Stammdisch-Archiv vom Juli- Dezämber 2011

Us der alemannische Wikipedia, der freie Dialäkt-Enzyklopedy
Restaurant z Friedrichshafe
Willkomme bim Wikipedia-Schtammtisch


Die Syte isch es Wikipedia-Forum für alles, was mit dr alemannische Wikipedia und em alemannische Schprochruum z’due hot! Do ka mer nuie Vorschläg macha und driber abschtimma.

» An neije Bytrag aafange «

Archivibersicht Archiv 2004 - 2005/1 - 2005/2 - 2006/1 - 2006/2 - 2007/1 - 2007/2 - 2008/1 - 2008/2 - 2009/1 - 2009/2 - 2010/1 - 2010/2 - 2011/1 - 2011/2 - 2012/1 - 2012/2 - 2013/1 - 2013/2 - 2014/1 - 2014/2 - 2015/1 - 2015/2 - 2016/1 - 2016/2 - 2017/1 - 2017/2 - 2018/1 - 2018/2 - 2019/1 - 2019/2 - 2020/1 - 2020/2 - 2021/1 - 2021/2 - 2022/1 - 2022/2 - 2023/1 - 2023/2


Inaktivi Bots[Quälltäxt bearbeite]

Mer hen mehreri Konte mit Bot-Markierige, wo scho lenger nümm aktiv sin. Sött mer denne de Status eigetli nit furtnee? Mer weiss jo nit, ob de Bsitzer überhaupt no Zuegriff uff des Konto het, oder was sunscht no alles chönnt passiert sy, z.B zum Wikipedia-Hasser worde ;-) --Terfili 20:06, 15. Jun. 2011 (MESZ)[Antwort gee]

Syt über zwei Joor nümm aktiv sin (zum Deil bis zue 5 Joor):

Des sin jetz die wo uff Vorlage:Navigationsleiste Wikipedia-Bots uffgfiert sin. Ich weiss nit, ob's no mee git. --Terfili 20:06, 15. Jun. 2011 (MESZ)[Antwort gee]

D Gsamtlischt mit Benutzerkonte, wu Botstatus hän findsch do.
Zum Status entzie: ich waiß nit rächt, do sott mer villicht zerscht emol luege, eb die global inaktiv sin oder eb dr Benutzer derzue global inaktiv isch, aber do haan i kai Luscht druf ... --Holder 05:25, 16. Jun. 2011 (MESZ)[Antwort gee]

Global inaktiv (syt mindestens eme Joor) sin:

Bim Benutzer:タチコマ robot weissi's nit, wyl de im SUL-counter wäge de Zeiche nit funktioniert. Ob die Benutzer no aktiv sin, hanni au kei Luscht z luege, aber ich wär defür, dass mer mindestens denne, wo syt 2009 nümm aktiv sin, de Status furtnimmt. --Terfili 11:04, 16. Jun. 2011 (MESZ)[Antwort gee]

min Bot isch eigentlic moll für dr Fall dänkt gsi, chleini Änderige vorzneh, wo nid autoamtisch in de Letschte Änderige sotte uftauche (z.B. gwüssi Umkategorisierige). Aber ha denn schnäll vo däm Vorhabe abgloo. Vo mir us kame däm dr Botstatus scho entzieh. I wurd denn das Konto au grad stilllegge. --Dr Umschattig red mit mir 23:10, 27. Jun. 2011 (MESZ)[Antwort gee]
Wenn de Bot nümm bruuchsch, cha des de Holder jo sicher mache. Mir goot's aber eigetli um Bots, wo nit aktiv sin un wo mer nit wüsse ob de Benutzer no ume isch. Un du bisch jo doch no ume, wänn au wenig :( --Terfili 23:39, 27. Jun. 2011 (MESZ)[Antwort gee]
Ich liis amigs au nume ;) (mini Abwäseheit hett übrigens u.a. brueflichi Gründ, woni derzyt (resp. scho sit längerem) rächt ygspannt bin, im Momänt bini aber im Militär und han villvill Zyt aber nid so hüffig PC-Zuegang...) --Dr Umschattig red mit mir 22:03, 4. Jul. 2011 (MESZ)[Antwort gee]

Also, was mache mer jetz mit däne inaktive Bots? Myy Vorschlag wär: alli, wu lenger wie zwai Joor inaktiv sin, dr Botstatus entzie un sperre. --Holder 14:49, 12. Aug. 2011 (MESZ)[Antwort gee]

Meinsch global inaktiv oder bi üs? Un worum grad au no sperre? Wenn si wiider aafange no chammer ene jo de Botstatus wie bimene neue Bot irgetwenn wiider gee. Ich find: alli wo 2 Joor global inaktiv sin, de Status eweg nee, ohni sperre. --Terfili 13:50, 17. Aug. 2011 (MESZ)[Antwort gee]
Ich haa jetz allne Bots, wu iber zwai Joor inaktiv sin, s Bot-Rächt ewäggnuu. --Holder 13:30, 22. Aug. 2011 (MESZ)[Antwort gee]
In Ordnig. De Benutzer:Hashar un de Benutzer:YurikBot hesch glaub vergässe. --Terfili 13:55, 22. Aug. 2011 (MESZ)[Antwort gee]
Stimmt, haan i jetz noogholt. --Holder 14:12, 22. Aug. 2011 (MESZ)[Antwort gee]

Isch des jetz Zuefall, dass de タチコマ robot nooch drüü Joor Inaktivität ussgrächnet die Wuch wiider aagfange het?--Terfili 09:12, 26. Aug. 2011 (MESZ)[Antwort gee]

Villicht het er jo ne Änderigsmail iberchuu. --Holder 12:41, 26. Aug. 2011 (MESZ)[Antwort gee]

Chronologie vo de Diskussione[Quälltäxt bearbeite]

Hallo zäme, ich han mi grad mal dra gmacht euri Diskussione z'läse und wetti vorschlo, dassmer vo de chronologische Reihefolg her doch lieber s'aktuelle Thema obe here tüend und denn rückwärts nach abe gönd. Susch muessmer ja immer abescrolle bis mer di aktuelli Diskussion findet. Und mer isch sich doch eher gwöhnt, dass s'Aktuelle immer als erschts erschint. Was meined ihr dezue? chönnti das öper vo euch so irichte? Ich weiss ebe ned genau wie. --Flur sulegl 18:51, 19. Jun. 2011 (MES)

Bsundersch glunge isch des sicher nit, dass mer immer ganz aaberugele mueß, aber in eme Diskussionsabschnitt steen di neischte Byydreeg au immer ganz unte, vu dohär isch s nit ganz uulogisch, dass e neie Abschnitt noo wyter unte stoot. Derzue sin glaub di maischte Lyt in dr Wikipedia gwoont e neie Abschnitt unte yyzfiege, wel s aifach gängig isch. E Brobläm bin ere Umstellig isch au, dass d Funktion "Abschnitt zuefiege" obe näbe "Bearbeite" eso yygstellt isch, dass e neie Abschnitt unte yygsetzt wird (villicht chennt mer des aber au in dr Yystellige vu dr Alemannische Wikipedia ändre). --Holder 05:49, 20. Jun. 2011 (MESZ)[Antwort gee]

Info zu den derzeitigen Vorgängen in der Bairischen Wikipedia[Quälltäxt bearbeite]

Da der Admin und Bürokrat Holder auch hier in der ALS-WP ist, hier ein Link zur Info zu einer Diskussion in der BAR-WP:Diskussion:Moanungsbuida/De-Admin -- Sinnierer 12:32, 28. Jun. 2011 (MESZ)[Antwort gee]

Siehe auch das Treiben beim BAR-Stammtisch -- Sinnierer 12:33, 28. Jun. 2011 (MESZ)[Antwort gee]

Eure Diskussionen sind natürlich auch bei uns berühmt-berüchtigt und werden vom ein oder anderen mitverfolgt. Euer Grundproblem ist einfach, dass ihr immer das Konkrete mit dem Grundsätzlichen vermischt, und inzwischen sowieso nur das Schlechteste vom Gegenüber denkt. Aber bitte jetzt nicht auch noch zu uns hineintragenblinzel  --Terfili 12:49, 28. Jun. 2011 (MESZ)[Antwort gee]
Von der Bairischen können wir sehr viel lernen, vor allem wie man über Jahre hinweg mit Leidenschaft in den wüstesten Tönen diskutiert und schimpft (Zitat aus verschiedenen Zeitepochen: "Ihr Dodeln", "Ihr Deppen", "Ihr Nazis", "Ihr Arschlöcher"), aber sich dennoch nicht beleidigt zurückzieht, so wie das bei den Alemannen so üblich ist :-), sondern dran bleibt! --Holder 13:20, 28. Jun. 2011 (MESZ)[Antwort gee]
Ich bleibe auch dran. -- Sinnierer 10:47, 30. Jun. 2011 (MESZ)[Antwort gee]
Sehr gut! Lg, --Holder 10:51, 30. Jun. 2011 (MESZ)[Antwort gee]
@Terfili: Dann passt es ja, wenn der eine oder andere hier die Vorgänge mitverfolgt. Derzeit wird es interessant beim BAR-Stammtisch. -- Sinnierer 09:07, 1. Jul. 2011 (MESZ)[Antwort gee]

Umstellig vu MediaWiki:Common.js[Quälltäxt bearbeite]

Dur d Umstellig un Neifassig vu MediaWiki:Common.js goht jetz zum Aine d OSM-Chartefunktion bi Geokoordinate nimi un zum Zwaite het s uns unsri Titelvorlag zämmeghaue. S cha syy, dass mer sogar in allne Artikel d Titelvorlag mien umstelle.

Wär des nit e gueti Glägehait, d Diskussion um alemannischi Lemmata wider ufznee (mer hän bim Friejoorsdräffe churz driber gschwätzt). D. h. alli Artikel wäre uf s alemannisch Lemma, wu im Artikel as fett Stichwort brucht wird, verschobe, derzue git s e schriftdytschi Wyterlaitig (uugfehr so macht s di Bairisch Wikipedia)?

P.S.: D Suechergänzig funktioniert erscht nit ...

