Zum Inhalt springen

Andrea Ablasser

Us der alemannische Wikipedia, der freie Dialäkt-Enzyklopedy
d Andrea Ablasser (2014)

D Andrea Ablasser (* 13. Juuli 1983 z Bad Friedrichshall) isch e dytschi Mediziineri un Lääbeswisseschaftleri.

Uusbildig un Beruef

[ändere | Quälltäxt bearbeite]

D Ablasser het Uniwersiteet Minche Humaanmediin studiert, 2008 mit em Staatsexaame abgschlosse un 2010 bromewiert. In dr Zyt vum Stuudium isch si au ne baar Moonet University of Massachusetts Medical School z Worcester gsii. Dr Dokter im Braktikum het si an dr LMU Minche un zum Dail an dr Harvard Medical School un dr Uniwersiteet Oxford gmacht. In ire Dissertazioon im Labor vum Stefan Endres (irem Doktervater) un em Gunther Hartmann an dr LMU Minche het si zue dr Immuunterapy geege Chräbs gfoorscht. Derno het si si dr immunoloogische Foorschig zuegwändet. 2008 bis 2014 het si ne Postdoc-Stell am Institut für Klinische Chemie und Klinische Pharmakologie im Labor vum Veit Hornung an dr Uniwersiteet Bonn ghaa, zum Dail as Dokteri, zum Dail as Juunior-Foorschigsgruppelaiteri. 2014 isch si Assischtänzbrofässeri fir Lääbeswisseschafte an dr École polytechnique fédérale de Lausanne woore, 2019 isch si deert usseroordeligi, 2021 derno oordeligi Brofässeri fir Lääbeswisseschafte.[1]

Foorschig

[ändere | Quälltäxt bearbeite]

S aageboore Immuunsischteem het Muschter-Chännigs-Rezäpter (Pattern Recognition Receptors, PRR) fir lyybfrämdi potenziäll patogeeni Elemänt (PAMP) oder fir d Strässantwort vum Lyyb (Damage-associated molecular Patterns, DAMP), wu dur die uusgleest wiird. D Ablasser foorscht vor allem zue dr Idäntifizierig vu dr PRR fir viraal un bakteriäll Eerbmateriaal, speziäll zue verschiidene Sänser fir viraali DNA.

Doderby het si au ne neiaartige Bootestoff (cGAMP(2′-5′)) idäntifiziert, wu noch em Chänne vu Viire bzw. Bakteerie (iber e Rezäpter fir dääne iri DNA – cGAMP Sintaas oder chuurz cGAS – wu dr Bootestoff sintetisiere duet) Noochberzälle in „Alarmberaitschaft“ versetze duet. Dr Bootestoff duet si iber Gap Junctions zue Noochberzälle uusbraite un aktiviert im Endoplasmaatische Retikulum d STING-Rezäpter, wu wider d Immuunantwoort (wie d Sekreuzioon vu Typ-1-Interferoon) uusleese.

In de Makrofaage in dr Lunge diene cGAS un Inflammasoom derzue, främdi DNA wie die vu Bakteerie ufzspiere. Des leest en Immuunantwoort iber Interleukiin uus, wu aber wieder dur Interferoon 1 dämpft wiird. S Labor vu dr Ablasser het noogwiise, ass s Tuberkelbakteerium aktiiv DNA sezerniert un dooderdur e Dämpfig vu dr Immuunantwoort iber Interferoon 1 schafft.[2]

Eerige un Mitgliidschafte

[ändere | Quälltäxt bearbeite]
  • 2013: Jürgen-Wehland-Bryys
  • 2014: Noowugsbryys vum Paul-Ehrlich-un-Ludwig-Darmstaedter-Bryys
  • 2014: Starting Grant vum Schwyzer Foorschigsverband SNSF
  • 2018: Nazionaale Latsis-Bryys (Schwyz)[3]
  • 2018: Prix Zonta[4]
  • 2019 isch d Ablasser in d European Molecular Biology Organization gweelt woore.
  • 2020 William B. Coley Award
  • 2021 Dytsche Chräbsbryys
  • 2021 EMBO Gold Medal[5]
  • 2021 Dr. Josef Steiner Chräbsfoorschigsbryys.[6]
  • 2022: Mitgliid vu dr Sekzioon Mikrobiology un Immunology vu dr Leopoldina
  • 2023 Paul-Martini-Bryys
  • 2024: Cloëtta-Bryys
  • 2025 Hauptbryys vum Paul-Ehrlich-un-Ludwig-Darmstaedter-Bryys

