Abby Lynn

D Abby-Lynn-Saga isch e füfteiligi Romanreihe vom Rainer Maria Schröder, wo sich a Jugentlichi ab zwölfi richtet. Sie fangt im früehne nünzähtä jahrhundert (1804) in London. D Büecher erschienet ab 1989 in Dütschland im Bertelsmann-Verlag (mittlerwiile Verlagsgruppe Random House).

Handlig

D Abby Lynn isch mit vierzähni in en Taschediebstahl verwicklet und zu siebe Jahr Zwangsarbet in New South Wales verurteilt worde. Aber sie hett Glück gha und lernt uf dä Reise d ebefalls wegä Mord verurteilti Rachel känne, sowie die fründlichi Farmerfamilie Chandler kännä, bie denne dörf sie dänn uf dä Farm Yulara schaffä. Sie verliebt sich in Andrew, dä jüngsti Sohn vo dä Famillie und hüratet ihn. Doch dänn passiert äa Unglück: d Abby wird überfalle und is Hinderland verschleppt. Dä Andrew gaht verzwiifelt uf d suechi nach ihre, will er nöd glaubt, dass sie tot isch. Er findet sie schlussendlich bi de Abourigines und die beide chömäd nach Yulara zrugg. Doch chum sind sie acho, müend sie sich scho wieder trenne: äm Andrew sin Vater isch wäg „Rebbelion“ geg die korrupti Regierig erschosse worde und äm Andrew siin Brüeder Melvin wird als politische Involvierte gsuecht. D Abby wird dä Kollaboration mit ihm bschuldigt und trotz vortgschrittener Schwangerschaft in Sydney in Haft gnoh worde.

Zu allem überfluss isch d Gfängnisswärterin usgrächnet d Totfeindin vo dä Abby, d Cleo, wo sie wie d Rachel uf dä Reisä nach Australiä kännäglernt hätt. D äm Alkohol verfalleni und vollkomme bösartigi Cleo peinigt d Abby, überall wo sie cha und will sogar ihres Chind an es Freudehuus verchaufe. Trotzdem cha sich d Abby uf dä Andrew und sinii fründe verlah; mit dä Hilf vo dä Rachel chönd sie und ihres Chind dä erneute verurteilig entgah. Sie und dä Andrew bschlüssed sich mit ihrem Sohn äm Johnathan näm Siedlertreck azschlüsse und d Kolonie z verlah. D Cleo aber, schwört sich Rache zneh und heftet sich mit näm Soldatä Trupp, a ihri Ferse. Als d Siedler nach viele Strapaze und Abentüür endlich än geignete Plazt zum Niederlah (Frangipani Valley) findet, werdet sie vo dä Soldatä ufgspührt.

D Abby und dä Andrew werdät in Chettä gleiht und nach Sydney zruggbracht. Dört wartet scho dä Melvin uf sie – Er hätts gschafft, die korrupti Regierig mit dä Hilf vo dä britische Krone endlich z stürze. Dä neu iigsetzti Gouverneur isch parat dezue, dä illegali Siedlertreck nachträglich z gnämigä, wenn d Siedler sich inere Petition zu ihrem Unrecht bekännät. Dä Abby ihri Erzfeindin d Chleo schaffts jedoch, äm Gouvaneur ä gfälschti Petition z zuäspiele und so wärdet d Siedler us äm Franipani Valley vertriebä. D Farm vo dä Abby und äm Andrew wird däbi usgrächnet zweinä, vo ihne verhassti, Mitglieder vo dä ehemaligä korrupte Regierig, dä Danesfield und dä Grenville, zuäteilt. Es chunt zu Usänandersetzigä, bi wellnä d Abby stürzt und infolgädessen ihres zweitä Chind verlührt. Rasend vor Wuät stürzt dä Andrew sich unbewaffnet uf dä Danesfield, wellä dä Abby ihre Sturz verursacht hätt und sich im Gerangel versehäntlich erschüsst. In Sydney wird dä Andrew zu 30 Mönät Sträflingsarbet uf dä brutale Norfolkinslä verurteilt, vo dere nur wenigi läbänd zrugg chömäd. Dadrufane versinkt d Abyy i schweri Depressione und versuecht sogar Selbstmord, entschiedet saich dänn aber, ihre Sohn nöd im Stich z lah.

Historischi Bezüg

D Handlig vo dä Roman spielt zwüsche dä Jahre 1804 und 1810. Es findet sich i dä Romane z. B. ä Bschribig vo dä Gfangeneschiff oder dä Umständ, unter denä d Sträfling i närä Chorbflächterei schaffe händ müese. Au d Rum-Rebbelion unter äm William Blight, wo zu derä Ziit Gouvaneur in New South Wales gsi isch, wird vo dä Protagoistä miterläbt. Dä Fiktivi Melvin Chandler, Brüäder vom Andrew, ghört zu dä Händler und Chauflüüt, wo versuächt händ, än regulärä Rum-Handel für ihres Land z erstritä.

Resonanz

1988 isch dä Schröder für Abby Lynn – Verbannt ans Ende der Welt mit äm Friedrich-Gerstäcker-Pris uszeichnät wordä. Äm Rainer Maria Schröder sini Büächer sind in 10 verschidäni Sprache veröffäntlicht wordä; d Büächer sind au in Hörbüächer umgsetzt wordä.

Usgabä

Abby-Lynn – Verbannt ans Ende der Welt. cbt, München 2002, ISBN 3-570-30098-6 (Band 1 vo dä Saga)
Abby-Lynn – Verschollen in der Wildnis. cbt, München 2002, ISBN 3-570-30099-4 (Band 2 vo dä Saga)
Abby-Lynn – Verraten und verfolgt. cbt, München 2003, ISBN 3-570-30224-5 (Band 3 vo dä Saga)
Abby-Lynn – Verborgen im Niemandsland. Cbj, München 2004, ISBN 3-570-12646-3 (Band 4 vo dä Saga)
Abby-Lynn – Verlorenes Paradies. Cbj, München 2014, ISBN 978-3-570-40236-8 (Band 5 vo dä Saga)

Dä Artikel basiert uff ere fräie Übersetzig vu dere Version vum Artikel „Abby_Lynn“ vu de dütsche Wikipedia. E Liste vu de Autore un Versione isch do z finde.