--Holder 06:06, 5. Jul. 2011 (MESZ)[Antwort gee]

Ich find d Idee mit de alemannische Lemmata guet, wenn d Umleitige

numme Schriftdütsch, Französisch, ... sind. Dialektumleitige uf Dialektlemmata wog ich uf kein Fall (vgl. Ripuarische Wikipedia). Do gits nämlich bald x- tuusig Uleitige. -- Badener  08:57, 5. Jul. 2011 (MESZ)[Antwort gee]

Aah! Hami scho gwunderet öb min Komputer jetz zu sinene alte Mac-ke ono e Sunestich öberchoo het ... S Umstele dörst onöd grad aifach sii, do müesstemer sozäge bi 10000 Artikel bistime, wele Titel jetz gelt. Zodem fini d Titelvorlag völig nützli. Di alemanischi WP isch die anzig, wo mis Psoidonym richtig uf minere Bnutzersiite agitt - aber au in andere Fäll findi d Titelvorlag nützli.
Allerdings fändi guet, wenn noi au Tielektlemmata akzeptiert wöred und zwoor - so as ersti Idee - i dene Fäll
  • Ortsname: Zöri, Sanggale, Bärn etc. Bi Gwässer und Seeje natürli au, aber do isch nöd immer aifach: Bodesee, Zürisee isch no unproblematisch, aber haissts jetz Rii, Rhii, Rhy, Rhin oder Tuene, Doane, Doona ...?
  • Lemmata wo hüüffig im Tielekt gsuecht wered: Schwyzerdütsch, Züritüütsch, Chuchichästli
Prinzipiell schiint mer, as s bayrische System funktioniere chönnt. --al-Qamar 11:38, 5. Jul. 2011 (MESZ)[Antwort gee]
Prinzipiell fändi au wär d Zit ryyf für so e Umstellig. Aber des miemmer guet diskutiere, alli Möglichkeite gnau aaluege un au no weniger Aktivi informiere. Ich schryb spööter emool was i dezue denk, jetz gangi gli in s Greyerz. War mer aber sehr schnäll löse sötte, isch s Problem mit de Titelvorlag, wo jetz numme "undefined" aazeigt. Ich ha de Bug wiider uffgmacht, wyl d Suechfunktion funktioniert jo einewäg nit. Ich chönnt mer denke dass mer die Titel-Vorlag eifach umschrybe muess. Chönnt mer si in dr Zwüschezit nit eifach leere, demit wenigstens s hochdütsch Lemma statt däm "undefined" chunt? Ach un de Charteweggsel uff de Hauptsyte goot au nümm. Des isch halt s Problem mit so tolle Basteleie, wenn niemer ume isch, wo si aktuell haltet, cha mer's bi de näggste Softwareaktualisierig nümm bruuche. --Terfili 12:32, 5. Jul. 2011 (MESZ)[Antwort gee]

Vorusgsetzt dass mit dr Titelvorlag cha me widr flicke, halt ich nüt vo alemannische Lemmata. Es git zuvill Fäll, wo verschiideni Schriibwyse richtig sin - und zwar au innerhalb vom gliiche Dialäkt! - womits Verwirrig gitt und au zue völlig unnötige Grabekämpf cha fiehre uff wellem Lemma en Artikel jetzt sotti sy (die dütsch WP isch do schlächts Vorbild, trotz - eigentli - nume einere Sproch mit definierter Rächtschrybig). Es isch au sehr unwoorschiinlig, dass öpper dr Artikel woner suecht richtig gschriibe ygitt. Nid jede weiss denn no, dass er über die schriftdütschi Umleitig zum Ziil chunnt, villi gäbe eifach uff oder lege en Artikel dopplet a (wo denn au no zerscht entdeckt wärde muess > unnötigi Mehrarbet). Schliesslig bezwifle ich au, dass me Artile vo dr als.wp in Google etc. findet (resp. an prominänter Stell), wenn me (logischerwys) uf Google s Wort uf schriftdütsch ygitt. Erschiints hochdütsche Suechwort im als.wp-Artikel (was es derzyt jo duet) wird dä azeigt, und zwar - wenn dr Artikel ehnder länger isch, wenn uffendruff verlinkt wird etc. - an einigermasse prominänter Stell. Gäbs nur no e Wyterleitig (uff die jo nüd verlinke sött und au kei wytere Teggscht hett), riskiere mr, über Suechmaschine nymmi oder nur unter ferner liefen gfunde zwärde. Säll sin jetzt nume grad d Argumänt, wo mr husch-husch ygfalle sin, villicht kemme no meh. D Diskussion dodrüber findi aber allewyl guet. --Dr Umschattig red mit mir 12:44, 5. Jul. 2011 (MESZ)[Antwort gee]

S cha syy, dass mer die Titel-Vorlag nimi cha flicke, aber s git aigetli s "magic word" DISPLAYTITLE, des funktionert aber do nit, ich haa uf sällem Bug jetzt emol derwäge aagfrogt. Imfall cha s syy, dass mer in allne Artikel mueß vu dr Titel-Vorlag uf DISPLAYTITLE mueß umstelle. --Holder 12:59, 5. Jul. 2011 (MESZ)[Antwort gee]
Vorlaifig haan i die Vorlag mol gänderet uf s dytsch System. --Holder 13:06, 5. Jul. 2011 (MESZ)[Antwort gee]
@Ripoarische Wikipedia: die hän urspringlig emol per automatisiertem Skript Wyterlaitige in allne meglige dänkbare Schrybwyse aaglait ghaa (500.000 Wyterlaitige bi 10.000 Artikel), mittlerwyli sin die aber alli wider glescht wore un au d Artikelzahl lyt jetz bi rund 2250.
@Bairischi Wikipedia: in Zwyfelsfäll dien sie dert abstimme iber ainzelni Lemmata.
@Grabekämpf: in acht Johr Alemannischi Wikipedia het s kai Grabekämpf gee iber Schrybwyse, wieso sotte die aafange, wämer alemannischi Stichwerter nämme? D Schrybwys im Artikel sälber isch jo au nit umstritte un ich hätt as Lemma halt aifach s Stichwort gnuu, wu im Artikel am Aafang fett druckt isch. Wänn mer des jetz änderet, wel mer dr Artikel umschrybt, no chennt mer des jo allno diskutiere.
@Google-Suechi: ds chennt e Probläm syy, aber nume bi Artikel, wu s bi uns git aber nit uf dr dewiki, sunscht chemme mir bi dr Google-Treffer sowiso nit vor, aber sin des sol vil? --Holder 15:11, 5. Jul. 2011 (MESZ)[Antwort gee]
Aso mer isch scho mengisch uufgfale, as bim Google noch de tütsche au di alemanisch WP chunnt, und zwor zimmli wiit obe. Da isch sicher e Vortail. As alemanischi Lemmata zu Grabechrieg füeret, halti onöd för woorschiinli. Uf jedefall sött mer da guet usdiskutiere und üüs velicht au emole Treffe.
Wami aber no wunder nint, isch d Titelvorlaag di anzigi wo nöd richtig goot oder gitts do nu hunderti anderi chliini, wo vellicht im Moment nöd ufalet?
Deför i bi, as em Tielekt em alemannische mer tailet-ver sofort e Syntax e noiji und as all di mer besseret-ver all Joor all paar. Ase mer bliibet sicher modern ganz. --al-Qamar 15:27, 5. Jul. 2011 (MESZ)[Antwort gee]
S grundsätzlig Brobläm isch, dass die Titel-Vorlag dr Titel iber e Javaskript yybländet un d Darstellig vum Javaskript wird v. a. uf MediaWiki:Common.js bstimmt, un des isch ebe jetz gänderet wore, wel d Syntax veraltet isch. Vor allem isch sowiso eso no Javaskript-Titel-Vorlag veraltet, stattdäm git s scho lang d DISPLAYTITLE-Funktion. --Holder 15:44, 5. Jul. 2011 (MESZ)[Antwort gee]

Àlso, pardon, àwwr 8 Joohr ohni Graawekämpf - diss ésch doch Bleedsinn!! Wenn dr Àrtikel driwwr nimm untr`m definiirt, codifiziirt, dudisiirt Lemma steht, wer-i àlls, wàs-i untr „Rhi“, „Rin“, „Rhy“, odr „Ryy“ find uff „Rhin“ vrschiibe!!! Ich kànn diss suwisu schun fàscht nit vrtraawe, wenn-i diss läse muess. Wenigschtens blibt mr dr Trooscht, ass`s Lemma én e Schribung ésch, wii mr vrsteht, ohn´erscht làng ze iwwrleje! Ich weiss jo nit, worum ich do jetz üssgerachnet mét de Schwizr d´àccord bén, awwr ich untrstitz do voll de Argümente vum Umschattige - un (zuem-e Teil?) vum al-Qamar (bsundrs `s google-Arg.) - öi àlli, wo`r noch druff kumme kànn! Villicht hàn mir Schwowwe do ja e bsundrer Komplex? - Do bén-i jà emol froh, ass-i numme de Komplexe vun minem Gaschtvolik adoptéert hàb! ;-| Wenn diss mét dr Titelvorlaa reparable ésch, sotte mr`s so lon, wii`s ésch!!--Stephele 16:17, 5. Jul. 2011 (MESZ)[Antwort gee]

Di "tütsch Titelvorlaag" macht aber au e Chabis. I ha die früener schomole uf de WP:de uusprobiert und s isch nume Gaggo usechoo und s gliiche gelt för di englischi WP. Interessanterwiis funktioniert bi de französische WP d Vorlaag {{Titre incorrect}} korrekt, au jetz no. S sött aso irgetwie mögli sii, as mer d Vorlag {{Titel}} cha rette, wemer si noi schriibt.
D Syntax di alemannischi altet-ver au, wo si isch öber Joor tuusig doch scho! Wiso mer n-änderet-öd au die? --al-Qamar 17:04, 5. Jul. 2011 (MESZ)[Antwort gee]

Also ich find prinzipiell dass d Lemmata eis vo de näbesächlichste Sache uff de Wikipedia sin. Mit Wyterleitige fällt des doch em durchschnittliche Läser gar nit uff. Umso interessanter dass über s Lemma vumene Artikel mangmool lenger debatiert wird, wie über de Inhalt vum Artikel. Bi üs dät's halt en blöde Yydrugg mache, wenn de Titel uff Hochdütsch isch, aber ob sich hinter em alemannische Titel e hochdütschs Lemma verbirgt, isch doch wurscht. Also wemmer d Titelvorlag cha flicke, wäri defür dass mer bim alte System blybe. Di hochdütsche Lemmata wirke mangmool e weng blöd, vorallem wemmer usserhalb vo de Wikipedia Links uff Artikel aagit, aber aasunschte wär des doch numme e symbolischi Handlig, wo für de Läser kei Mehrwert bringt. Wemmer d Titelvorlag nit rette cha, wäre dergege offe für alemannischi Lemmata. Cha öber des emool mit dere französische Vorlag probiere? --Terfili 22:13, 5. Jul. 2011 (MESZ)[Antwort gee]

Ich haa jetz alli Änderige vum Krinkle an unsre Yystellige wider ruckgängig gmacht, jetz funktioniert alles wider ohni Probläm. Villicht git s jo fir s Prbläm mit dr Suechfunktion e andri Lesig. --Holder 05:56, 6. Jul. 2011 (MESZ)[Antwort gee]
Des isch guet, aber langfrischtig sötte mer üsri Yystellige doch besser uff de neuste Stand vo de Software bringe. D Inaktivität vum Melancholie macht sich wiider emool bitter bemerkbar... --Terfili 09:00, 6. Jul. 2011 (MESZ)[Antwort gee]
Kà´mr ne nit emols kurz fr so e Sàch schnellaktiviire???--Stephele 10:11, 6. Jul. 2011 (MESZ)[Antwort gee]

Also doo no myni Gedanke dezue: Ich halt wie gsait s Lemma für eis vo de unwichtigste Sache. Ussgiebigi Diskussione über d Lemmata sin für mich mangmool echt Düpflischyyeri. Was wichtig isch, isch doch de Inhalt. Em durchschnittliche Läser fällt des doch gar nit uff. Au wemmer uff alemannisch suecht, chunt mer doch über d Vollteggstsuech sofort zum richtige Artikel. Wenn jetz aber bi jedem Artikel ganz obe sofort e hochdütschs Wort chunt, isch des natürli optisch nit so schön. Also wenn d Titelvorlag veraltet isch un nit cha ersetzt werde, wäri au für alemannischi Lemmata. Solang d Titelvorlag aber funktioniert, het des höggstens e symbolischi Bedütig, dass d Artikel nit uff Alemannisch aaglait sin.

