Zulu Nation

Us der alemannische Wikipedia, der freie Dialäkt-Enzyklopedy
Hops zue: Navigation, Suech
De Afrika Bambaata mit em DJ Yutaka vun de Zulu Nation Japan anne 2004

D Zulu Nation isch e Organisation, wu dr Afrika Bambaata grindet het, zum jungi Mensche vor Droge und Gwalt z bewahre.

Idee[ändere | Quälltäxt bearbeite]

De New Yorker DJ Afrika Bambaataa isch schu als Kind uf d Idee kumme, e Zulu Nation z grinde. De Aalass fir en isch de Film Zulu mit em Michael Caine gsi, wu di afrikanisch Zulu Nation durich Tapferkeit un Zämmenhalt wie Helde dargstellt worre sin. Des isch in de 1960er Johr noch ugwehnli gsi, dass Schwarzi as Held zeigt werre.

Umsetzung[ändere | Quälltäxt bearbeite]

Bis in d 1970er Johr het sich de Afrika Bambaataa im Umfeld vun de Nation of Islam un de Street Gang Black Spades ufghalte. E Todesfall vun nem Freind bie me Polizei-Iisatz het ne dezue brocht, des z iberdenke un ebis Bessres uf d Bei z stelle. Gmeinsom mit Weggfährte us denne Gruppe het er zerscht The Organisation grindet, wu winig speter The Universal Zulu Nation drus worre isch.

D Zulu Nation isch e Musik-, Sozialdienscht- un Kunscht-Organisation, wu sich in de Hauptsach im Hip Hop widmet. D Mitglider vun de Zulu Nation glaube on Frejheit, Grächtigkeit, Wisse, Wiisheit un Verständnis.

Si betätige sich zum Biispil as DJs, Graffitikinschtler, Rapper, Breakdancer, Organisatore oder im Vertriib vun ihri Platte. Derzue wirke si on Diskussionsveronstaltunge mit, wu sich mit de Ziil vum Hip Hop befasse. So stihn si direkt mit derre Kultur in Verbindung.

Chapter[ändere | Quälltäxt bearbeite]

De Erfolg vum Hip Hop ab de 1980er Jôhr het bewirkt, dass die Organisation nodno ebefalls weltwit bekonnt worre isch. So sin noch em Zentrum in de New Yorker Bronx in verschidene Länder Zwiigstelle ufgamcht worre, d Chapter. Viil bekonnti Hip Hop-Persenligkeite sin dert Mitgliider.

Mitgliider[ändere | Quälltäxt bearbeite]

Bekonnti Mitgliider sin de Ice-T, de Afrika Islam, De La Soul, d Queen Latifah, d Jungle Brothers, de WestBam un d Cora E.. 1985 het de Afrika Bambaata de Heidelberger Rapper Torch zum „Kinig“ vu de ditsche Chapter vun de Zulu Nation krent.

Weblink[ändere | Quälltäxt bearbeite]