Zopf

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Disambig.svg Dä Artikel behandlet d Bachwar. Für anderi Bedütige lueg Zopf (Begriffsklärung)
En typische Sunntigs-Zopf
Tresse.jpg

En Zopf (bärndütsch:Züpfe) isch es Brot i Form vo eme Zopf, wo i de Schwiiz traditionell am Sunntig zum Z'Morge gässe wird.

Zubereitig[ändere | Quälltäxt bearbeite]

De Zopf wird us Hefedaig hergschtellt, wo us Zopfmehl, Milch, Butter, Salz, Hefe un mängisch au mit Ei gmacht wird.

Ursprüng[ändere | Quälltäxt bearbeite]

D Quellelag zu de Ursprüng vom Zopf isch ned guet. So gits für d Form vom Zopf verschidnigi Theorie. Im Elsass heissts, d Form vo de Haarzöpf vo de Fraue sigi d Inschpiration gsi. In de Schwiiz het im 1951i d Fachschuel für Bäcker un Konditotre druf higwise, dass ma früener tote Ehemanner en Haar-Zopf vo ihre Ehefrau un en Zopf us Brotdaig mit ins Grab gäh heigi.

Di erscht erwähnig vo eme Zopf isch us em Johr 1470 us Bärn.

Tradition[ändere | Quälltäxt bearbeite]

De Zopf isch ursprünglich es reins Sunntigsbrot gsi. Au hüt no wird in vilne Familie numme am Sunntig Zopf gässe. Au bim Beck cha ma meischt numme am Wocheänd Zopf go poschte. Bi de Grossverteiler isch es hütztag e chli anderscht. Bi Migros un coop gits de Zopf hüfig di ganz Woche z chaufe.

Websyte[ändere | Quälltäxt bearbeite]

Hie gyts es freis Rezäpt unger dr GFDL mit Biudli (ou GFDL), wieme richtig tuet Züpfe bache: lix.cc/blog