Bi alemannischi Lemmata stellt sich für mich eifach wiider d Froog nooch de Normativität. Bis jetz isch de Titel des, wo fett druggt isch. Aber isch des in jedem Fall so guet? Grad bi Ortsname, un wenn de Artikel deno vumene weniger giebti Schryber isch, het’s mangmool echt e weng übertrybeni Forme (Schduagert), wo mich persönlich e weng störe däte. Sött mer jetz bim Elsass zum Byspil Orthal-Schrybige vorschrybe? Ich befürcht jetz kei „Grabekämpf“, aber es chönnt scho sy dass des deno e fruchtbars Betätigungsfäld git, statt dass mer sich uff produktiveri Sache konzentriert. --Terfili 10:29, 12. Jul. 2011 (MESZ)[Antwort gee]

Hallo liebe Alemannen, wäre ein solches Treffen für Euch interessant? Wenn ja, würde ich mich über Euer Feedback sehr freuen! --Johannes Rohr (WMDE) 00:17, 6. Jul. 2011 (MESZ)[Antwort gee]

Hallo (again)! Ich weiß nicht genau, ob ich für alle sprechen kann, aber ich finde so etwas hochinteressant und glaube, daß ein direkter Austausch es auch für die meisten anderen grundsätzlich ist. Bleibt aber die Frage, auf welche Region und welche Sprachen dies bezogen sein soll? Wenn es um den .de-Bereich geht, soll es dann die regionalen Sprachen innerhalb des deutschen Dialektkontinuums, in der Bundesrepublik Deutschland oder darüber hinaus, dem deutschen Sprachraum, alle Sprachen in dem einen, kleinen, oder dem großen Bereich, oder sogar darüber hinaus, also „kleine“ Wikipedien in den Nicht-„Staatssprachen“ in Europa - oder sogar (potentiell) noch weiter betreffen? Ein Treffen für französische Regionalsprachen würde mich persönlich sehr interessieren, aber die Zeit ist wohl noch nicht wirklich reif dafür. Ein deutsches Dialekttreffen wäre sicherlich nett - und politisch für Deutschland mal angebracht (Vorstösse für Deutsch ins GG)...--Stephele 05:46, 6. Jul. 2011 (MESZ)[Antwort gee]
Also, ich würde es ganz pragmatisch angehen: Wer kommt, der kommt. Vor allem würde ich niemanden ausschließen wollen! Also gerne auch Bretonen, Korsen, Occitanier. Ich fürchte nur, dass nicht viele nach Nürnberg kommen werden. Ich denke auch daran, eine Person anzusprechen, die mal in der jakutischen Wikipedia aktiv war, aber in Deutschland lebt. Letztendlich geht es mir um lockeren Erfahrungsaustausch zwischen Regionalsprachen, Sprachen ohne offiziellen Status etc. Bisher ist es ohnehin nur eine grobe Idee und ich will erst einmal sehen, ob es überhaupt ein Echo darauf gibt, deshalb wäre ggf. Deine Wortmeldung auf der WikiConvention-Seite auch sehr gut! --Johannes Rohr (WMDE) 13:38, 6. Jul. 2011 (MESZ)[Antwort gee]
Ich finde die Idee auch gut, wo debatiert man das am besten? Auf der Diskussionsseite der WikiConvention? --Terfili 13:44, 6. Jul. 2011 (MESZ)[Antwort gee]
Für mich ist die Definition der "Regionalsprache" etwas undurchsichtig. Friesisch, Saterfriesisch und Sorbisch ist schon nochmal etwas anderes als Pfälzisch oder Bayrisch. Gerade was den offiziellen Status angeht. Oder geht es "nur" um "kleine" Wikipedias? -- Badener  14:07, 6. Jul. 2011 (MESZ)[Antwort gee]
Aber mit Lezeburgisch gibt's quasi das Gegenteil: Nationalsprache, aber vermutlich wenige Aktive (ist abe rnur eine Vermutung) -- Badener  15:06, 6. Jul. 2011 (MESZ)[Antwort gee]
Was ist daran unklar? Wikipedien in Sprachen, die nicht in grossen Nationalstaaten Amtssprachen sind. Einige wie Friesisch und Sorbisch sind halt auf lokaler Ebene Amtssprachen und mehr oder weniger standardisiert, aber grundsätzlich haben diese Wikipedien doch die gleichen Herausforderungen. --Terfili 14:16, 6. Jul. 2011 (MESZ)[Antwort gee]
Aber dann geht es klar um die Frage des "wenigen Personals", oder? -- Badener  14:17, 6. Jul. 2011 (MESZ)[Antwort gee]
Mir ist keine nicht-Nationalsprache bekannt, in der es hunderte von aktiven Wikipedianern gibt.--Terfili 14:43, 6. Jul. 2011 (MESZ)[Antwort gee]
Aber mit Lezeburgisch gibt's quasi das Gegenteil: Nationalsprache, aber vermutlich wenige Aktive (ist aber nur eine Vermutung). -- Badener  15:07, 6. Jul. 2011 (MESZ)[Antwort gee]
Luxemburgisch oder au s Rätoromanisch hen aber einewäg äänlichi Problem, un sin au nit in däm Mass standardisiert wie z.B Dütsch oder Französisch. E bessers Byspil wäre vilycht Baskisch un Katalanisch, wo zwar kei Nationalsprooche sin, aber standardisiert un wo im öffentliche Läbe un in de Wikipedia sehr vil bruucht werde. Aber ich verstoo nit was d Problematik vo dere Froogestellig/Diskussion isch. Wänn Katalane oder Luxemburger uff Nürnberg wenn cho un über ihri Wikipedie schwätze, wottsch si de usslade? --Terfili 15:32, 6. Jul. 2011 (MESZ)[Antwort gee]
Tönt interessant und ein Ausflug nach Nürnberg - wieso nicht. Es gibt immer wieder Personen und Kreise (z.B. Siggener-Kreis) die die nichtstandardsprachlichen Wikipedien weghaben wollen und deren Sinn nicht einsehen können/wollen. Zudem sind diese - zwangsweise meist kleineren - Wikipedien mit anderen Problemen konfrontiert als z.b. die deutsche WP. Ein Austausch und ein Mal-Schauen-was-dabei-herauskommt könnte sehr wohl für alle Beteiligten fruchtbar sein. --al-Qamar 14:33, 6. Jul. 2011 (MESZ)[Antwort gee]

Die Idee eines solchen Regionalsprachetreffens habe ich scho lange, vielleicht finde ich ja Zeit. --Holder 15:52, 6. Jul. 2011 (MESZ)[Antwort gee]

Fr de Badener geht`s doch numme noch uem de definitorisch Klàrheit! - Odr? Dü hasch nàdirli Raacht, ass de Luxeburjr WP e kleini ésch mit (relativ) wenije Contribüteure (àwwr ich glaab greessr àls de greeschte én (àndri) frànzeeschi Regionàlsprooche üssr uns villicht - un diss ésch jà nit weje d´Elsassr...) un glichzitig e Nàtionalsprooch (de Nàtionalsprooch vum Ländel - Frz. un Dt. sin àndri Forme vun offiziell!). Awwr Luxeburjerisch ésch nit numme e Sprooch vun e kleini WP, sondern öi e Sprooch, wii nit durich dr Status ém Grossherzogtum ellaan bstimmt wurd, wil`s öi driwwr nüss, én Frànkrich, Belgie un Ditschlànd gredt wurd - àlso én e gànz Region, wo`s nit iwwràll dr namlige Status het. Wenn Luxeburjr Schriibr vun dr WP:Lëtzebuergesch nit komme welle, wil se meine, se vrtrete numme e offizialiséert Nàtionalsprooch, ésch diss ihr Problem. „Regionalsprooch pragmatisch“ sotte mr einfach gànz offe vrstehn - wejedäm heisst jà grad nit Dialekte, odr Miderheitesprooche odr „nichtstandardisierte Sprachen“ oder „Nicht-Amtssprachen“.
<Quetsch>Àlso, ich hàb mr schun fàscht gedenkt, ass`s do bi uns (mindeschtens) einr gibt, wii de Kollege üss`m Oschte odr`m Norde öi emol ém real life treffe wott, un selbsch dät mi e rundr Disch vun de ditschi (ling.) Dialektwikipedie sehr reize (mét de Luxeburjr, wenn mejlich) - un öi einr vun de Dialekte un Sprooche én Ditschlànd (un Eeschtrich? - Schwiz nit, do ésch`s Paradiis ;-)! - Nä, nàdirli ware gràd àlli (Räto-)Romàne öi wéllkumme), àlso zeerscht de Sorbe un Friise (,Däne un Slovene) Boare, Plàttditschi, mir un mini Heimetsproochlr (un jetz de „Pälzr“...). `S Gliche ésch`s fr mich mét Frànkrich, àwwr ich `rwàrt nit, ass mr Bretone, Baske, Catalane un Corse àlli uff Nüremberi kriejt!--Stephele 16:43, 6. Jul. 2011 (MESZ)[Antwort gee]
D Thematik vom Treffe isch vermuetli drum nonöd klar, well mer jo no gär nöd waiss, wer denn do Interessi draa hett. En engers Zämeschaffe und bsunders en Erfaarigsuustuusch mit Wikipedia, won e äänliche Status hend. Nume zom Biispil d Lemmafroog, wo jo bi üüs grad au agritzt woren isch. Oder wie goot mer mit Aafindige ume? Wie löösed anderi Wikipedene Probleem, wo mer au händ. Zodem zaigt sich immer wider, as persönlichi Kontäkt för s Zämeschaffe i de Wikipedia förderlich sind. Da gilt bsunders denn, wenn zwösched gwössne WP scho fascht en Art "Personalunion" bistoot (z.B. alemannisch-pälzisch) --al-Qamar 16:36, 6. Jul. 2011 (MESZ)[Antwort gee]
Voìla! - Diss sin de Défis, de interessànti Punkte un Chance. Un jetz - genn mr`m Johannes Rohr (`r ésch dr Admin gsin, wii mich àn dr hochditsch Wikipedia begriesst het - wii-i àwwr drnooch nii meh ebs vun gheert hàb!) e frindlech`s Zeiche, ass mr Interesse hàn? Villicht geht de Dischküssion - zuem Konkretere - denn schun los?--Stephele 17:07, 6. Jul. 2011 (MESZ)[Antwort gee]
Im Endeffekt isch es mir um d Frog gange, um was es bi dem Träffe goht. Bim Gleich, wo de Johannes Rohr (WMDE) aagäh het, stoht doderzu nämlich nüd. -- Badener  22:12, 6. Jul. 2011 (MESZ)[Antwort gee]
Wenn`s eim dodruem geht, muess mr diss öi sàje! ;-) Up to you, to fill in the blank!--Stephele 08:35, 7. Jul. 2011 (MESZ)[Antwort gee]
Unn wä kümmt noch Nämberch? Weil mä senn edzedla scho a gscheids Grübbla vo inderessierte Leud - Nachzüchlä könna sich noch oogemald - ja iich du scho wiss dös dii Alemannä unnä Frängisch väschdee gekünn :-) --Bina 10:25, 16. Aug. 2011 (MESZ)[Antwort gee]
Ich ha mich uff jede Fall au aagmolde! --Terfili 12:51, 16. Aug. 2011 (MESZ)[Antwort gee]

