Wikipedia:Treffen der Wikipedianer/Frühlingstreffen 2010/Protokoll

Us der alemannische Wikipedia, der freie Dialäkt-Enzyklopedy

Termin: Sunntig, 9. Mai 2010
Mer hen üs am 9. Mai z Milhüüse im Elsass troffe, un üsri Berootige abhalte. Doo gsi sin d Mireille, dr al-Qamar , dr Chlämens, dr Holder, dr Manuel mit Frau un Chind, dr Strommops, un für e churzi Zit au dr Stephele mit Familie.

Im Garden Ice Cafe
  • Die wo mitem Zug vo Basel cho sin, hen mit dr Mireille en churze Rundgang durch d Altstadt vo Mülhuuse gmacht. Mir hen üs über d vile plaques bilingues franz.-elsäss. gfreut, un de Holder wott Fotis devo uff d Allmänd stelle (lueg do: "Zweisprochiga Strossaplàkàt z Milhüüse" (Allmänd). Mer hen üs überlait, dass über s Thema "zweisproochigi Schilder im Elsass" no de Artikel fäält.
  • Deno sin mer in s Garden Ice Cafe gange, un hen doo bis öbe um 19 Uhr üsri Besprächige abghalte.

Theme un Beschlüss[Quälltäxt bearbeite]

Profil[Quälltäxt bearbeite]

Mer hen über d Entwürf für e Neufassig vum Wikipedia:Profil diskutiert, un üs für de Entwurf Nummer 2 entschide. E paar Änderigswünschs het's no gee. Mir hen üs geinigt, dass üsri Vorstellige was s Alemannisch überhaupt isch, nit im Profil erwäänt werde. Mir mache aber e neui Yleitig für Wikipedia:Wiä schriib ich guets Alemannisch?, wo für de Normalbürger besser zum noochvollziene isch. De Clemens isch amene Entwurf am schaffe.

Sproochcharte[Quälltäxt bearbeite]

Mir hen au Änderige für üsri Sproochcharte zum Alemannische besproche. Usserdäm wenn mer e Charte mache, wo numme d Ussegränze un geographischi Merchmool druff sin. Mit dere Charte wott de Holder Charte mit Isoglosse im Alemannische mache.

Wikiheftli[Quälltäxt bearbeite]

De Entwurf für s Wikiheftli isch braktisch fertig. Mer müsst numme no d einzelne Artikel dureläse un uff Rächtschrybfääler usw überpriefe.

Finanzierig
  • s'letschti Agebot vo PediaPress sin 1000 Stuck für 4000 CHF
  • Wikimedia CH würdi s'Heftli wohl schponsore, dodrzue bruuchts abr e Konzept was mr mit de Heftli macht
    • 4000 CHF sin relativ viel (zuem Vergliich: s'Johresbudget vom Offline-Projäkt mit zeh Softwareentwickler mit Träffe, Mässe etc. bi WMCH sin au 4000 CHF)
    • Wikimedia CH hät au gern wenn no en zweite Sponsor bi de Finanzierig mitmacht.
  • 1000 Heftli sin warschynts z vil. Mer hen entschlosse dass 500 Stugg besser sin. Stuggpriis 3,75 EUR (inkl. 7% MWSt) + 0,20 EUR Versand.
  • Es isch no nit klar ob mer uff Dütschland an e Privatperson oder an d Wikimedia CH liefere lönn. De Pediapress isch es schynts lieber wenn uff Dütschland glieferet wird.
Verdeilig
  • Mir versueche en Deil aa d Muettersproch-Gsellschaft z verchaufe, de Rescht wird vo üs gratis verdeilt. Alli Heftli z verchaufe wär wege de Buechhaltig z kompliziert wyl mir kei Verein hen. Usserdäm cha mer nit vo allene Intressente Gäld verlange. Mir verchaufe vo 500 Exemplar also 150 Stugg für 600 EUR an d Muettersproch-Gsellschaft, un hen no no e chleine Gwinn gmacht. De Rescht sponsort hoffetlich d Wikimedia CH.
    • 100 Stugg an de Holder für sini Tour zue de Treffe vo de Regionalgruppe vo dr Muettersproch-Gsellschaft
    • 150 Stugg an d'Muetterschprochgsellschaft
    • 20 Stugg an d'Medie (je 1 an lokali Zyttigsredaktione)
    • 10 Stugg an de Manuel als Belegexemplar für Konferenze
    • 20 Stugg an d Wikimedia CH als Belegexemplar
    • 20 Stugg an d Mireille für s Elsass
    • (schpöter: René Schickele Gsellschaft) eventuel über de Stephele?
    • De Rescht (180 Stugg) cha de Clemens uffbewaare un nooch Bedarf zueschigge.

Wikipedia Eimoleis[Quälltäxt bearbeite]

De Manuel het vorgschloo, dass mer s Wikipedia Eimoleis vo de Elian, wo uff de:Wikipedia:Öffentlichkeitsarbeit z finde isch, übersetze. S Wikipedia Eimoleis duet erkläre, was d'Wikipedia isch un wie mer dört mitmache cha.

S'Problem isch, das sell Dokument im Original in Illustrator gmacht worde n'isch. Me müesst de Tekscht übrsetze un d'Bilder (Screenshots) usdusche. Wenn gchlärt isch, wie mer des Dokumänt technisch cha ändre, mache mer e Übersetzig.

Sunschtigs[Quälltäxt bearbeite]

  • De Holder het vorgschloo, dass mer zur Fuessball WM ein Thememonet uff dr Hauptsyte mache. Uff jede Fall sin mer üs einig gsi, dass de Artikel zur WM übersetzt werde sött (vili Zuegriffszaale uff de.wikipedia, also vili Lüt, wo über de interwiki Link zue üs chömme). Allerdings intressiert sich niemer vo üs bsunders für Fuessball, un es het also niemer so Luscht de Artikel z übersetze.
De Holder het vorgschloo, in dene vier Wuche, wo d Fueßball-WM lauft, die vier Artikel als Artikel vo de Wuche ze neh:
  • De Manuel meint, dass es guet wääri wenn e paar vo üs bi Wikimedia CH Mitgliid würde.
  • Mr wänn in Züechumft d'Zämmesetzig vu de Gmeindröt in de Artiikel übber di jewiilige Gmeinde automatisch chönne aktualisiere, wiil di meiste Artikel no uff em Stand vu de Kommunalwahle vu 2004 sin (lüeg Wikipedia:Stammtisch#Ergäbniss vu Kommunalwahle).

Di oberelsässisch Zittig "L'Alsace-Le Pays" het am 12. Mai e Artikel iber s Früehligstreffe brocht: Encyclopédie. Rencontre de la Wikipédia alémanique.