Zällkärn

Us der alemannische Wikipedia, der freie Dialäkt-Enzyklopedy
En elektronenmikroskopischi Ufnaam vom ene Zällkärn.

E Zällkärn oder Nukleus (lat. nucleus „Kärn“) isch e Organell vo dr öikaryotische Zälle, wo s Erbguet enthaltet. Dr Nukleus lit im Cytoplasma und si Form isch mäistens rundlig. Mit nukleär oder karyo (altgriechisch κάρυον káryon „Kärn“) wird e Bezug uf e Zällkärn usdruckt. So säit mä em Inhalt vom Zällkärn Karyoplasma oder dr Wüsseschaft vom Zällkärn Karyologii.

Äigeschafte[ändere | Quälltäxt bearbeite]

Dr Zällkärn isch s Hauptmerkmol zum zwüsche Öikaryote (Lääbewääse mit eme abgränzte Zällkärn) und Prokaryiote (Lääbewääsen ooni abgränztem Zällkärn, also Bakterie und Archeä) z underschäide. Er enthaltet dr grösst Däil vom genetische Material vo dr öikaryotische Zälle in dr Form vo meerere Chromosome. Witeri Gen het s in de Mitochondrie und bi Pflanze au in de Chloroplaste. Die mäiste öikaryotische Zälle häi genau äi Nukleus. Es git aber au Usnaame wie d Myotube, wo entstöön, wenn Myoblaste verschmelze, und die häi mee as äi Kärn. In Embryo vo dr Fruchtfliege däile sich d Kärn seer schnäll, ooni dass zerst Zällmembran entstöön, wo d Zälle drenne. Rifi Erythrozyte vo de Süüger enthalte kä Kärn me, er wird abgstoosse wääred em Rifigsbrozäss.

Wichdigi Vorgäng, wo innerhalb vom Zällkärn ablaufe, si d Replikazioon vom DNA, wo drbii s genetische Material in dr Form vo DNA dupliziert wird, und d Dranskripzioon, won e mRNA-Kopii gmacht wird vom ene DNA-Abschnitt, wo vilmol, aber nit immer, eme Gen entspricht.

Litratuur[ändere | Quälltäxt bearbeite]

  • T. Cremer: Von der Zellenlehre zur Chromosomentheorie. Springer Verlag, Berlin u. a., 1985, ISBN 3-540-13987-7 (onläin) (zum Gschicht; PDF; 6,1 MB)

Weblingg[ändere | Quälltäxt bearbeite]

 Commons: Zällkärn – Sammlig vo Multimediadateie
Dä Artikel basiert uff ere fräie Übersetzig vum Artikel „Zellkern“ vu de dütsche Wikipedia. E Liste vu de Autore un Versione isch do z finde.