D Aamäldigsfrischt isch übrigens uff de 20. August verlängret worde! Wenn öber uss finanzielle Gründ nit cha cho, no channer au en Zueschuss beantrage. --Terfili 21:30, 16. Aug. 2011 (MESZ)[Antwort gee]

I wäär o gern uf Nürmberg choo, aber jetz isches definitiv, asi em Samstig verhinderet bi. Drum hani mi onöd aagmolde. I hoffe, Du vertrettisch üüs guet, Terfili! Vill Spaass. Chunnt/Goot de Holder au? --al-Qamar 15:39, 25. Aug. 2011 (MESZ)[Antwort gee]
Nai, ich haa laider kai Zyt an däm Wuchenänd. --Holder 15:58, 25. Aug. 2011 (MESZ)[Antwort gee]

Hesch gwüsst-Rubrik[Quälltäxt bearbeite]

Es git jo jetz syt neustem d Rubrik Hesch gwüsst? uff de Hauptsyte. Bis jetz han numme ich in unregelmässige Abständ neui Artikel dezue, aber es wär schön, wenn alli ab un zue öbis ändre däte. Sunscht blybt's entweder lang glych, oder aber es sin numme die Theme, wo mir uffalle un wo mich intressiere. --Terfili 14:07, 11. Jul. 2011 (MESZ)[Antwort gee]

Sali Terfili,
s het jetz e weng brucht, bis e Antwort chunnt, aber bi mir isch s grad eso, dass i (uuser mit in d Ferie faare) dermit bschäftigt bii, d Vorlage fir di ainzelne Däg uf dr Houptsyte z mache, des isch scho Arbet gnue, derzue bin i am Erwytere vu dr lothringische Ortsartikel un wän i au no s Wikinews-Portal abunzue ergänze will, no blybt mer kai Zyt me fir d "Hesch gwisst"-Rubrik ... --Holder 14:47, 12. Aug. 2011 (MESZ)[Antwort gee]

Aussprache des «u» als «ü»?[Quälltäxt bearbeite]

Sàlü binànder! Ìm Portàl vu da Nèikeita hàn i dr Àrtìkel Die Elsässer wollen wieder Deutsch lernen gfunda. Ebbis verstànd i nìt: „Das Elsässische, ein deutscher Dialekt, dessen auffälligstes Merkmal die Aussprache des «u» als «ü» ist“. Jo, „zu“ sàga mìr „züe“, „gut“ sàga mìr „güet“. Àwer „Zug“ bligt „Zug“, „dumm“ blibt „dumm“... Hàn i ebbis latz verstànda? --MireilleLibmann 12:30, 28. Jul. 2011 (MESZ)[Antwort gee]

Sali Mireille, des beziet sich uf s <u> in schwyzerdütsche Werter wie "Huus", "Muus", "Buuch", wu uf Elsässisch "Hüs", "Müs", Büch" heiße. LG, --Holder 12:39, 28. Jul. 2011 (MESZ)[Antwort gee]
Jetz hemmer grad glychzitig gantwortet, lueg au uff Palatalisierung. Im Grund steggt hinter dere Ussag aber s Klischee vum Elsässische als "Mischig" zwüsche Dütsch un Französisch, wyl mer im Französische de Buechstab <u> au als /y/ usspricht. --Terfili 12:41, 28. Jul. 2011 (MESZ)[Antwort gee]
Jetzt ìsch's klàr! Merci. --MireilleLibmann 12:50, 28. Jul. 2011 (MESZ)[Antwort gee]
also bi üs deheim sage mir au Hüs, Büch, Müs - grad wie d'Elsässer. S'wird doch nit do dra liige, dass frieher uf dr Bergmatte e franzeesische Truppeiebigsplatz gsi isch? ;-) --W-j-s 23:18, 7. Sep. 2011 (MESZ)[Antwort gee]

Bilder / Kategorie[Quälltäxt bearbeite]

Jetz hamer wöle en Öberblick schaffe, vo Tielektcharte bin üüs, ha aber gmerkt, as do nöd immer erchennbar isch, öb es Bild uf de Allment litt oder bi üüs. Wie chani usefinde, weli Bilder bin üüs sind. Öbrigens wäärs guet, wenn die Kategorisiert were chönntet. --al-Qamar 11:53, 29. Jul. 2011 (MESZ)[Antwort gee]

Kategorie:Bild:Dialäktcharte, des sin alli wo bi üs sin. Un sunscht halt uff Commons Category:Alemannic. --Terfili 12:00, 29. Jul. 2011 (MESZ)[Antwort gee]
Und wie gsiet da mit anderne Bilder uus? Sind ali Bilder, wo bi üüs lageret, kategorisiert? --al-Qamar 13:30, 29. Jul. 2011 (MESZ)[Antwort gee]
So vil ich weiss sin alli kategorisiert: Kategorie:Wikipedia:Bild. --Terfili 17:22, 29. Jul. 2011 (MESZ)[Antwort gee]

Ammaa J. 'mach' wust[Quälltäxt bearbeite]

Mir isch grad ufgfalle, dass de letzscht Biitrag vom J. 'mach' wust vom 18. Juli 2010 isch. Nach oiserne Regel müesst me ihn "deadminischtriire". Het ihn scho einisch öppe informiirt? Eifach d Rächt wegnäh ohni vorherigi Warnig goht jo au nöd, oder? -- Badener  17:14, 2. Aug. 2011 (MESZ)[Antwort gee]

Ich ha grad gseh, dass me ihm des uf de Diskussionssite muess mitteile und mach es grad. -- Badener  17:16, 2. Aug. 2011 (MESZ)[Antwort gee]
komplett Fr33kman 05:16, 17. Aug. 2011 (MESZ)[Antwort gee]

Träffe vum de.Portal Luzern[Quälltäxt bearbeite]

D Mitarbeiter vum Portal Luzern vo de dütsche Wikipedia planne für de 7. September e Träffe: de:Portal:Luzern/Mitarbeit/Wikitreffen 2011. De Bjferstern het mich uff mynrer Diskussionsyte druff yyglade un ich gang warschynts. Chunt sunscht no öber? --Terfili 09:50, 9. Aug. 2011 (MESZ)[Antwort gee]

Ich deet gäärn dert aane goo, aber do chum i zoobe nimi zruck. --Holder 18:28, 9. Aug. 2011 (MESZ)[Antwort gee]
Prima Idee! Àwer ìch gàng leider aui nìt. L.G. --MireilleLibmann 20:12, 16. Aug. 2011 (MESZ)[Antwort gee]
Ich bin däbii. NikKi 21. August 2011 (MESZ)
Warom bin ich bim Träffe am Donnschtig alleinig blobbe?! Esch da normal? Hät mer sehr gwönscht euich mol z'gseh! NikKi 12. September 2011 (MESZ)
Was, hesch üs nit gsee? Mer sin de numme z dritt gsi un hen üs gwundret worum nit alli wo sich aagmolde hen cho sin (lueg doo für de Bericht). Ich ha extra no de Vorschlag gmacht, dass mer en Schild mitem Wikipedia-Logo uff de Disch stelle, aber vilycht sött mer des in Zuechumft besser kennzeichne. Schad, aber vilycht wottsch es jo bim Spotsummerdräffe no emool probiere. --Terfili 22:49, 12. Sep. 2011 (MESZ)[Antwort gee]
Jo denn nämeä mer nomol en Aalauf. Dankä es scho gläsä gha. NikKi 12. September 2011 (MESZ)

Bildfilter-Referendum der Wikimedia Foundation[Quälltäxt bearbeite]

Die Abstimmung soll die Wünsche der Benutzerschaft bezüglich der Entwicklung und Nutzung eines persönlichen optionalen Werkzeugs ermitteln, das dazu dient, Lesern die Möglichkeit zu geben, bestimmte Bilder auf freiwilliger Basis und ausschließlich für sich selbst zu verstecken.

Weiterführende Informationen findest du unter: <http://meta.wikimedia.org/wiki/Image_filter_referendum/de>. Wenn du zukünftig nicht mehr am E-Mail-Verteiler teilnehmen möchtest, trage bitte deinen Benutzernamen auf folgender Liste ein: <http://meta.wikimedia.org/wiki/Wikimedia_nomail_list>. --NikKi 21. August 2011

Warum funktioniert eigentlich min Wikipedia DE Login ned uf de Schwiizer Sietä?[Quälltäxt bearbeite]

ich han en Wikipedia Account und de funktioniert ned uf de Schwiizer Sietä. Woraa chönti das liggä? Getz do en Grund für diä hürdä? NikKi 21. August 2011

Eigetli miesstesch au automatisch bi üs aagmolde sy. Aber was isch de eigetli dyn Benutzername? Nikklaus, NikKi oder Niki? --Terfili 12:38, 22. Aug. 2011 (MESZ)[Antwort gee]
Dankä, aso uf euiserä Sietä funktioniert min Login definitiv ned, aber im DE han ich als Benutzer Nikklaus alias NikKi en Sietä. Leider han ich vell zwenig Ziet und meins ned bös wenn ich mech einisch ned grad zrugg meldä, dankä für euiräs Verständnis. --NikKi 29. August 2011
S Problem isch glaub, dass du dich uff de dütsche Wikipedia aagmolde hesch, bevor es de sognannte "Single-User-Login" (SUL) gee het. Friener het mer sich nämli uff jedere Sproochversion einzeln aamälde miesse. Uff dere Syte de:Hilfe:Single-User-Login chasch ussefinde, wie de dyn Konto zumene SUL-Konto chasch umwandle. Mit däm bisch de automatisch uff allene Sproochversione aagmolde. Chasch glaub au eifach uff de:Spezial:Benutzerkonten zusammenführen goo. Ich hoff des hilft der wyter! --Terfili 22:43, 29. Aug. 2011 (MESZ)[Antwort gee]
Dankä för dini Helf Terfili. Has mal aagluegäd und mol för euisäs Wiki en Benutzer erstellt, muess aber nomol dra. --NikKi 5. September 2011

Moin, moin! Bin mir nicht sicher, ob ich hier richtig bin. Ich wuerde gerne ein nettes, kleines Botflag beantragen. Der kleine, freundliche Kollege uebernimmt Interwiki und doppelte Weiterleitungen. Zumindest erstmal. :) Hier ein paar Details:

  • Chef :-)  : Hedwig in Washington
  • Automatic or Manually Assisted : automatisch
  • Programming Language(s)  : Python (pywikipedia), taegliches update
  • Function Summary  : Interwiki, Internationalisierung (Babel-Chaos). Doppelte Weiterleitungen folgen demnaechst.
  • Already has a bot flag (Y/N)  : Yupp! :-) DE, EN, AR, NN and LB, andere brauchen noch hier, Sperre auf PT, weil ich mich nicht 100%ig an die Regeln gehalten hab. (Hab vergessen den Bot zu melden)
  • Details  : standard interwiki.py; parameter: -auto -all - log -catr

Besten Dank! --Hedwig in Washington 08:27, 1. Sep. 2011 (MESZ)[Antwort gee]

Hallo Hedwig in Washington, Dein Bot hat jetzt den Botstatus. LG, --Holder 10:26, 18. Sep. 2011 (MESZ)[Antwort gee]
Hallo Holder! Herzlichen Dank! :-) LG, --Hedwig in Washington 18:47, 18. Sep. 2011 (MESZ)[Antwort gee]

Spotsummer-Grillfescht[Quälltäxt bearbeite]

Bim Friejoorsdräffe het s dr Vorschlag gee, dass mer im Spotsummer villicht e Grillfescht chennte mache, wu mer is aifach e Nomittag/Oobe zämmehocke, ebis brutzle un bapple, ohni Traktandelischt, ganz entspannt un gspässig.

