Abor & Tynna
Abor & Tynna sin e Musikduo vu Eeschtryych. S bstoot us de Gschwischtrig Attila (* 1998 z Wien) un Tünde Bornemisza (* 22. Dezämber 2000 z Wien[1]). Im Meerz 2025 hän si mit em Lied Baller in dr Castingshow Chefsache ESC 2025 – Wer singt für Deutschland? gwunne un sin fir Dytschland bim Eurovision Song Contest 2025 z Baasel aadrätte.
Gschiicht
[ändere | Quälltäxt bearbeite]D Gschwischtrig sin z Wien in ere Musikerfamilie ufgwagse.[2] Ire Vater Csaba Bornemisza (* 1966 z Wien) isch syter anne 1993 Tschellischt bi de Wiener Philharmoniker.[3][4][5] D Tünde spiilt Queerfleete[1] un ire Brueder Attila Tschello. D Gschwischtrig studiere Maschiineböu un Fililogy.[2]
Anne 2016 hän si ire eerschte gmainsaame Song ufgnuu. Si sään si im Beraich Pop, Hip-Hop un Eläktroonik.[3] Im Joor 2024 sin si Voorgruppe gsii, wu d „Glas Tour“ vu dr Nina Chuba z Bremen ufgmacht wooren isch.[6] Anne 2025 het si si mit irem Lied Baller us irem Debütalbum Bittersüß, wu d Tünde alias Tynna singe un dr Attila (Abor) si uf em Tschello beglaite duet, erfolgryych fir di dytsch Voorentschaidig Chefsache ESC 2025 – Wer singt für Deutschland? zum Eurovision Song Contest bewoorbe. Si sin vu dr Jury in dr Voorrundi, em Halbfinaal un em Finaal als wytegweelt woore un hän am 1. Meerz 2025 mit 34,9 % vu dr Stimme s Televoting vu dr verbliibene fimf Superfinalischte*ne gwunne[7]. Si hän Dytschland bim Wettbewäärb am 17. Mai 2025 z Baasel verdrätte.[8][9] Bim Finale vum ESC sin si it em Lied Baller uf Blatz 15 chuu.
Weblink
[ändere | Quälltäxt bearbeite]Fueßnote
[ändere | Quälltäxt bearbeite]- ↑ 1,0 1,1 Kultur und Musik im Weingut. Abgruefen am 2. März 2025.
- ↑ 2,0 2,1 Chefsache ESC 2025 – Wer singt für Deutschland? vum 1. Meerz 2025
- ↑ 3,0 3,1 69. Song Contest: Duo aus Wien will für Deutschland singen. In: Salzburger Nachrichten. 4. Februar 2025, abgruefen am 25. Februar 2025.
- ↑ Csaba Bornemisza. In: wienerphilharmoniker.at. Abgruefen am 25. Februar 2025.
- ↑ Csaba Bornemisza. In: stare.info. Abgruefen am 2. März 2025.
- ↑ Porträt: Abor & Tynna „ballern“ sich zum ESC nach Basel. In: Eurovision.de. 2. März 2025, abgruefen am 4. März 2025.
- ↑ ESC-Vorentscheid: Alle Infos zum Finale von „Chefsache ESC“. In: Eurovision.de. 2. März 2025, abgruefen am 3. März 2025.
- ↑ Abor & Tynna singen für Deutschland beim ESC in Basel. In: Frankfurter Allgemeine Zeitung. 2. März 2025, abgruefen am 2. März 2025.
- ↑ Kiana Kappen: Abor & Tynna vertreten Deutschland beim ESC 2025: Geschwisterpaar siegt mit „Baller“. In: Diffus. 3. März 2025, abgruefen am 3. März 2025.
|
Dä Artikel basiert uff ere fräie Übersetzig vu dere Version vum Artikel „Abor_&_Tynna“ vu de dütsche Wikipedia. E Liste vu de Autore un Versione isch do z finde. |