Albrecht Rychen

dr Albrecht Rychen (1994)

Dr Albrecht Rychen (* 29. Juuli 1948 z Wilderswil; † 26. Februar 2025) isch e Schwyzer Bolitker (SVP, syt 2008 BDP) gsii.

Lääbe

Dr Rychen isch e diplomierte Beruefsschulleerer gsii un vu 1979 bis 2013 Räkter vum Bruefs- un Wyterbildigszäntrum BWZ Lyss.

Sy Bolitikkarriere het er anne 1966 im Juugedbarlemänt Bärn aagfange, wun er bis 1969 aagheert het. Im nämlige Joor het er di Jung BGB vum Kanton Bärn grindet. Vu 1974 bis 1987 het dr Rychen em Grooße Root vum Kanton Bärn aagheert. Vu 1982 bis 1987 isch e au Mitgliid vum Grooße Gmairoot vu Lyss gsii. Vu 1984 bis 1996 het er d SVP vum Kanton Bärn bresidiert. Vu 1987 bis 1999 isch e Nazionaalroot gsii un het dr Ussebolitische Kummissioon aagheert, wun er zwai Joor lang bresidiert het, un dr Kummissioon fir Soziaal- un Gsundhaitsbolitik. Vu 1988 bis 1992 het er di Aidgnessisch Wasserwiirtschaftskummissioon bresidiert. Bi de Barlemäntswaale 1999 isch dr Rychen, wu as gmäässigt gilte het, nimi wiidergweelt woore. Anne 2008 isch dr Rychen Mitgrinder vu dr BDP Schwyz, Mitgliid vu dr Gschäftslaitig vu dr BDP Schwyz un Brogrammschef gsii.

Vu 1982 bis 1996 isch dr Rychen em Kantonaalverband vu bärnische Chrankechasse voorgstande. Vu 1995 bis 2003 isch er Bresidänt vu dr Schwyzerische Lungeliiga gsii. 1998 bis 2017 isch er Verwaltigsrootsbresidänt vu dr Chrankechasse Visana gsii.

Dr Rychen isch verwitwet gsii un het drei Chinder ghaa. Är isch Buurger vu Wilderswil gsii un het z Lyss gwoont.

Anne 2023 het me erfaare, ass dr Rychen d Alzheimer-Chranket het. Är isch am 26. Februar 2025 gstoorbe.

Weblink

• Albrecht Rychen uf dr Websyte vo dr Bundesversammlig

Fueßnote

Dä Artikel basiert uff ere fräie Übersetzig vu dere Version vum Artikel „Albrecht_Rychen“ vu de dütsche Wikipedia. E Liste vu de Autore un Versione isch do z finde.