S wär schen, wänn mer so ebis no im Septämber zstand brächte ...

Wär het Luscht un e Vorschlag fir Ort un Zyt?

--Holder 10:51, 2. Sep. 2011 (MESZ)[Antwort gee]

Ich hät Luscht z cho. Vilycht cha öber en zentrale Ort vorschlo. Es muess jo nit zwingend bi öberem dehei sy, vilycht weiss öber en Park oder sunscht en Blatz wo mer cha grille? --Terfili 09:59, 6. Sep. 2011 (MESZ)[Antwort gee]
Ich chämti au gärn, aber en Blick in mini Agenda zeigt miir, dass kei Schpotsummer me isch, wenn ich an eme Wocheänd wider Ziit ha. We mir nächscht Johr frühener plane, dann cha ich oich ins Limmettal iilade, des isch noch rächt zentral für d Alemannia :-). -- Badener  10:45, 6. Sep. 2011 (MESZ)[Antwort gee]

Also schynts wird's mit em Grillfescht nüüt mee. Ich mach jetz en andre Vorschlag: mer träffe üs eifach amene Samstig imene Lokal. Traget euch am beschte bi derre Doodle-Umfroog yy: http://www.doodle.com/z2dssv26tt9rhsrf --Terfili 10:22, 12. Sep. 2011 (MESZ)[Antwort gee]

Haa mi yydrait fir 2 Termin, villicht chennt i au am e andre Samschtig, aber des chaan i nonig saage. --Holder 14:06, 13. Sep. 2011 (MESZ)[Antwort gee]

Als Ort würdi Olte vorschla. Bekannterwys de zentrali Punkt vo de SBB un vilycht gseet mer de emool e weng mee vo dere Stadt wie numme de Bahnhof. --Terfili 21:12, 17. Sep. 2011 (MESZ)[Antwort gee]

Dàs Ort war zwàr nooch un pràktisch fer mìch... àwer ìch fìnd kè Zitt derfer ìn da naachschta Wuchaanda. L.G. --MireilleLibmann 22:15, 18. Sep. 2011 (MESZ)[Antwort gee]
:(  --Terfili 12:44, 19. Sep. 2011 (MESZ)[Antwort gee]

Es gseet uss, wie wenn Samstig de 1. Oktober de bescht Termin isch. Isch Olte als Träffpunkt ok un kennt öber en Lokal dört? Welli Urzit isch am beschte? 17 Uhr vilycht? --Terfili 21:13, 21. Sep. 2011 (MESZ)[Antwort gee]

Fir mi isch dr 1. Oktober un Olte in Ornig, aber ich bi dert no nie gsi un chänn nyt. Do het s e Lischte mit Lokalitete. --Holder 04:51, 22. Sep. 2011 (MESZ)[Antwort gee]
I chenn au kai Ort z Olte. --al-Qamar 17:59, 23. Sep. 2011 (MESZ)[Antwort gee]
S Restaurant Kolping macht ke schlächte Yydrugg. --Terfili 10:40, 26. Sep. 2011 (MESZ)[Antwort gee]

Passt so ab 17:00 für alli (mir isch's glych)? No duenni morn e Disch reserviere. --Terfili 17:01, 26. Sep. 2011 (MESZ)[Antwort gee]

Samsitg em föfi isch guet. --al-Qamar 11:06, 27. Sep. 2011 (MESZ)[Antwort gee]
Jo, basst, ich fahr derno ab Züri mit em IR 2030 am 15.58 Uhr, dää chunnt am 16.28 Uhr z Olte aa. Villicht wott jo eber mitfahre, Dräffpunkt vorhär Züri HB, am Chopf vum Glais 18. --Holder 13:36, 27. Sep. 2011 (MESZ)[Antwort gee]
Aso bi dem Söörwiss chumi doch glatt au uf dää Zuug. S bileet lösi denn shco seleber ;-) --al-Qamar 14:10, 27. Sep. 2011 (MESZ)[Antwort gee]
Ok s'isch reserviert. Vilycht cha jo no öber e weng Propaganda mache. Ich chum de um 16:30 mitem Zug, wenner no e paar Minute warte dien, channi euch grad uffem Gleis dräffe. --Terfili 14:52, 27. Sep. 2011 (MESZ)[Antwort gee]
Ich stossä den z' oltä dezuä, chont no gnau us, öb scho am bahnhof odär ersch im kolping. --NikKi 30. Sep. 2011
Also de bis morn. Niklaus, wenn üs am Bahnhof triffsch, no lüüt am beschte uff die Natelnummer (unte bi "Ort un Termin") aa, sunscht erkenne mer üs warschynts nit. --Terfili 22:36, 30. Sep. 2011 (MESZ)[Antwort gee]

Ort un Termin[Quälltäxt bearbeite]

Mir dräffe üs zumene gmietliche Noomittag zum Ässe un Drinke.

Termin: dr Samschtig 1. Oktober 2011 ab 17 Uhr. Au spööter cho isch kei Problem.
Ort: im Restaurant Kolping Ringstross 27 z Olte.

ISO-Chürzel[Quälltäxt bearbeite]

De Aatrag uff en korrigierte Yytrag un Code für Alemanisch isch jetz ändli uffem Change request index: [1]. --Terfili 09:59, 12. Sep. 2011 (MESZ)[Antwort gee]

S Chirzel "aeg" wär jo luschtig, no wäre mer sogar no vor dr Afrikaans-Wikipedia. D Frog isch aber, eb mir iberhaupt derno ne Wikipedia in ere Makrolanguage gnähmigt griege, oder eb mir nit zwangswys ufdailt wäre, sprich Alemannisch-Code hii oder här ainewäg uf gsw verschobe wäre. --Holder 19:49, 12. Sep. 2011 (MESZ)[Antwort gee]
Es git deno bstimmt öberen, wo des sait, aber no muess mer halt dergege diskutiere un au emool d Beziehige zue Wikimedia-Verein usw yyschalte. Die Halunke vum Sproochkomitee sin au nit di letschti Instanz, un über de Wille vunerer etablierte Gmeinschaft vumene sehr aktive Projekt chönne si sich au nit ewägsetze. --Terfili 20:20, 12. Sep. 2011 (MESZ)[Antwort gee]

Zumindestens bis jetz isch s Language Comittee schynts nit gäge e Verschiebig uff en Makro-Sprooch-Chürzel: Language committee/Reports/2011-09. --Terfili 13:43, 22. Okt. 2011 (MESZ)[Antwort gee]

Diskussion uf dr dewiki[Quälltäxt bearbeite]

Im Moment git s uf dr dewiki grad e inträssanti Diskussion rund um di Alemannisch Wikipedia un anderi Chleini-Sproche-Projäkt in dr Folg vum Regionalsprochedräffe uf dr WikiConvention. Vgl. au dr Kurierartikel derzue. --Holder 19:44, 15. Sep. 2011 (MESZ)[Antwort gee]

Intressanti un vor allem emool sachlichi Diskussion! --Terfili 09:17, 16. Sep. 2011 (MESZ)[Antwort gee]

Mir isch ufgfalle, dass die RSS Feed, wu uf d Houptsyte verlinkt isch (lueg do) schyns nimi funktioniere, nit des E-Mail-Abonnement un au nit des Feed-Abonnement. Waiß do eber wurum oder wie mer s wider zum Laufe bringt? Sunscht chennt mer des vu dr Houptsyte ewäg nee. --Holder 15:11, 19. Sep. 2011 (MESZ)[Antwort gee]

Vo mir üs chammer des vo de Hauptsyte ewäg un als veraltet markiere. --Terfili 19:31, 29. Sep. 2011 (MESZ)[Antwort gee]
Ich ha's jetz ussegno. --Terfili 21:00, 9. Okt. 2011 (MESZ)[Antwort gee]

Lothringischi Ortsartikel[Quälltäxt bearbeite]

So, ich haa jetz alli lothringische Ortsartikel ergänzt un erwyteret, jetz sin s kaini Stumpe me. --Holder 13:12, 23. Sep. 2011 (MESZ)[Antwort gee]

Dr Yves Scherrer vu dr Uni Gämf het wider emol Byschpelsätz us dr Alemannische Wikipedia fir e Studie gnuu: Morphology generation for Swiss German dialects, SFCM 2011, Zurich. S git au ne Band mit Artikel vu däre Tagung. --Holder 16:55, 25. Sep. 2011 (MESZ)[Antwort gee]

Förderig dur Wikimedia Schwyz[Quälltäxt bearbeite]

De Wikimedia CH Verein het jetz s Förderprojekt für di alemannisch Wikipedia uff synrer Syte uffglischtet: http://www.wikimedia.ch/Projects. Des söll deno aa d Wikimedia Foundation wytergleitet werde, wyl grad s Budget für näggst Joor vorbereitet wird. Mer erfaare also warschynts derwyylscht em Spootjoor ob öbis passiert. --Terfili 09:11, 29. Sep. 2011 (MESZ)[Antwort gee]

Inträssant, luege mer mol, villicht wird s jo ändli ebis mit unsrem Wikiheftli :-). Dankschen Terfili, fir Dyy Yysatz. --Holder 09:50, 29. Sep. 2011 (MESZ)[Antwort gee]

Italienische Wikipedia abgstellt[Quälltäxt bearbeite]

Di Italienisch Wikipedia isch us Brotescht gege ne nei Gsetz abgstellt wore!!! S git e Unterstitzerlischte uf dr dewiki. --Holder 16:23, 5. Okt. 2011 (MESZ)[Antwort gee]

