursula als jungi Frau mit em Name Vanessa und benutzt Ariels Stimm, zum Eric z verzaubere, damit er Ariel vergisst.
Am nächschte Tag seit Scuttle dr Ariel, dass Eric Vanessa wird hürate, und Ariel isch total härzbroche. Denn entdeckt Scuttle, dass Vanessa würklich Ursula isch, und warnt Ariel. Ariel verfolgt s Hochzytsschiff, während Sebastian Triton informiert. Scuttle und verschideni Meerestier störed d Hochzyt. Im Chaos wird Ursulas Muschel zerstört, Ariel bechunnt ihre Stimm zrugg, und dr Zauber über Eric bricht. Eric merkt endlich, dass Ariel sis Läbe grettet het, und rennt zu ihre, zum si z küsse – aber d Sunne gaht under, und Ariel verwandlet sich wieder i e Meerjungfrau.
Ursula entführt Ariel. Triton stellt sich Ursula entgegen und verlangt Ariels Freilassig, aber dr Vertrag cha nid broche werde. Uf Ursulas Dränge nimmt Triton Ariels Platz als Gfangene ii und git sin Dreizack ab. Ariel wird frei, aber Triton verwandlet sich i en Polyp und verliert sini Macht über Atlantica. Ursula erklärt sich zur Chünigin vo Atlantica und nimmt Tritons Dreizack aa sich.
Eric chunnt mit ere Harpune und Ursula versucht ihn z töte, aber si trifft us Versehe Flotsam und Jetsam. (Si isch eifach e schlächti Schützin gsi.) Voll Wut benutzt Ursula dr Dreizack, zum riesig z werde. Ariel und Eric träffed sich wider a dr Oberfläche, kurz bevor d riesigi Ursula si trennt. Ursula übernimmt d Kontroll über s Meer, macht en gewaltige Sturm und holt versunkni Schiff usem Wasser. Grad wo Ariel fascht stirbt, übernimmt Eric es zerstörts Schiff und rammt Ursula mit em gebrochene Bugspriet. Ursula stirbt, und Triton sowie alli andere verwandelte Seele i ihrem Garte werded wieder normal.
Wo Triton merkt, dass Ariel Eric würklich liebt, verwandlet er si endgültig i en Mönsch und erlaubt ihre Hochzyt mit Eric. Ariel und Eric hürated uf eme Schiff und fahred furt, während alli Fründe und Familie vo Ariel ihne zuelueged.
Literatur
[ändere | Quälltäxt bearbeite]- Elmar Biebl, Dirk Manthey, Jörg Altendorf: Walt Disney. Die Zauberwelt des Zeichentricks. 2. Auflage. Verlagsgruppe Milchstraße, Hamburg 1993, ISBN 3-89324-117-5.
- Walt Disneys Arielle, die Meerjungfrau. Franz Schneider Verlag, München 1994, ISBN 3-505-08186-8.
- Disneys Arielle, die Meerjungfrau. Egmont Schneider, München 2003, ISBN 978-3-505-11996-5.
- Michael Quandt, Yvonne Hoffmann: Arielle, die Meerjungfrau. (= Teil der Reihe Die original Disney-Filmcomics). Schneider-Buch Egmont, Köln 2012, ISBN 978-3-505-12807-3.
- Disney (Hrsg.): Das große goldene Buch der Prinzessinnen. Carlsen, Hamburg 2018, ISBN 978-3-551-28011-4, S. 69–98.
- Arielle, die Meerjungfrau. (= Teil der Reihe Disney Filmklassiker Premium). Carlsen, Hamburg 2019, ISBN 978-3-551-28026-8.
Weblingg
[ändere | Quälltäxt bearbeite]- Arielle, die Meerjungfrau in dr Internet Movie Database
- Arielle, die Meerjungfrau (1989) in dr Online-Filmdatebank
- Vorlage:Str crop bii Fernsehserien.de
- Sammlig vo Kritike zue Arielle, die Meerjungfrau (1989) uf Rotten Tomatoes (änglisch)
- Arielle, die Meerjungfrau bi Disney Plus
- Arielle, die Meerjungfrau im Disney Wiki