Wikipedia Diskussion:Ammanne

Seiteninhalte werden in anderen Sprachen nicht unterstützt.
Us der alemannische Wikipedia, der freie Dialäkt-Enzyklopedy

Wiä ändet d Ammanneschaft?[Quälltäxt bearbeite]

I han jetze e neijs Gsätzli iigfiährt ("Wiä ändet d Ammanneschaft") un dodermit versuecht, des Vorgoh z formuliäre, wu mer do bsproche un agwändet hän. Des isch sälschtverständlig numme e Vorschlag, wu ka gänderet oder gstriche wäre. Also schriibe Eieri Iiwänd!
Ich finds e gueti Leseig: Wär e Johr lang nyt macht, weißt, ass er gstriche wird, dr brücht also nit niidig sii. Wänn er numme schribt, "horche emol, ich ka wirkli nit, i will aber in e baar Wuche oder Monet wider", no isch des scho e Bearbeitig, wus e Johr Verlengerig druf git.
Eber, wu sich nommol bewirbt, wänn er gstriche gsii isch, wird schnäll wider gewehlt wäre, wämmer weißt, ass er gueti Arbet ka leischte.
I find des alles e broblemslosi Sach. Het eber ebis drgege, ass i dr Begriff "Ammann" anstatt "Administratore" gschriibe han? Diä meischte sage in Diskussione sowiso "Ammann".--Albärt 19:25, 6. Jan. 2008 (CET)

Zuestimmig zue allem, schiint bi de Preusse jo in die gllich Richtig z'go: de:Wikipedia:Meinungsbilder/Entzug von Adminrechten bei Inaktivität --Dr Umschattig red mit mir 19:59, 6. Jan. 2008 (CET)
Also i find de Vorschlag au i Ordnig. --Chlämens 06:17, 7. Jan. 2008 (CET)

Überarbeitig[Quälltäxt bearbeite]

Im Raame vumene Abbau vo de Wiki-Bürokrati däti vorschlo, die Syte e chly umzgstalte. Lueget uff die Version, für myn Vorschlag. Grösseri Änderige sin:

  • Einzelni Rächt, wo in de Zwüschezit dezue cho hen, hanni ergänzt. Git's no Anderi?
  • Im Abschnitt "Wie ändet d Ammanneschaft?" hanni en Abwaalverfaare festglait. Nit dassi bimene aktuelle Ammane en Fehlverhalte befürcht, aber s isch besser mer lait so öbis fescht, solang's kei Konflikt git, statt mer muess deno zerscht Regle uffstelle (lueg z.B. au üser Problem, wommer kei ussformulierts Sperrverfahre gha hen, oder de Konflikt um die Sach in de bairische Wikipedia). Vilycht stinkt mir jo d alemannisch Wikipedia irgetwenn un i fang aa vandaliere, no sinner vilycht froh drüber;-)
  • S Waalverfaare hanni präzisiert.
  • De Abschnitt "Ufgobe vo me Ammann" hanni glöscht. D sysop-Rächt sin scho wyter obe bschrybe. Wie dörte scho stoot, sin des au praktisch alles Sache, wo jede Benutzer cha mache. De Abschnitt macht aber de Yydrugg, als ob Ammane dezue verpflichtet wäre bzw. als ob andri Benutzer des nit dürfte.
  • Für was bruucht's eigetli die Lischt mit frienere Ammane un bsunders die Zitliischte? Isch des e Wettbewerb, wer am längschte durehaltet? Mer hen jo au kei Lischte mit ehemoolige Bot-Chonte, oder ehemoolige Fäldhieter un was es eventuell no git.

--Terfili 21:46, 28. Dez. 2011 (MEZ)[Antwort gee]

Gueti Idee.
Dy Iberarbaitig find i au scho rächt guet.
Zum Abwaalverfaare: do deet i aber nit wie im Benutzersperrverfaare ne 3/4 Mehrhait fir d Abwaal feschtleege, ender ebis wie "> 50%", wel wänn e Ammann iber d Helfti vu dr Benutzer gee sich het, sott er besser nimi Ammann syy.
Dass jetz emol e Mehrhait feschtglait isch, ab wänn e Ammann iberhaupt gweelt isch, find i guet, un e 3/4 Mehrhait find i au guet.
Die Lischte mit dr eemoolige un d Zytlyyschte bruucht s natyrli nit :-). Des haan i mol in dr dewiki gsää un haa s nätt gfunde. Des wär villicht ender ebis fir e Syte "Gschicht vu dr Alemannische Wikipedia". Des isch kai Wettbewärb, ender halt so ne Idee vun eme fascht-scho-alte Seckel, wu nimi wie d Jugend uusschließlig in d Zuechumpft luegt, sondern scho halber uf d Vergangehait zruckblinzelet ("Waisch no, dertmol, wu dr Transalpin no Bürokrat gsii isch ...") ... --Holder 06:34, 29. Dez. 2011 (MEZ)[Antwort gee]
Ach hör uff, ich ha sälber scho en Schreck übercho, wonni gsee ha wie langi scho Amman bi. Ich find die Zitliischte au nätt, un dass ändli emool en Chronischt d Chronik vo de alemannische Wikipedia schrybt, uff des warti sowiiso scho lang.
Des mit de eifache Mehrheit für d Abwaal findi guet. Am beschte mer duet bi de Benutzersperr-Syte e paar Sunderegle formuliere. --Terfili 09:57, 29. Dez. 2011 (MEZ)[Antwort gee]
Ääh, wo stoot d Öberarbaitig? Oder werd da erscht dischgeriert? Aso bi de Abwaal bini o eender för >50,0001 %. Da haisst bi Unentschide, isch d Abwaal gschitteret. Wichtig isch, ass no e vernümpftigi Frist gsetzt werd. D Liste mit de früenrige Amane findi ghört scho drii und da het o nünt mit Weppewerb z tue. Öb jetz da e höbschi Graafik oder nume e langwiligi Liste isch, isch zwaitrangig. --al-Qamar 13:07, 29. Dez. 2011 (MEZ)[Antwort gee]
Stoot doch ganz obe: die Syteversion. Un luut de Regle vum Sperrverfaare fängt d Abstimmig entweder aa: Mit de Stelligsnaam vum Betroffene, 24 Stunde nooch dr erschte Bearbeitig vum Benutzer noochem Hywys uf de Aatrag, oder spöötestens ei Wuch noochem Hywys. Un laufe duet d Abstimmig ei Wuch. Ich find des Verfaare au für e Abwaal aagmesse. Mitenere Lischt vo ehemoolige chönnti läbe, aber die riisige uffdrängliche Zitliischte findi definitiv z viil. --Terfili 13:15, 29. Dez. 2011 (MEZ)[Antwort gee]
Merci für dini Büetz, Terfili. E Wuche isch tiptop und meh wi 50% für d Abwahl isch au i.O. Ich geb im al-Qamar rächt, dass es eifach me wi es 3:3 oder so öppis sot si und bi >50% isch klar, wi Enthaltige zählt werde, das isch au guet. --Badener 14:00, 29. Dez. 2011 (MEZ)[Antwort gee]