Mini Underschrift hani emole ggee. --al-Qamar 17:23, 5. Okt. 2011 (MESZ)[Antwort gee]
S' lauft jetz abär wedär, nachdem di' italiänisch Regiärig de sträikendä Wikipedianär Zuegeständnis gmacht... --NikKi 6. Okt. 2011

Sprochufzäichnig vom Artikel vom Tag[Quälltäxt bearbeite]

Wieso lauft den Sprochufzäichnig vom Artikel vom Tag bi mer ned? liets a minä Istelligä? -- NikKi 6. Oktober 2011

Also bi mir funktionierts. --Terfili 20:55, 6. Okt. 2011 (MESZ)[Antwort gee]
Won ich än jetz abegladä ond uf äm Playär abgspeelt ha, gohts, abär diräkt uf dä Siitä lauft s' Bändli ned. -- NikKi 21:03 6. Oktober 2011
Ich han jetz mol au bim hütigä Artikäl noprüäft öb sich dä aalosä lot. Abär im IE9 laufts Bändli also definitiv ned. Met em Firefox laufts grad. --NikKi 20:22, 10. Okt. 2011 (MESZ)[Antwort gee]
Also ich ha die Vorlag eifach uss de dütsche Wikipedia überno. Wie isch's dee, wenn im Artikel sälber oder uff Wikipedia:Gesprochene Wikipedia duesch abspiile? Lauft's dörte? --Terfili 20:39, 10. Okt. 2011 (MESZ)[Antwort gee]
Ech han jetz s' grad usprobiärt gha, abär au detä laufts Bändli ned. Ond zom sichär sii xtra au nomol min Browser uf default gsetzt ond nomol au ufs agfrogtä quick time plugin, ok klickd för zom dä playär betriibä. Nötzt abär alläs nüt --NikKi 21:13, 10. Okt. 2011 (MESZ)[Antwort gee]
Funktioniert's uff de dütsche au nit? de:Wikipedia:WikiProjekt Gesprochene Wikipedia. Wenn nit, no isch's Problem bi de Vorlag (wobi es mich wundre dät, dass des uff de. no niemerm uffgfalle wär). Wenn's uff de. funktioniert, wassi vermuet, no isch's Problem dass die Vorlag bi üs mit irget öbis andrem kollidiert. Ich wüsst de aber au nit wie mer des chönnt flicke...--Terfili 21:17, 10. Okt. 2011 (MESZ)[Antwort gee]
Nei dä implementiärti Playär funktioniert au uf dä Wiki Dutschland ned. Abär ich glaubä langsam, äs legt eifach am IE9 vo Microsoft wo weder mal diä anderä Herstellär blockiärt. Das wäri ned s' erscht mol, dass äs Problem gäb. Ech hans Windows7 ond Quick Time, iTunes etc. druf laufä. --NikKi 21:33, 10. Okt. 2011 (MESZ)[Antwort gee]
In däm Fall chasch jo emool uff de dütsche Wikipedia frooge, vilycht chönne die öbis mache. --Terfili 21:59, 10. Okt. 2011 (MESZ)[Antwort gee]
Äs schient sech leidär niämert dra z' störä das ech diä Bändli met äm IE9 ned chan abspelä. http://de.wikipedia.org/wiki/Wikipedia:Fragen_zur_Wikipedia --NikKi 23:10, 13. Okt. 2011 (MESZ)[Antwort gee]

Sperrig vom Artikel Om[Quälltäxt bearbeite]

Do de Artikel Om immer wider wandaliert werd, hanen emole ase gsperrt, aser numeno vo Amane gänderet were cha. De Grund isch, ass offesichtlich woll immer di gliichi Person sich under eme andere Name amäldet und denn de Artikel vandaliert. Vellicht sötted mer emole bispreche, wa mer do mached. --al-Qamar 10:17, 7. Okt. 2011 (MESZ)[Antwort gee]

Vo mir üs chammer en gschützt lo. Des isch kei Artikel, wo bi üs vil bearbeitet wird, drum isch d Gfoor dass öber durch d Sperre abgschreckt wird, nit eso gross. --Terfili 10:33, 7. Okt. 2011 (MESZ)[Antwort gee]

Zwoiti grossi Spänd för d' Wikimedia Foundation[Quälltäxt bearbeite]

Met 3,6 Millionä US-Dollar hed d' Wikimedia Foundation diä höchscht je erhalteni Einzälspände i erä Gschecht öbercho. S' Gäld esch vo dä Stanton Foundation ond söl för technischi Verbässerigä bi dä Wikipedia verwändet werdä. Es esch scho diä zwoit Spänd vo dä Stiftig vom leider 2006 verstorbenä Frank Stanton Ex- Presidänt vom CBS Sender.

Scho 2008 hed diä Stanton Foundation 890.000 Dollar gspendät. Bis 2011 esch dämet d' Usability Initiative finanziärt wordä, met em Ziil, d' Wikipedia bessär benutzbar z' machä. Das Projekt esch abär ned zumenä Erfolg wordä. Met dä neuiä Spänd söl jetz zum Teil d' Witärentwicklig vom Visual Editors finanziärt werdä, wo bim Schribä vo Wikipedia-Artikel ohni Programmiärkenntnis helfä tuäd.

För s' laufendä Johr plant d' Wikimedia, Usgabä vo 28,3 Millionä Dollar. Momentan schaffed knapp 100 Festagstellti för d' Stiftig. Mer het sich aber vell meh vorgnoh gha – Wikipedia hed grad bsondärs Müäh dämet, dass sii Entwecklär för diä technischä Aufgabä findät. Näbe dä technischä Updäits zum Aforderigä as stiegnedä Inträssi a dä Wiki z'deckä, versuächt jetz Foundation neuii Büros in Indiä und Brasiliä z' eröffnä. --NikKi 16:52, 7. Okt. 2011 (MESZ)[Antwort gee]

Also das fend ech au no en gueti Sach damit mer zäme weder d' Wikipedia verbesserä cha. http://meta.wikimedia.org/wiki/Fundraising_2011/communityappeal --NikKi 22:47, 13. Okt. 2011 (MESZ)[Antwort gee]

ß für Lenis-Luut?[Quälltäxt bearbeite]

Es het doo Artikel, wo s Scharf-s (ß) in Wörter bruucht wird, wo für mich en Lenis-s hen. Uffällig vorallem am Wortaafang: ßin oder bi gßi (dört isch's zwar phonetisch e Fortis, aber phonologisch einewäg e Lenis). Sowyt mir bekannt isch, stoot s ‹ß› aber doch grad für s Fortis-s, also wie in hasse (für die, wo kei Konsonanteschwächig hen). Des isch doch grad de Sinn vo däm Buechstab, oder hanni öbis falsch verstande? De Bruuch vo ‹ß› für Lenis-s wär also e eigni Erfindig. Jetz wotti wisse, ob's zuelässig isch, wemmer des ‹ß› in so Fäll mit ‹s› ersetzt. --Terfili 20:36, 17. Okt. 2011 (MESZ)[Antwort gee]

Ich meinti, än Ersetzig sig zuälässig. Und ich schmunzlä ä chlii, ass dä Buächschtabä i dr alemannischä Wikipedia ubrhoipt bruicht wird, wemmä eppä gseed, wettigi Diskussionä d Schwiizer uf dr diitschä Wikipedia wägadäm immer wider chend fiärä. --B.A.Enz 23:17, 17. Okt. 2011 (MESZ)[Antwort gee]
Dr Strommops het s <ß> brucht zum s Verb "sii" vum Possesivpronome "sii" z unterschaide. Des het suscht kai lutlige Karakter ghaa. Är het aifach in allne Konjugationsforme vum Verb <ß> brucht. Ich find, mer chaa des ändere. Im Prinzip isch s jo scho ne aigeni erfundeni Schrybig gsii.
@B.A.Enz: dr Buechstab <ß> wird au in dr Alemannische Wikipedia brucht, wel do nit alli Benutzer Schwyzer sin, ich zum Byschpel bii kai Schwyzer un schryb au kai Schwyzerdytsch. LG, --Holder 17:40, 18. Okt. 2011 (MESZ)[Antwort gee]
Uf Elsassisch (Orthal-Schrìftàrt) heißt's: ß noh lànga Vokàla oder Diphtong, un s noh kurza Vokàla. Mi Elsassisch-Profasser sajt, as seig s gliicha Regel uf Hoochditsch. --MireilleLibmann 21:51, 18. Okt. 2011 (MESZ)[Antwort gee]
Am Wortafang hed das Zeichä weder im Hochdiitschä nu im Alemannischä eppis verlorä, und drum set mes äso oi nid bruichä.
@Holder: Dankä fir diä Hiwiis. Das isch miär zwar alles nid ganz unbekannt, aber luschtig isches us miiner Optik äbä gliich. [Und wemmä gseed, wiä gwissi Liit us dr Schwiiz gägäs <ß> gäiferid, chennt mä gar befirchtä, äs sig allnä wiit uber dr Gränzä und dr alemannisch Schprachruim uisä d Luscht vergangä, dä Buächschtabä z bruichä. ;-) ] Beschti Griäss --B.A.Enz 23:11, 19. Okt. 2011 (MESZ)[Antwort gee]
Also bi mir isch e ß-freii Zone, zumindescht do. Aber en "Glaubenschrieg" drum git's hiir nöd :-) --Badener 23:52, 19. Okt. 2011 (MESZ)[Antwort gee]


Verschìedena Dialekta üssem Elsàss losa[Quälltäxt bearbeite]

Dr Websitt vum OLCA zeigt a ìnteràktiva Kàrta, wo ma uf d Städter kààt klicka un Beispìeler Uffnamma kààt losa: http://www.olcalsace.org/aff_carte/carte-linguistique-alsace.html Àlemànnisch, Fränkisch, un as gìtt sogàr a walscher Dialekt, üss Labaroche. --MireilleLibmann 00:21, 20. Okt. 2011 (MESZ)[Antwort gee]

Sehr intressant! Do zaigt sich, dass mer z Wisseburi nit Pfälzisch schwätzt (s haißt dert "Pfund" un nit "Pund" wie in dr Pfalz), un z St. Louis het s schyns kai k-Verschiebig meh ... --Holder 07:54, 20. Okt. 2011 (MESZ)[Antwort gee]
Jo... ìch bì salwer do druf ìwerràscht! Un noch ebbis, ìm mim Dialekt vu Milhüüsa oder ehnder noch Rìxha fer gnàui sìì, dat ìch sàga:
  • Ìm Katzala wo bi sinera Màmma ìn dr Schiira blìewa ìsch, hàn ìch a bìtzi Mìlch gah.
  • S Glace ìsch ìn dam Maidla, wo so scheena blàuia Àuiga hàt, ìn dr Hànd vergànga.
Àwer ìch bì kè Referanz. ;-) --MireilleLibmann 12:25, 20. Okt. 2011 (MESZ)[Antwort gee]

Wikipedia:Rückmeldung[Quälltäxt bearbeite]

Des Ruckmäldigstool lauft schynts wider. Solle mer des wider aktiviere fir di Alemannisch Wikipedia? --Holder 18:18, 23. Okt. 2011 (MESZ)[Antwort gee]

