Zentrum Paul Klee
S Zentrum Paul Klee z Bärn isch noch Blän vom Renzo Piano baut und am 20. Juni 2005 eröffnet worde.
Im Middelpunkt vo dere Kulturinstitution, wo vom Chirurg Maurice Edmond Müller stiftet worden isch, stoht dr Mooler Paul Klee (1879–1940), wo z Bärn guet d Helfti vo siim Läbe verbrocht het. Vo siim Œuvre, wo fast 10'000 Wärk umfasst, si 40 Brozänt, das heisst öbbe 4000 Gmäld, Aquarell, Zeichnige, Archivalie und biografischi Materialie im Zentrum Paul Klee underbrocht. Vorhär isch im Klee si Nochlass im Kunstmuseum Bärn ufbewahrt worde.
S Zentrum Paul Klee söll en internationals Kompetänzzentrum für d Erforschig, Vermiddlig und Präsentation vo dr Person, vom Läbe und Wärk vom Paul Klee und däm si Rezeption si. Mit Bezug uf die vilfältigi künstlerischi Dätigkeit vom Paul Klee beschränkt sich s Zentrum dorum nit nume uf d Präsentation vom Klee siim bildnerische Wärk, sondern isch au e Blattform für Muusig, Theater, Danz, Litratur und spartenübergrifendi künstlerischi Usdrucksforme. E Bsunderheit bildet s Kindermuseum Creaviva im Zentrum.
Bim Bau vom Paul Klee Zentrum si im ganze 4,2 km Stahldräger bruucht worde.
[ändere] Zitat
„Es geht darum, einen Ort zu schaffen, der dem Geist von Paul Klee entspricht, der aussergewöhnlich war in seiner Einfachheit und seiner Kreativität.“
[ändere] Litratur
- Zentrum Paul Klee (Hrsg.): Zentrum Paul Klee, Bern. Hatje Cantz Verlag, Ostfildern 2005, ISBN 3-7757-1532-0 (umfangriiche Katalog mit ere CD-ROM Dokumente drbii)
- Zentrum Paul Klee (Hrsg.): Zentrum Paul Klee, Bern – Die Architektur. Hatje Cantz Verlag, Ostfildern 2006, 160 S., 120 Abb., drvo 103 farb., ISBN 3-7757-1549-5 (änglisch ISBN 3-7757-1550-9; französisch ISBN 3-7757-1551-7)
[ändere] Weblingg
Allmänd (Commons): Zentrum Paul Klee — Witeri Mulitimediadateie zum Artikel
| Dä Artikel basiert uff ere fräie Übbersetzig vu dere Version vum Artikel „Zentrum_Paul_Klee“ vu de dütsche Wikipedia.
E Liste vu de Autore un Versione isch do z finde. |
