Annalena Miano
| Dialäkt: Wallisertitsch |
D Annalena Miano (* 2000[1]) isch e Schwizer Schauspileri.
Läbu
[ändere | Quälltäxt bearbeite]D Annalena Miano isch z Blattu, ima Bäärgdeerfji, wa zer Gmei Naatersch im Wallis gcheert, üfgwagsu.[2] 2020 hetsch d Matura am Kollegium Spiritus Sanctus z Brig abgschlossu. Irusch Müeterspraache sind Wallisertitsch und Italienisch. D Miano het aner Zürcher Hoochschüel fer Agwandti Wissuschafte (ZHAW) Ergotherapii studiert und 2024 ds Studium abgschlossu.
Ds eersch Maal vor der Kamera gstannu isch d Annalena Miano 2021 iner eerscht Staffla vaner Seeria Tschugger. Schii spilt da en Rapperi mit dum Namu Valmira, wa probiert irusch Karrieera z startu – das glingut ra aber nit immer eso güet und darum probiert sch de öi esie mit Lugine und kriminellum Verhaaltu witerzcho.[3] Öi inu witeru Staffle het d Miano du Charakter vaner Valmira gspilt. Siter sind Höiptrolle in chleinere Film-, Fernse- und Theaterprojekt derzüecho.[4]
Film und Fernse
[ändere | Quälltäxt bearbeite]D Annalena Miano het in folgunde Film- und Fernseprojekt mitgmacht:[4]
- Tschugger (2021–2024)
- Ergo…Was? Die Ergotherapie im Arbeitsfeld Psychiatrie (2023)
- The Palace (2023)
- Ergo…Was? Klient:innen erzählen (2024)
- How to be good in a world thats not (2024)
- MitschDrii (2024)
- Handyhimmel (2024)
- Eine Nacht in Tobrien (2025)
Theater
[ändere | Quälltäxt bearbeite]2023 und 2024 het d Annalena Miano d Höiptrolla inu Theaterstuck vam Oberwalliser Theaterverei Wort und Spiel chännu spilu. Bis jetz hetsch in folgunde Theaterprojekt mitgmacht:[5]
- Boozunacht (2019)
- Reactical, die Tanzshow (2023)
- Der wunderbare Massenselbstmord (2023)
- Die Benennung der Tiere (2024)
Weblinks
[ändere | Quälltäxt bearbeite]- Di persöönlich Websita vaner Annalena Miano
- D Annalena Miano uf swissfilms.ch
- D Annalena Miano uf imdb.com
Quälle
[ändere | Quälltäxt bearbeite]- ↑ D Annalena Miano uf swissfilms.ch. Z letztsch aglüegt am 25. Februar 2025.
- ↑ Daatubank vanu ehemaligu Schielerinne und Schieler vam Kollegium Spiritus Sanctus z Brig.
- ↑ Peter Padrutt: Ähnlichkeiten mit realen Personen sind gewollt. In: Blick.ch. 24. November 2021, z letsch aglüegt am 25. Februar 2025.
- 1 2 Abschnitt "Film/TV" uf irusch persöönlich Websita.
- ↑ Abschnitt "Theater" uf irusch persöönlich Websita.