s Schiff Alemannia

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Alemannia
d Alemannia z Köln

d Alemannia z Köln

p1
Schiffsdaate
anderi Schiffsnääme
  • Deutschland (bis 2008)
Schiffstyp Fluss-Chrüüzfaartsschiff
Häimethaafe Basel
Bauwärft Schiffswerft Christof Ruthof
Stapellauf 30. März 1971
In Dienst gnoo 16. Mai 1971
Was mit em bassiert isch uf dr Faart
Määss und Bsatzig
Lengi
110,00 m (Lüa)
Bräiti 11,60 m
Diefgang max. 1,45 m
Verdrängig 1358
 
Besatzig 40

D Alemannia isch es Schiff für Chrüüzfaarte uf Flüss. Si ghört dr Basler Reederei Breeze River Cruises GmbH und stoot im Chartersischteem im Dienscht vo de Nicko Tours, wo z Schduagert dehei isch und Schiffreise z Europa organisiert.

Gschicht[ändere | Quälltäxt bearbeite]

S Schiff isch i de Joor 1970 bis 1971 i dr Werft Christof Ruthof z Mainz für 14,8 Millioone D-Mark bout worde. Zerscht hed s dr Name Dütschland gha (also eigetli uf Standarddütsch Deutschland) und isch bis ane 2007 vo de Transbortgsellschafte Köln-Düsseldorfer und Viking River Cruises uf em Rhy und uf dr Moosel bruucht worde.[1]

Am 12. Mai 1971 hed d Gabrielle von Oppenheim z Bonn s Schiff tauft, dr domoolig dütsch Vercheersminischter Georg Leber isch dört derby gsi.

d Alemannia uf em Rhy

Sid em Mai 1971 hed d Reederei s Schiff nach em Faarplan ufem Rhy zwüsche Rotterdam und Basel lo faare. Im 1995i hed d West KD Schiffs-Invest AG d Dütschland zäme mid drü anderne Flusschrüüzfaartsschiff gchauft und a ne neui Firma vermietet, d KD Deutsche Flusskreuzfahrten GmbH. Am 1. Januar 1997 isch d Dütschland ane Tochterfirma gange, wo z Basel dehei isch, d KD Triton AG. Denn isch si i dr Schwiiz regischdriert worde. Vo 2000 bis in Summer 2007 hed d Viking River Cruises d Chrüüzfaarte uf de Flüss usgfüert.

Ane 2008 hed d Schwiizer Firma Breeze River Cruises GmbH d Dütschland gchauft und em Schiff dr neu Name Alemannia ggää. Sidhär faart si für d Nicko Tours no immer uf em Rhy und uf dr Moosel.

Yrichtig und Technik[ändere | Quälltäxt bearbeite]

D Alemannia hed Kabiine, wo uf drü Deck verdeilt sy. Es git 108 Doppelkabiine, und mid Zuesatzbett cha s Schiff 236 Faargescht midnää. Ganz vorne isch en Panoramasalon, wo Wänd ganz us Glas het.

S Schiff hed vier zwölf-Zylinder-Diiselmotoore vo dr Motoorefabrigg Deutz vo Köln. Es cha s Huus vom Stüürme und s Chemi ablegge, wenn s under nidrige Brügge durefaart.

Literatur[ändere | Quälltäxt bearbeite]

  • Georg Fischbach: Die Schiffe der Köln-Düsseldorfer 1826–2004. Marienhuuse 2004.

Weblink[ändere | Quälltäxt bearbeite]

 Commons: Alemannia (Schiff) – Sammlig vo Multimediadateie

Fuessnoote[ändere | Quälltäxt bearbeite]

  1. Website vo dr Köln Düssldorfer
Information icon.svg Dä Artikel basiert uff ere fräie Übersetzig vum Artikel „Alemannia (Schiff)“ vu de dütsche Wikipedia.

E Liste vu de Autore un Versione isch (Schiff)&action=history do z finde.