Hmmm, schlächt fändi's nit, eso e Ruggmäldig chönnt vilycht guet für d Motivation vo de Autore sy. Aber was isch eigetli mit de Ruggmäldigsfunktion, wo uff en. aktiviert isch? Cha mer die nit au bi üs aktiviere? Die dunkt mir e weng besser glunge, usser dass es dört glaub kei Kommentarzyyle het. --Terfili 21:40, 23. Okt. 2011 (MESZ)[Antwort gee]
Ich haa s aktiviert ghaa, aber s funktioniert nit, des het wahrschyns mit dr Umstellig uf s Vector-Design z due. Des Tool lauft au iber e Javaskript un dodermit hämer bekanntlig Probläm. Villicht chennt mer s flicke, aber ich haa kai Ahnig wie. Wäge däm haan i s wider abgstellt.
Des Feedback-Tool, wu s uf dr enwiki git, isch glaub no in dr Tescht- un Entwickligsphas, ich waiß nit, eb mer des scho in andre Projäkt cha aktiviere loo. --Holder 07:14, 25. Okt. 2011 (MESZ)[Antwort gee]
Ich chans leider sälber ned, aber ech luäg ämol deför, öb eine vo minä Kolleggä s' mol wördi aaluägä, gibä nomol Bschäid. --NikKi 17:50, 30. Okt. 2011 (MEZ)[Antwort gee]
Mir händ Glöck, dä Kolleg won ech gfrogt gha han, het sich spontan dezuä beräit erklärt euis z'helfä. Mer müend ehm d' Zuägangsdatä scheckä, oder? Wer het diä oder chan diä organisierä? --NikKi 09:42, 3. Nov. 2011 (MEZ)[Antwort gee]
Was für Zuegangsdate? --Terfili 10:55, 3. Nov. 2011 (MEZ)[Antwort gee]
Es esch wahrschinli nötig, d' Implementiärig vo dem Script aazluegä, das häisst, wenn s' Skript sowiit ned selbär s' Problem esch. --NikKi 11:21, 3. Nov. 2011 (MEZ)[Antwort gee]
Des Script het glaub de Benutzer:Melancholie gschrybe, un de isch scho lang nümm aktiv. Ich glaub, s Skript isch uff MediaWiki:If-anon-feedback.js bzw. MediaWiki:If-user-feedback.js. Für die Syte bearbeite bruucht mer eifach e Benutzerkonto un Ammane-Rächt. Wenn dyn Kolleg öbis cha mache, söller eifach e Konto aalege un er bechunnt de temporäri Ammane-Rächt über. --Terfili 11:41, 3. Nov. 2011 (MEZ)[Antwort gee]
Ok, ich tuän das organisiäre und gebä wedär Beschäid, wenn er dra gangä esch. --NikKi 13:38, 3. Nov. 2011 (MEZ)[Antwort gee]
Also är häd sichs aagluägt ond mäint jetz folgändes "Die ganzen Hooks wo jQuery einhängen sollten haben sich geändert, daher wird das mit einfachen Anpassungen auch gar nicht mehr gehen. Dazu müsste man die Hooks an den richtigen Stellen anpassen, bzw. sollte sinnvollerweise das ganze Skript umprogrammiert werden." dii Zäit däzuä hät er abär im Moment leider ned. Jo? --NikKi 16:54, 3. Nov. 2011 (MEZ)[Antwort gee]

Träffe mit Öschtriichische Alemanne am 26. Novembr[Quälltäxt bearbeite]

Solly zämme, am Samschdig, em 26. Novembr isch de LinuxDay vo de Linuxusergroup Vorarlber z'Dornbirn. Ich ha im Name vo Wikimedia Öschtriich dört emol en kleine Schtand beantragt un hoff natürlich, dass möglichscht vieli Alemanne chömme - grad im Vorarlberg het au Wikimedia Öschtriich chum Kontakt zue Wikipedianer. D'Planigssyte bi Wikimedia Öschtriich isch im Mitglieder Wiki - do cha sich abr jede aamälde und mitschriibe: http://mitglieder.wikimedia.at/Projekte/LinuxDay_2011 Grüess un bis bal, --Manuel Schneider(bla) (+/-) 12:14, 28. Okt. 2011 (MESZ)[Antwort gee]

Titel-Vorlag un Common.js[Quälltäxt bearbeite]

Ich ha jetz en neue Bug uff Bugzilla wäge de Titelvorlag uffgmacht (lueg au Umstellig_vu_MediaWiki:Common.js): [2]. Es wär guet, wänn die wo dörte en Benutzerchonto hen, chönnte für de Bug stimme (eso mee Uffmerchsamkeit). --Terfili 21:57, 11. Nov. 2011 (MEZ)[Antwort gee]

Was fr e Ehr. Dr Brion Vibber persenlig repariert unsre Chaare ... Bi mir funktioniert s jetz, also d Suechergänzige un d Titelvorlag. --Holder 06:25, 15. Nov. 2011 (MEZ)[Antwort gee]
Äh, hite morge isch s gange, jetz goht d Titelvorlag schyns doch nimi ... Villicht hangt s bi mir grad mit em Browser zämme, hite morge haan mit Firefox gschafft (dert isch s gange) un jetz mit em Internet Explorer. --Holder 08:26, 15. Nov. 2011 (MEZ)[Antwort gee]
Super! Bi mir lauft jetz (usser de Charte uff de Hauptsyte) alles! D Titelvorlag isch bi mir zerscht au nit gange (uffem Firefox), aber no hanni de gsamte Browser gleert, un jetz goot's! --Terfili 09:45, 15. Nov. 2011 (MEZ)[Antwort gee]
Stimmt, Cache lesche, jetz goot s au bi mir uf em IE :-)! --Holder 11:49, 15. Nov. 2011 (MEZ)[Antwort gee]

Vorbesprechnung für Wikipedia Workshop KW 50[Quälltäxt bearbeite]

Hoi Zäme, ech wörd no voräm Ändi vom Johr äinisch gern, met allne Inträssiertä för d' Organisation vomenä allemanischä Wörkshop zämecho. Min Vorschlag wär än Termin i dä Woche 50. Um d' Örtlechkäit au kennäzlernä werd üs vo dä BWZ Brugg ermöglecht, euisäs Treffä för diä Vorbesprächig, a dä BWZ duräzführä. So hättit au alli d' Möglechkäit d' Personä henter dä Idee sälber kennäzlernä (ech hoffä äs passt denn terminlech). Ond mer erarbäitä denn au, än Projektplanig- Wikipedia Workshop, oder macheäd det metänand dä Afang. Bitte tragäd euich ii, http://www.doodle.com/p3h88gv3mbgz5vvt. Lg --NikKi 11:04, 22. Nov. 2011 (MEZ)[Antwort gee]

Da tönt interessant. Momentan chani laider nöd ase vill Zitt i d Wikiedia stecke, werd aber luege, asi ono cha choo. Aber i cha jetz nonöd sege, weni choo cha. Aber maistens chani mi churzfristig aapasse. --al-Qamar 11:16, 2. Dez. 2011 (MEZ)[Antwort gee]
Merci förs Feedbäck, also ech han jetz grad wellä nomol än ufruäf machä ond wellä frögä, wiäs usgsehd, aber den het sechs jo dermit förs erschti erledigt ömel för diä ersti Vorbesprechig. Äs muess abär vorussetzig sii das Du au chonsch... Ech frog mol au no d' Wikimedia a, öbs sii än Person scheckä, de Manuel, han i z' Dornbirn am Linux day gseh gah aber er het ned zuägsäit.... --NikKi 15:20, 5. Dez. 2011 (MEZ)[Antwort gee]
Vermuetlich gets jo Lüüt wo a dem Samschtig no müend Gschänkli go postä, also ech wörd dorom vorschloh, dass mer euis am Friitig träffed. Sowiit word ech, dass mer no chönd bi Tagesliächt zämecho uf 16:30 Uhr met em Schuelläiter jetz au provisorisch abmachä. Ond mer mached d' Besammlig uf di vieri am Bahnhof Brugg Usgang (Ost). Schösch bitte rasch meldä, wenns wörkli ned wördi go. Lg --NikKi 14:57, 13. Dez. 2011 (MEZ)[Antwort gee]
Wer het sich denn bis jetz agmolde und wer chan em Fritig goo? --al-Qamar 15:26, 13. Dez. 2011 (MEZ)[Antwort gee]
Bis jetz send nur mer drü, äs geht jo au nonig vell ztuä, macht aso nüt. De Holder esch jo wahrschindli au froh wenns jetz ohni ehn gohd. Wenn öper de an euisä workshop muess zuesätzlech go chohelfä cho, müend mer da im Moment no verschiebä, aber d' wikimedia CH esch informiert öber euisä Plan. Sowiit wörd ich au luegä, dass sie euis detä wenn' s nötig esch tuänd hälfe. Ond ech han sowiit s' Gfühl, dass jo au scho en gwüssi Vorarbät vo de Düütsche Wiki gleischtät wordä esch. --NikKi 19:50, 13. Dez. 2011 (MEZ)[Antwort gee]
Jo, mir isch s rächt, wänn Ihr des emol ohni mii blaane, wel ich bii jetz halt nimi so vil in dr Schwyz, aber ich chennt mer scho vorstelle, an däm Wuchenänd, wu des Seminar stattfindet, derzuezchuu un mitzhälfe. --Holder 20:20, 13. Dez. 2011 (MEZ)[Antwort gee]
Dankä, es esch schön wenn Du denn för das erschti Mol euis au verstärchsch. Sowii ech weiss werd vo dä Schuel ersch weder för's öbernäschtä Semäster äs neuis Programm druckt. Wänn mer wenn, chönd mer det met em Workshop drii. --NikKi 11:19, 14. Dez. 2011 (MEZ)[Antwort gee]
De Interregio vo Zöri chunt 16:00 z Brugg aa. Em beste isch, mer treffed üüs em Baahof. --al-Qamar 09:54, 15. Dez. 2011 (MEZ)[Antwort gee]
Super, ja also ech han jetz grad au Bestätigung vom Schuelleiter für de Termin becho. Lg --NikKi 12:17, 15. Dez. 2011 (MEZ)[Antwort gee]
Ich chumm au um 16 Uhr aa. Wo am Bahnhof dräffe mer üs? --Terfili 13:02, 15. Dez. 2011 (MEZ)[Antwort gee]
Also wenn mer Ost usem Bahnhof uselauft, Rechtig Schuelhuus, siehe [bwzbrugg|http://www.bwzbrugg.ch/site/index.cfm?id_art=73139&actMenuItemID=31344&vsprache/DE/Berufs__und_Weiterbildungsze.cfm]. Bis morn --NikKi 18:52, 15. Dez. 2011 (MEZ)[Antwort gee]

Resultat vom Treffe: Mer hend d Möglichkait a e bwz Brugg e Ruum mit 10 bzw. 24 Computer z haa, womer amene Wuchenend (oer au a merere) e Schriibkurs dörefüere chönnt. Da Projekt isch langfristig, und mer müend bis Endi Aprile üses Gsuech iiraiche. Mer wered bi Glegehait en aigni WP-Siite uuftue, womer da Projekt gnauer bisperche chönd. --al-Qamar 11:23, 20. Dez. 2011 (MEZ)[Antwort gee]

