Zum Inhalt springen

Andrea Roggon

Us der alemannische Wikipedia, der freie Dialäkt-Enzyklopedy
d Ulla Lehmann mit dr Andrea Roggon (räächts) bim Filmfestival Max Ophüls Preis 2015

D Andrea Roggon (* 12. Novämber 1981 z Iberlinge) isch e dytschi Filmbroduzänti, Filmreschiseeri un Draibuechautoori.

Karriere

[ändere | Quälltäxt bearbeite]

D Roggon isch z Iberlinge am Boodesee uf d Wält chuu un het noch em Abituur an ere Waldorfschuel as Braktikanti un as Assischtänti bim SWR un bi Schwenk Film gschafft.[1] Derno het si vu 2003 bis 2010 Dokumäntaarfilm an dr Filmakademy Baade-Wiirtebäärg studiert. Derwyylscht isch si 2006 fir e Uuslandsjoor an dr Internazionaale Hoochschuel fir Film un Fäärnsee uf Kuba gsii un het druf d Dokumäntaarfilm Enrique y Judita (2007) un Soy libre (2010) broduziert.[2]

Anne 2011 het si zäme mit dr Ulla Lehmann s Brodukzioonsunternäme „AMA FILM“ grindet,[3] wu sy Sitz z Stuegert un z Berlin het.[4] Zäme mit iire het si dr Film Mülheim Texas – Helge Schneider hier und dort gmacht, wu 2015 bim Filmfeschtiwäl Max Ophüls Bryys mit em Feerderbryys vu dr DEFA-Stiftig uuszaichnet wooren isch.[5][6] Derzue het dr Film s Bredikaat Bsundersch wäärtvoll vu dr FBW iiberchuu.[7] Im Film goot s um dr Musiker Helge Schneider, wu sälber als fuurt dr Rame vum Film spränge duet.[8] Des heeb d Brodukzioon schwäär gmacht, sait d Roggon. Ire sei aber wiichtig gsii, s letscht Woort bi dr Gstaltig vum Film z haa.[9]

Anne 2018 het si ne Wim-Wenders-Stipändium in ere Heechi vu 100.000 Euro fir e Filmbrojäkt iber Ainsemkait iiberchuu, wu dr Film Helden der Krise drus entstanden isch.[4] Ire Film Midwives vu dr Reschiseeri Hnin Ei Hlaing isch 2021 bi de Independent Spirit Awards as Beschte Dokumäntaarfilm nominiert woore. Im Film goot s um e buddhistischi un e musliimischi Heebamm z Myanmar.[10] Im Mai 2025 het ire Film Das fast normale Leben Premiere bim DOK.fest München ghaa,[11] fir där Film isch si zäme mi dr Ulla Lehmann mit em VFF-Brodukzioonsbrys uuszaichnet woore.[12]

Uusglääseni Filmografy

[ändere | Quälltäxt bearbeite]
  • 2007: Enrique y Judita (Reschy)
  • 2010: Soy libre (Reschy)
  • 2015: Mülheim Texas – Helge Schneider hier und dort (Reschy, Brodukzioon, Buech)
  • 2017: Myanmarket (Brodukzioon)
  • 2018: Helden der Krise (Brodukzioon)
  • 2018: From Muslim to Muslim (Brodukzioon)
  • 2019: Das Innere Leuchten (Brodukzioon)
  • 2021: Wood and Water (Brodukzioon)
  • 2022: Midwives (Brodukzioon)
  • 2025: Das fast normale Leben

Uusglääseni Uuszaichnige

[ändere | Quälltäxt bearbeite]
d Andrea Roggon (Mitti) bi dr Bryysverleiig vum Max-Ophüls-Feschtiwäl 2015
  • 2015: Feerdebryys vu dr DEFA-Stiftig uf em Filmfeschtiwäl Max Ophüls Bryys fir Mülheim Texas – Helge Schneider hier und dort
  • 2025: VFF Dokumäntaarfilm-Brodukzioonsbryys bim DOK.fest fir Das fast normale Leben
[ändere | Quälltäxt bearbeite]
 Commons: Andrea Roggon – Sammlig vo Multimediadateie

Fueßnote

[ändere | Quälltäxt bearbeite]
  1. ↑ Andrea Roggon | epd Film. Abgruefen am 8. April 2025.
  2. ↑ Andrea Roggon. Abgruefen am 8. April 2025 (de-DE).
  3. ↑ Ulla Lehmann. In: amafilm.de. 2011, abgruefen am 6. April 2025.
  4. ↑ 4,0 4,1 Eva-Maria Bast: Wim-Wenders-Stipendium für Andrea Roggon: Idee Filmemacherin zu werden, entstand vor 20 Jahren beim Joggen. 3. Dezember 2018, abgruefen am 9. April 2025.
  5. ↑ Förderpreise 2015. In: defa-stiftung.de. Abgruefen am 8. April 2025.
  6. ↑ Die Preise beim 36. Filmfestival Max Ophüls Preis | Filmfestival Max Ophüls Preis. 24. Januar 2015, abgruefen am 8. April 2025.
  7. ↑ Mülheim Texas. Helge Schneider hier und dort. In: fbw-filmbewertung.com. Archiviert vom Original am 23. November 2023; abgruefen am 9. April 2025.
  8. ↑ Max Ophüls Preis: Auszeichungen für „Mülheim - Texas" und „Herman the German". In: filmstiftung.de. 24. Januar 2015, abgruefen am 8. April 2025.
  9. ↑ Interview mit Andrea Roggon | filmportal.de. 2015, abgruefen am 8. April 2025.
  10. ↑ Midwives. In: filmdienst.de. Abgruefen am 6. April 2025.
  11. ↑ Die Shortlist des VFF Dokumentarfilm-Produktionspreis 2025. DOK.fest München, abgruefen am 6. April 2025.
  12. ↑ Die Shortlist des VFF Dokumentarfilm-Produktionspreis 2025. DOK.fest München, abgruefen am 6. April 2025.
Dä Artikel basiert uff ere fräie Übersetzig vu dere Version vum Artikel „Andrea_Roggon“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Andrea_Roggon&oldid=1069843"