Vivid Curls

Vivid Curls

Vivid Curls (2007), links: Inka Kuchler, rächts Irene Schindele Vivid Curls (2007), links: Inka Kuchler, rächts Irene Schindele
Allgmeini Informatione
Genre	Folkrock
Gründig	2002
Website	http://www.vivid-curls.de/
Gründungsmitglider
Gsang, Gitarre, Mundharmonika	Irene Schindele
Gsang, Gitarre	Inka Kuchler
Aktuelli Bsetzig
Gsang, Gitarre	Irene Schindele
Gsang, Gitarre	Inka Kuchler
Percussion	Markus Wohner (syt 2007)
Gitarre	Florian Hirle (syt 2015)
Bass	Helmuth Baumann (syt 2015)
Ehmaligi Mitglider
Gitarre, Klavier	Werner K. aka „Leyenda“
Bass	Peter Wachter
Gitarre, Mandoline	Matt Schaffer
Bass	Julia Hornung

D Vivid Curls sin e dytsch Folkrock-Duo us em Allgai.

Gschicht

Anne 2002 hän sich d Irene Schindele (* 19. Oktober 1980 z Minche) un d Inka Kuchler (* 1. Merz 1977 z Kempte) chänneglehrt. Si sin boodi z Wiggeschbach bi Kempte ufgwagse. Wu si ihre gmeinsam Inträsse am Musik mache uusegfunde hän, hän si bschlosse mitenander dur Europa z reise un Stroßemusik z mache.

In dr Aafangsjohre hän si vor allem Coversongs gsunge, zem Byschpel vu dr Melisse Etheridge, vu dr Alanis Morissete un vu dr Beatles. Mit dr Zyt hän si aber au allmeh ihri sälber gschribene Lieder gsunge, vil dervu im Allgaier Dialäkt, e Deil au uf Änglisch oder Spanisch. Syt 2007 wäre d Vivid Curls vun ere Band begleitet.

Ihre erscht Album Allgäu hän d Vivid Curls anne 2008 uusebrocht. S het zwelf Lieder druf, nyyn dervu uf Allgaiisch, zwei uf Änglisch un eis uf Spanisch. S zweit Album Lebenstanz isch ganz unplugged gsi un isch 2009 uusechuu. Im dritte Album D'Aufstand, wu si 2010 uusebrocht hän, hän sich d Lieder uf sozialkritischeri Theme verlageret: iber dr Klimawandel, zem Konsumwahn, zue Religionschrieg. Au im zweite un dritte Album het s Lieder uf Änglisch un uf Spanisch, di meischte sin aber uf Allgaiisch.

Im Lauf vu dr Johr sin d Vivid Curls iber s Allgai uuse bekannt wore mit Ufdritt im SWR Färnseh, mit Konzärt im ganze siddytsche Ruum, zem Byschpel bim Tollwoodfestival z Minche

2010 hän d Vivid Curls bim Dytsche Rock & Pop-Bryys in dr Kategori Beste Popgesanggruppe dr 1. Bryys gwunne, 2011 hän si dert in dr Kategorie Beste Popgesanggruppe un Beste Deutsche Countryband gwunne.

Uf ihrem Album Verlockung vu 2011 hän si Lieder vu andere interpretiert, in dr Hauptsach änglischi Lieder, aber au ai Lied uf Dytsch.

Im Johr 2016 hän d Vivid Curls dr Noowuchsbryys vu dr Hanns-Seidel-Stiftig kriegt.

Lieder im Dialäkt

D meischte vu ihre eigene Lieder singe d Vivid Curls mittlerwyyli im Allgaier Dialäkt. No dr bode Sängerne sej des d Sproch, wu si am ringschte chennte schwätze un wu dodermit au di persenligschte Text din dete entstoh. Si sächte dr Allgaier Dialäkt au as ebis Wärtvolls aa un mechte mit ihre Lieder derzue byydrage, ass er erhalte blybt.

Namme

Dr Namme Vivid Curls (ängl.: läbigi Locke) beziet sich uf di lange Locke vu dr bode Sängerne.

Bandmitglider

• Inka Kuchler – Gsang, Akustikgitarre
• Irene Schindele – Gsang, Akustikgitarre
• Florian Hirle - Gitarre
• Helmuth Baumann - Bass
• Markus Wohner – Schlagzyyg, Cajòn un Konga

Ehmoligi:

• Werner k – Gitarre un Klavier
• Peter Wachter – Akustikbass
• Julia Hornung – Akustikbass
• Matt Schaffer – Akustikgitarre un Mandoline

Diskografii

Albe

• Allgäu, 2008
• Lebenstanz', 2009
• D'Aufstand, 2010
• Verlockung, 2011
• Jäger der Glückseligkeit, 2014
• Eine Welt, 2016

Livealbe

• Vivid Curls & Sarah Straub live, 2016

Single

• Christkind fliag, 2006 (vergriffe)
• Vorg'schmack, 2007 (vergriffe)
• Christkind fliag, 2007 (nej ufgnuu)

Medie

• Die Allgäuer Band „Vivid Curls“ in dr ARD-Mediathek – Färnsehporträt vu Bayrische Färnseh, Sändig vum 13. April 2013 (mit Videostream, Lengi: 13:15 Minute).

Weblink

 Commons: Vivid Curls – Sammlig vo Multimediadateie

• Offiziälli Homepage
• D Vivid Curls uf Myspace.com
• Vivid Curls bi Allmusic (änglisch). Abgruefen am 16. Juli 2013.
• Vivid Curls uf Last.fm
• Porträt vu dr Vivid Curls bim Bayrische Rundfunk