Wikipedia Diskussion:Artikel, wos i allne Wikipedene gee sött

Lemma

Wenn bitte oinar vo de richtigs-Alemannisch-Beherrscher fir dä Artikel 's passende Lemma fend on dann verschiabt, kemma âosre Versiô aitraga bei meta:List of articles every Wikipedia should have. On wer seha wuill, wia andre kloina Wikipedias schaffe, ka angugga:

• Plattdüütsch nds:Wikipedia:List vun Artikels, de in all Wikipedias binnen ween schöölt
• Ripoarisch (Kölsch) ksh:Wikipedia:Sigge di en alle Sproche drin sin sullte
• Lëtzebuergesch lb:Wikipedia:Artikelen, déi et op all Wikipedia sollt ginn
• Limburgs li:Wikipedia:Lies van artikele die eder Wikipedia moot höbbe
• Furlan fur: Vichipedie:Liste dai articui che dutis lis vichipedîs a varessin di vê

KaPe 23:13, 21. Jul. 2007 (CEST)

do d Lemma bi uns sowiso hochditsch sin, seh ich i däm Lemma kes Problem (usser dasses es bizz lang isch). Vilmee frog ich mich, ob sich die alemannisch Wikipedia a däm Projekt beteilige sotti. Artikel uss färne Länder uff alemannisch go übertrage, wo in dr ditsche Wikipedia hyffig besser gschriibe sin, macht die alemannisch Wikipedia nid stark. Die alemannisch Wikipedia wird gschriibe vo Lyt vo do für Lyt vo do - und die wän au eppis lääse, wo si bi de Ditsche nid finde, also über Themene vo do. Das Projekt vo de must-haves isch guet für Wikipedias, wo's Lyt gitt, wo nur die Sprooch beherrsche. Bi uns kann jede (oder ämmel fasch jede) au schriftdütsch --Dr Umschattig red mit mir 12:10, 22. Jul. 2007 (CEST)

i han des Lemma iitraga wälla bi meta:List_of_articles_all_languages_should_have, un do koi Standarddeitsch, sondern e konsens-fähige alemannische Fassong nemma. Ansonsta find i daine Argument guat. Doch en dr Gschicht vu dr alemannischa Wikipedia (dia won'i loider nirgends uffgschriibe gfonda heb) hetts emol a Phase gäa, wo mr zähld hätt, uff em wievielte Platz onder de kloina Wikipedias (wie dia oba) mer sin. Damoals send viele Artikel entstanda zu Himmelskörper, wia die blaue Links bi Liste der natürlichen Satelliten zaiga, aber zom Beispiel geits zu Waldshut hier nix. Abr jetzt lias i erstmol 's Protokoll wom Dreffa am Hochrhai. --KaPe 19:26, 22. Jul. 2007 (CEST)

am Summerträffe hämmers au vo de Lemmata gha und sin zum Schluss ko, dass am Schriftdütsch leider ke Wäg vrby fiehrt. De Ratings (uff welem Platz simmer) hämmer dört übrigens au e Absag erteilt, will mr jo vo zig kleine Wikipedias mit bot-generierte Mini-Stumpe überholt worde sin - die Ratings also nyt mee ussage --Dr Umschattig red mit mir 20:00, 22. Jul. 2007 (CEST)

Diktat vo de Starche und Mächtige? Und wiso stimmt die Liste nöd mit de Englische Liste öberii (do feelt z.B. d Muetter Theresa oder d Seel), deför isch de Pluto dine, wo bide Englische feelt. Und wele Scherzbold het Waldshuet inetue, womer doch bim Summertreffe usegfunde hend, as Rhyfälde di goldig Mitti vom Alemaneland isch. Do wers besser, me wöret en aigni Wunschliste mache, wie z.B. Staibogg, Alperöösli, Charlsrue, Mainau, Neckar, Walsertiitschu, Heidi, Johanna Spyri, etc --al-Qamar 22:13, 23. Jul. 2007 (CEST)

dr Unterschied isch darin begründet, dess i dia :de:-Liste gnomma heb (diweil dia scho duitsch isch). Un schee, dass min Scherz mit Waldshut gmerkt hesch. I finds au a bessre Idee, dass unsre iiheimische Stett an Artikel hebbet als asona "Kanon" vu Bildung. Un do isch mr doch grad selligs Stettle am Hochrhi mit 22'000 Iiwohner uffgfalle, wo es bis anhin no ett zum Artikel in onsra Wikipedia brocht het - un i find des bedauerlich. --KaPe 21:05, 18. Aug. 2007 (CEST)

I kenn da Schtettli nöd. Aber wenn en Artikel schribsch, weris emol go bsueche goo. Aber so oni Vorwüsse lits nöd Dine ;-) --al-Qamar 12:06, 21. Aug. 2007 (CEST)

Rf. "gee sött"

Wär die Roijefolg "sött gee" im Titl it besser (alemannischer) as wie "gee sött"? --- MfG, Melancholie 15:56, 26. Feb. 2008 (CET)

New real time list of missing articles

I suggest that you give a look to the Mix'n'match tool by Magnus Manske, and that you recommend it from this page. Thanks to Wikidata, it's able to tell you in real time what articles you're missing out of several reliable lists of relevant persons. --Nemo 19:06, 10. Okt. 2014 (MESZ)

Saft

Hesch rächt, Holder. Komischerwys hend aber Sprachversione wie Dütsch, Französisch, Spanisch und Italiänisch gar kei Artikel, wo Frucht- und Gmüessaft zäme behandlet. Nume Änglisch und huufe chlyni Sprache verlinked uf das Wikidata-Item. Wie wemmer das löse? Irgendwenn wär's doch schön, wieder alli 1000 Artikel vollständig z ha, oder? Gruess, --Pakeha (Diskussion) 11:12, 31. Dez. 2017 (MEZ)

S isch ganz aifach, mer mien halt e Artikel schrybe iber Saft, wu Frucht- un Gmiessäft umfasst. Was di dytsch Wikipedia dermit macht, mueß is do nit schääre. --Holder (Diskussion) 12:26, 31. Dez. 2017 (MEZ)