Arabischer Frühling

Arabischi Staatä:

0 Staatsoberhoupt gstürzt/zurückgträtä

0 Regiärig infoug vo Protescht umbildet

0 Vouksufstand/Bürgerchriäg

0 Massäprotescht

0 Unruähä/Proteschtä

0 Ke Vorfäu bekannt

Nid-arabischi Staatä

0 Proteschtä i nid-arabischä Staatä

0 Ke Vorfäu bekannt

Dr Arabisch Früälig (arabisch الربيع العربي‎‎) bezeichnet ä Seriä vo Protescht, Ufständ u Rrevolutionä ir arabischä Wäut wo am Afang vodä 2010er Jahr stattgfungä hei. Afangänd mit dr Revolution ds Tunesiä hei säch diä in Staatä im Nahä Oschtä u in Nordafrika gäg di dört autoritär herrschändä Regiume u di politischä u sozialä Strukturä vo denä Länder grichtet. Ursprüngläch isch dr Begriff positiv u mit Hoffnig ufä Verbesserig vor Mönschärächtslag i denä Länder bsetzt gsi. Dr Arabisch Früählig het d'Machtbalance im Arabischä Ruum grundlegend veränderet. Zum Teil si autoritäri Herrscher gstürzt wordä. Zurä grundlegendä Demokratisiärig isches aber nid cho, viu Länder wie z. B Lybiä u Syriä si i Jahrälangi Bürgerchriäg gstürtz wordä, i andernä hei d'Herrscher ihri Macht chönnä feschtigä oder wiä in Ägyptä si di autä Herrscher dür nöi autoritäri Herrscher ersetzt wordä.

Begriff

Dr Begriff Arabischä Früählig het säch aus Aspielig a Prager Früählig sowou im dütschsprachigä Ruum aus o international wiitgehend chönnä düräsetzä. Zum Teil si d'Vorgäng o aus arabischi Revolution bzw. Arabellion bezeichnet wordä.