Alsace – Junge fers Elsassische

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Elsassisch
Alsace - Junge fers Elsassische

D Alsace – Junge fers Elsassische (vìelmols gnannt mìt dr Àbkìrzung „AJfE“) ìsch a Verein vu Junga wo dr elsassischa Dialekt unterstìtza. Si Hàuiptzìel ìsch, àndra Junga uf s Elsassisch brìnga, àss dr Dialekt làwandig un modern blibt.

S Wort „Junga“ ìm Nàmma vum Verein bedittet nìt àss d Junga numma unter sìch wann bliiwa; 's ìsch ehnder a Zeicha wo d Junga sott ermüetiga fer mìtz'màcha, un d Mìtglìeder sìn ungfahr zwìscha 18 un 35 Johr àlt.

Gschìcht vum Verein[ändere | Quälltäxt bearbeite]

S Verein ìsch z'Stroßburri ànna 1999 grìnda worra, vu'ma pààr Studanta wo sìch um s Elsassischa ìntressiart han. Derbii sìn Dialektkenner gsìì, wo do a Glagaheit gfunda han fer mìtnànder Elsassisch reda, àwer aui Junga wo dr Dialekt han wälla lehra.

D Mìtglieder sìn regelmaßig ìm Universitätsrestaurant (resto U) Le Stift zammakumma, fer reda, iawa, un verschìedena kültürella Ereignissa ufz'stella.

Kültürella Àktivität vum Verein[ändere | Quälltäxt bearbeite]

S Verein ìsch sehr aktiv ìm kültürella Gebìet, wo's dr Dialekt uf'ra moderna Àrt unterstìtzt.

  • Àn jedem erschta Mantig vum Monet, ìm Resto U Le Stift, fìndet dr Stàmmtìsch stàtt. Beriahmta elsassischa Perseenligkeita, zum Beispiel Kìnschtler, wara mankmol iglàda.[1]
  • Eimol ìm Monet gìt z'Milhüüsa a „Bàbbla Owa“.[2] Zum Beispiel, àm Owa vum 17. Juni 2013 ìsch s Thema d „Àlemànnischa Wikipedia“ gsìì.
  • Ìm Heftla „D'Heimet zwische Rhin un Vogese“ hàt's Verein a eigena Sitta, wo's a Àrtìkel schribt. Ìm Heftla N°189 vu Septamber 2011 ìsch zum Beispiel a Àrtìkel ìwer d àlemànnischa Wikipedia gsìì.[3]
  • Ìm Summerlied-Festival nìmmt s Verein teil, fer moderna Müsik uf Elsassisch zeiga, wo ìn da Junga gfàllt. A salbschtgmàchter clip ìsch vorgsah, fer Summerlied 2012.
  • Mehrmol ìm Johr wìrd a kültüreller Üsflug orgànisiart. Àlla känna do mìtmàcha, aui dia wo (noh) nìt Elsassisch reda.

Externa Links[ändere | Quälltäxt bearbeite]

Referanz[ändere | Quälltäxt bearbeite]

  1. Dr Stàmmtìsch vum AJFE
  2. Bàbbla Owa
  3. Wikipedia:Pressespiegel
  4. AJFE uf Facebook (verlàngt a Login)