Uusglääseni Schrifte

[ändere | Quälltäxt bearbeite]
  • mit M. Charrel-Dennis, F. Bauernfeind, G. Horvath, V. Hornung, D. R. Caffrey, E. Latz und K. A. Fitzgerald: AIM2 recognizes cytosolic dsDNA and forms a caspase-1-activating inflammasome with ASC. In: Nature. Band 458, 2009, S. 514–518.
  • mit F. Bauernfeind, G. Hartmann, V. Hornung, E. Latz und K. A. Fitzgerald: RIG-I-dependent sensing of poly(dA:dT) through the induction of an RNA polymerase III-transcribed RNA intermediate. In: Nature Immunology. Band 10, 2009, S. 1065–1072.
  • Filiz Civril, Tobias Deimling, Carina C. de Oliveira Mann, Andrea Ablasser, Manuela Moldt, Gregor Witte, Veit Hornung, Karl-Peter Hopfner: Structural mechanism of cytosolic DNA sensing by cGAS. In: Nature. Band 498, 2013, S. 332–337. (Abstract)
  • Andrea Ablasser, Marion Goldeck, Taner Cavlar, Tobias Deimling, Gregor Witte, Ingo Röhl, Karl-Peter Hopfner, Janos Ludwig, Veit Hornung: cGAS produces a 2′-5′-linked cyclic dinucleotide second messenger that activates STING. In: Nature. 498, 2013, S. 380–384. (Abstract)
  • Andrea Ablasser, Jonathan Schmid-Burgk, Inga Hemmerling, Gabor L. Horvath, Tobias Schmidt, Eicke Latz, Veit Hornung: Cell intrinsic immunity spreads to bystander cells via the intercellular transfer of cGAMP. In: Nature. Band 503, 2013, S. 530–534, (Abstract)
  • R. Wassermann, M. F. Gulen, C. Sala, S. Garcia-Perin, Y. Lou, J. Rybniker, J. L. Schmid-Burgk, T. Schmidt, V. Hornung, S. T. Cole, A. Ablasser: The ESX-1 secretion system of 'Mycobacterium tuberculosis' differentially regulates cGAS- and inflammasome-dependent intracellular immune responses. In: Cell Host & Microbe. 17, 2015, S. 1–12. doi:10.1016/j.chom.2015.05.003
[ändere | Quälltäxt bearbeite]

Fueßnote

[ändere | Quälltäxt bearbeite]
  1. ↑ CV bi dr Leopoldina
  2. ↑ R. Wassermann, A. Ablasser u. a.: The ESX-1 secretion system of Mycobacterium tuberculosis differentially regulates cGAS- and inflammasome-dependent intracellular immune responses. In: Cell Host & Microbe. Band 17, 2015, S. 1–12.
  3. ↑ Latsis-Preis für EPFL-Forscherin | NZZ. In: Neue Zürcher Zeitung. 1. November 2018, ISSN 0376-6829 (nzz.ch).
  4. ↑ Prix Zonta 2019 für zwei Frauen. In: Zentralplus. 21. Oktober 2019, abgruefen am 22. Januar 2020.
  5. ↑ Tilmann Kiessling: EMBO Gold Medal 2021 awarded to Andrea Ablasser. EMBO, Pressemitteilig vom 15. Juni 2021 beim Informationsdienst Wissenschaft (idw-online.de), abgruefen am 15. Juni 2021.
  6. ↑ Dr. Josef Steiner Krebsforschungspreis 2021 geht an Immunologin. In: unibe.ch. Universität Bern, 17. September 2021, abgruefen am 17. September 2021.
Dä Artikel basiert uff ere fräie Übersetzig vu dere Version vum Artikel „Andrea_Ablasser“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Andrea_Ablasser&oldid=1075075"