Alfred Heer
Dr Alfred «Fredi» Marius Heer[1] (* 12. Oktoober 1961 z Züri; † in dr Naacht zum 19. Septämber 2025, au deerte; haimetberäächtigt z Glaris) isch e Schwyzer Bolitiker (SVP) gsii. Är isch vu 2007 bis zue sym Dood Mitgliid im Nazionaalroot gsii.
Familie, Uusbildig un Beruef
[ändere | Quälltäxt bearbeite]Dr Heer isch e aidgnessische Diploomchaufmann gsii. Zäme mit em Mauro Tuena isch er Gschäftsfierer vu dr C and E GmbH gsii.[2] Är isch Bresidänt vum SVP-nooche Bund vu dr Styyrzaaler un Bresidänt vu dr Audiatur-Stiftig z Züri gsii.[3]
Dr Heer isch bis 2003 mit ere Italieneri ghyroote gsii un het e erwagseni Doochter. Är isch schwyzerisch-italienische Doppelbuurger gsii un het zletscht z Züri gwoont.[4] Dr Heer isch in dr Naacht zum 19. Septämber 2025 gstoorbe.[5]
Bolitik
[ändere | Quälltäxt bearbeite]Dr Chlaiuntrernämer het vu 1994 bis 1998 em Gmairoot vu Züri aagheert un vu 1995 bis 2008 em Kantoonsroot vum Kanton Züri. Syt de Waale 2007 isch er Mitgliid im Nazionaalroot gsii. Vu April 2009 bis April 2016 war er Bresidänt vu dr SVP vum Kanton Züri gsii.[6][7] Syt 2011[8] isch er Mitgliid vu dr Schwyzer Delegazioon im Europaroot gsii, vu 2016 bis 2018 as Bresidänt vun ere.[9] D Christina Neuhaus het in dr NZZ derzue gschriibe, ass d Schwyzer unter sym Bresidium ire Kampf geege Filz un Korrupzioon nomool intensiviert heebe.[10] Syt 2015 isch er Mitgliid vu dr Gschäftsbriefigsdelegazion (GPDel) gsii, syt 2020 (bis un mit 2021) as Bresidänt vun ere.[11][9] Mit Stand 2020 isch er au Mitgliid in dr Gschäftsbriefigskumissioon NR un Bresidänt vu dr Unterkummissioon EJPD/BK NR gsii.[9]
Weblink
[ändere | Quälltäxt bearbeite]
Commons: Alfred Heer – Sammlig vo Multimediadateie- Alfred Heer uf dr Websyte vo dr Bundesversammlig
- dr Alfred Heer uf dr Websyte vum Europaroot
Fueßnote
[ändere | Quälltäxt bearbeite]- ↑ Alfred Marius Heer, moneyhouse.ch
- ↑ C and E GmbH In: Easymonitoring: Handelsregischter vum 21. Februar 2019.
- ↑ Alfred Heer uf dr Websyte vo dr Bundesversammlig.
- ↑ Anja Conzett: Libero. Porträt in: Republik.ch vum 6. Meerz 2019.
- ↑ Michael von Ledebur: Zürich: Alfred Heer ist verstorben. In: Neue Zürcher Zeitung. 19. September 2025, ISSN 0376-6829 (nzz.ch [abgerufen am 19. September 2025]).
- ↑ SVP Zürich: Alfred Heer ist der neue Chef In: Blick.ch vum 14. April 2009.
- ↑ Christina Neuhaus: «Eine Partei ist immer nur so stark wie ihre Sektionen» Interview in: Neue Zürcher Zeitung vum 30. April 2016.
- ↑ Christina Neuhaus: Unser Mann in Europa. In: Neue Zürcher Zeitung vum 10. Augschte 2015
- ↑ 9,0 9,1 9,2 Alfred Heer uf dr Websyte vo dr Bundesversammlig (Stand 14. Februar 2020)
- ↑ Christina Neuhaus: «Das Fähnlein der zwölf Aufrechten» In: Neue Zürcher Zeitung vum 13. Oktoober 2017
- ↑ Neue Zusammensetzung der Geschäftsprüfungsdelegation, 19. Dezember 2019
|
Dä Artikel basiert uff ere fräie Übersetzig vu dere Version vum Artikel „Alfred_Heer“ vu de dütsche Wikipedia. E Liste vu de Autore un Versione isch do z finde. |