Die Zionistischi Wältorganisation
Die Zionistischi Wältorganisation (hebr. ההסתדרות הציונית העולמית) isch 1897 am Erste Zionistekongräss z Basel as die Zionistischi Organisation (hebr. ההסתדרות הציונית), churz änglisch ZO, gründet worde.[1] Ihre Name isch offiziel im Januar 1960 in World Zionist Organisation, churz WZO, abgänderet worde.
Die Zionistischi Organisation isch e Dachverband für die zionistischi Bewegig gsi und het zum Ziil gha, e jüdischi Heimet in Palestina z gründe. Dr Herzl, wo zsämme mit em Max Nordau und em Zvi Schimschi dr erst Kongräss z Basel organisiert het, het in siim Dagebuech gschriibe: «in Basel habe ich den Judenstaat gegründet», au wenn er gwüsst het, ass dr Wäg zum e Staat no lang wurd si.
Dank em ZO, won en Art jüdischi Schatteregierig vo Palestina gsi isch, het dr Staat Israel, won er am 14. Mai 1948 usgrüeft worden isch, schon e Huffe administrativi Iirichdige gha.
Noowiis[ändere | Quälltäxt bearbeite]
- ↑ Lueg Chapter 2: The Seven Years of Herzl Archivlink (Memento vom 25. Jänner 2010 im Internet Archive) of Zionism – The First 120 Years Archivlink (Memento vom 22. Septämber 2010 im Internet Archive) vo dr Jüdische Agentur.