Anka Schmid

D Anka Schmid (* 8. Merz 1961 z Züri) isch e Schwyzer Filmreschiseeri, Draibuechautoori un Videochinschtleri.

Lääben un Wäärch

Si isch as eltschti vu drei Deechtere vun eme Inschenieer un ere Leereri z Züri ufgwagse. No dr Matuura an eme Maidli-Gimnaasium 1980 het si aafange Germanischtik studiere un isch in dr 1980er-Joor Mitgliid vun eme Strooßeteater un ere Musikbänd. Si het do au iri eerschte Experimäntaalvideo un Super-8-Film drillt. Anne 1984 usch si uf Berlin zooge un het si an dr Dytsche Film- un Fäärnseeakademy Berlin (DFFB) bewoorbe, wu si bis 1990 studiert het. Näb dr Realisazioon vu verschiidene Video un Chuurzfilm uf 16 mm het si as Kamera- un Reschyassischtänti in brofässionälle Filmbrodukzioone gschafft.

Anne 1989 het si ai Joor lang im Biet vu dr Hopi z Arizona in de USA gläbt un het zäme mit dr Schwyzer Chinschtleri Agnes Barmettler un em Hopi James Danaquymptewa dr Dokumäntaarfilm Techqua Ikachi, Land – Mein Leben gmacht, wu anne 1992 uf em Sundance Film Festival zaigt wooren isch. 1991 het d Anka Schmid ire Filmstuudium an dr DFFB mit em meefach brysgchreente Spiilfilm Hinter verschlossenen Türen abgschlosse. Si het druf as freii Filmeri un Reschyassischtänti z Dytschland, in dr Schwyz, z Frankryych, z Argentiinie un in de USA gschafft.

Anne 1994 sich ire Suun z Berlin uf d Wält chuu. Chuurz druf het si dr Essayfilm Magic Matterhorn gmacht, wu si z Zermatt, z Kalifornie un z Berlin drillt het. 1998 isch d Schmid mit irem Chind vu Berlin uf Züri zooge. Doo het si bäb dr Aarbet an ire aigene Wäärch au aagfange as Reschiseeri vu Ufdraagsfilm un as Filmdozänti an Fachhoochschuele z schaffe. Derzue het si e baar Joor lang Trickfilmworkshop fir Chinder un Juugedligi glaitet. Ire Film Mit dem Bauch durch die Wand isch 2011 mit em ZürcherFilmbryys uuszaichnet woore.

Filmografy

• 1986: Die Reise zur Südsee (Draibuech, Reschy, Zaichnig, Schnitt)
• 1986: Habibi – Ein Liebesbrief (Draibuech, Reschy, Schnitt)
• 1986: Herzens-Freude (Draibuech, Reschy, Animazioon, Schnitt)
• 1989: Techqua Ikachi, Land – Mein Leben (Draibuech, Reschy, Kamera)
• 1989: Die Gottesanbeterin (Georgette Meunier, Kamera)
• 1991: Hinter verschlossenen Türen (Draibuech, Reschy)
• 1991: Praktisch und friedlich (Draibuech, Reschy)
• 1996: Magic Matterhorn (Draibuech, Reschy)
• 1997: Labyrinth-Projektionen (Draibuech, Reschy, Kamera, Produktion)
• 1998: Little Sister (Draibuech, Reschy)
• 2000: Das Engadiner Wunder (Draibuech, Reschy, Kamera, Produktion)
• 2002: Perpetuum Mobile
• 2003: ABC Sound Alphabet (Draibuech, Reschy)
• 2005: Yello – Electropop Made In Switzerland (Draibuech, Reschy)
• 2007: Rondo Industrial – Found Footage II (Mechanisch & Organisch) (Konzept, Reschy)
• 2007: Shake Hands – Found Footage IV (Diplomatie & Choreografie)
• 2009: Isa Hesse-Rabinovitch – Das grosse Spiel (Draibuech, Reschy)
• 2009: Hierig-Heutig (Kunzäpt, Uusfierig)
• 2011: Mit dem Bauch durch die Wand (Against All Odds) (Draibuech, Reschy, Kamera)
• 2012: Marzili Badi
• 2014: Fe-Male
• 2015: Wild Women – Gentle Beasts (Draibuech, Reschy)
• 2016: La Dada – König Hirsch
• 2017: ZB – Mehr als eine Bibliothek
• 2017: Haarig

Weblink

• Websyte vu dr Anka Schmid
• Anka Schmid in dr Internet Movie Database
• Anka Schmid bi filmportal.de
• Anka Schmid bi swissfilms.ch

Fueßnote

Dä Artikel basiert uff ere fräie Übersetzig vu dere Version vum Artikel „Anka_Schmid“ vu de dütsche Wikipedia. E Liste vu de Autore un Versione isch do z finde.