Spändekampagne[Quälltäxt bearbeite]

Ich ha grad gmercht, dass mer bi de Spändekampagne uff de Syte vo däm Wikimedia-Verein landet, wommer sich grad uffhält. S Problem isch: die hen nit aa d Regionalsprooche denkt un d Übersetzige nit aktiviert, un drum landet mer deno standardmässig bi de änglische Version. Passiert mir uff jede Fall vo de Schwyz uss so. Bevor ich jetz allene Verein aaschryb: cha öber wo z Dütschland, Frankrych oder Öschtryych isch, bstätige, dass vo dört uss au nit di alemannisch Version aazeigt wird? --Terfili 12:09, 25. Nov. 2011 (MEZ)[Antwort gee]

Bei mir kommt au bloß de englisch Version, ond i wohn z Bada-Wirdaberg. --Henri Berger 12:15, 25. Nov. 2011 (MEZ)[Antwort gee]
Bi mir z Hesse au. --Holder 12:52, 25. Nov. 2011 (MEZ)[Antwort gee]
Momentàn bìn i uf ema Ìnternet-Proxy (IP Àdrassa) wo z'Pàris bàsiart ìsch.
  • als.wikipedia.org: gàr kè Ààzeiga vu dr Spandakampagne! (wia fer da- oder eo- oder nn.wikipedia.org)
  • de- oder es- oder fr- oder it.wikipedia.org: Ààzeiga uf Frànzeesch
  • en.wikipedia.org: Ààzeiga uf Anglisch
Hìtt z'Owa prowiar i noch dheim (IP ìm Elsàss). --MireilleLibmann 13:04, 25. Nov. 2011 (MEZ)[Antwort gee]
→'s ìsch exàct gliich mìt'ma IP ìm Elsàss. --MireilleLibmann 19:29, 25. Nov. 2011 (MEZ)[Antwort gee]
Ok, no muess mer emool de Verein aaschrybe. Supertoll, jetz gseet mer zwar z Tschechie di alemannisch Version, aber z CH-DE-FR-A-IT nit. Was aber no seltsam isch, isch dass bi dir doo gar kei Banner aazeigt wird. Cha's sy, dass du's eifach scho emool furtklickt hesch (vilycht neu yylogge un/oder Cache lääre?). --Terfili 20:37, 25. Nov. 2011 (MEZ)[Antwort gee]
Ìch glàuib nìt àss's vu do har kummt. Z'Mittàg hàn i a ànder Computer ghàà, un ìch hàn uf „als“ aui kè Banner gsah. Mi Heim-Computer hàn i jetzt àb un ààgmàcht: ìmmer noch gliich.
Eiglig, fer d meischta Sproocha seh-n-i kè Banner: commons mìt login, af, ak, an, arz, ast, az, ba, bar, be, id, ast, et, ceb, mg, el, fa, gl, ga, fo, ang, fur, scn, av, tr, vo, ja, vi, fy, ht, tt, scn, uk, hu, rue, te, roa-rup, io, nds, pdc, cr, lij...
Banner uf Frànzeesch aui fer: commons ohna login, ar, ca, he, fi, cs, oc, co, sv, pl, la, pl, br, eu, frp, nrm, lb, nl, no, zh, ru, pcd, pt, sk...
Banner uf Anglisch aui fer: rm, simple
--MireilleLibmann 22:08, 25. Nov. 2011 (MEZ)[Antwort gee]
Wänn i d Frog vum Terfili rächt verstande haa, goht s nit drum well Banner mer siht (ich sii uf allne Wikipedie s alemannisch Banner, wel ich uf allne Wikipedia in myne Yystellige Alemannisch as Sproch yygstellt haa), sondern uf was fir e Syte mer chunnt, wänn mer uf s Banner drufdruckt. --Holder 22:14, 25. Nov. 2011 (MEZ)[Antwort gee]
Ah OK, ìch hà's latz verstànda ghàà. Àlso, Banner vu dr frànzeescha WP → Sitta uf Frànzeesch. Entschuldigung fer s Mìssverstandnis :-) --MireilleLibmann 22:42, 25. Nov. 2011 (MEZ)[Antwort gee]
Uf Àlemànnisch jetzt! Prima. --MireilleLibmann 20:46, 28. Nov. 2011 (MEZ)[Antwort gee]
Super! Wer het denkt, dass d Franzose als erschti öbis für s Alemannisch mache;-) Wikimedia Östryych het gsait, si hätte des Joor sowiiso kei Extra-Abkomme mit de WMF (un hen bstätigt, dass mer's vo Östryych uss uff Alemannisch gseet), un die vo Wikimedia Schwyz hen gsait si mache's bal. --Terfili 21:33, 28. Nov. 2011 (MEZ)[Antwort gee]

British Library stellt Zeitungen des 18. und 19. Jahrhunderts online[Quälltäxt bearbeite]

Diä britisch Nationalbibliothek het Artikäl us guät 200 Zitigä us England ond Irland vom 18. und 19. Jahrhundert digitalisiert, ond stelllt diä allnä online zur Verfüegig. Well mer en Zuegreff uf än Artikäl, muäss mer denn abär au öpis deför zahlä, luäg http://heise.de/-1386726 --NikKi 17:12, 30. Nov. 2011 (MEZ)[Antwort gee]

Wikipedia-Streik[Quälltäxt bearbeite]

In dr USA wird zurzyt e Gsetz (SOPA) diskutiert, wu derzue chennt fiere, dass mer aifach cha Websyte per Gricht abstelle loo, wu aim chennte schade (z. B. au d Wikipedia!). Dr Jimmy Wales het jetz uf dr enwiki d Frog gstellt, eb di Änglisch Wikipedia us Protescht geg des Gsetz e Zytlang sott abgstellt wäre - analog zum Streik vu dr italienische Wikipedia aafangs Oktober. Uf syre Benutzersyte cha mer syy Mainig derzue abgee. --Holder 19:04, 13. Dez. 2011 (MEZ)[Antwort gee]

Han vor öpe enere Wuche e Petition underschribe (bi Avaaz [3]), wo de Senat ir USA söll dezue bewege, das Gsetz nöd z'verabschide. -- Schofför 19:31, 13. Dez. 2011 (MEZ)[Antwort gee]
Dankä för din Hewis, hans ehm gschrebä. Es chan ned sii das mer alles wo äim glöcklech macht emmer wedär muess hergä. Äs esch guet das äs Sachä get wo mer ned cha chaufe. Wenn ech mis Internet iischaltä, muäss es so sii, dass ech's verstoh ond es söll en Teil sii. Niemert bauot äläige äs internet, das wär jo ganz schlimm. --NikKi 21:25, 15. Dez. 2011 (MEZ)[Antwort gee]

Visual editor[Quälltäxt bearbeite]

Wikimedia teschtet zurzyt e Visual editor, wu direkt cha dryyschrybe un din ummeformatiere ohni die ganze Formatmarkierige. Des git emol e lässigi Sach! --Holder 07:46, 16. Dez. 2011 (MEZ)[Antwort gee]

Wer ist Robert Grossmann?[Quälltäxt bearbeite]

Zitat: "Was soll das überhaupt, im Fernsehen Elsässisch zu sprechen?" (Badische Zeitung, 16.12.2011). Un des vum friejere Stroßburger Stadtgemeinschaftspräsident und Gemeinderat ... --Holder 09:11, 16. Dez. 2011 (MEZ)[Antwort gee]

:-(   !? --MireilleLibmann 12:13, 16. Dez. 2011 (MEZ)[Antwort gee]
Ìch hà bis jetzt kè àndra Referanz (àls Bewies) gfunda vu dam Sàtz wo-n'r gsajt häig. Ìsch dàs ìwerhàuipt 100% sìcher, un hàuiptsachlig, ìn wellem Kontext?... (Ìn dam àndra Àrtìkel schiint dàs scho nìt so schlìmm.) --MireilleLibmann 12:52, 16. Dez. 2011 (MEZ)[Antwort gee]
Interessant. Aber im Artikel in de DN ghört sich des allerdings e weng andersch aa. Vilycht hen die vo BZ de Robert Grossmann falsch verstande? --Terfili 13:19, 16. Dez. 2011 (MEZ)[Antwort gee]
Diss sotte mr erscht emol gànz klar recherchiire! Numme wil e ditsch Zitungs-Korreschpondent diss so vrsteht, heisst diss no làng nix! Stelle mr uns vor, Miss France war e Bretonin odr e Corsin (Laetitia C.) un se het Bretonisch (odr selbsch Gallo) gredt odr Corsisch. No hett`s glich gheisse, ‚de Kron steht`r nit, `s muesst e coiffe de dentelle har‘ odr ‚en Holzschueh het se Miss-Wahle nit gewunne‘ - odr halt ‚wàrum se nit glich cagoulé mét de AK-47 ufftritt‘! Numme wenn`s e Ch´ti war het se jetz zr Zit noch ziemli Nàrrefreihet - grace à Dany Boon. De Frànzose hàn`s immr no nit vrstànde: „Nous sommes tous des Ch´tis“--Stephele 13:24, 16. Dez. 2011 (MEZ)[Antwort gee]
Se het e Süpr-Haccent - uff Elsassisch un (nàdirli) uff Frànzeesch! ;-) Numme wenn se Frànzeesch mét-erer Fàmeli redt, heert mr öi e bissele `s Elsass durich... Nàdirlich nit bi de offiziell prises de parole.--Stephele 15:47, 16. Dez. 2011 (MEZ)[Antwort gee]
De Reaktion ésch nit vun Ànfang an so negativ gsin: Uff TF1!! - „Comme c´est mignon! - Bleedi Fröj: Comment dit-on «Bonjour» en alsacien? :-)) --Stephele 16:02, 16. Dez. 2011 (MEZ)[Antwort gee]
Eh nàtiirlig: 's ìsch dr Jean-Pierre Pernaut, wo jo scho a elsassischa Miss France ghiirota hàt! ;-) --MireilleLibmann 20:51, 16. Dez. 2011 (MEZ)[Antwort gee]
D Nathalie Marquay-Pernaut isch aber kai Elsässeri (drotz "Miss Alsace"), oder? --Holder 20:59, 16. Dez. 2011 (MEZ)[Antwort gee]
Àlso, pàrdon! Ich löj sunsch niii TF1 (un sunsch öi fàscht ken (frànzeesch) Télé)!! Leidr hàw-i mr nit emols àngwehnt, „Rund um“ uff`m Netz ze löje... :-( --Stephele 21:06, 16. Dez. 2011 (MEZ)[Antwort gee]
@Stephele: Ìch lüeg aui nìt vìel TF1. Àwer „Rund Um“ sott ma lüega!
@Holder: Wàs ìsch eiglig a Elsassera? D Nàmma Marquay ìsch sìcher nìt elsassisch. Àwer sa ìsch doch sallamols ìm Elsàss gwohnt.
;-) --MireilleLibmann 21:28, 16. Dez. 2011 (MEZ)[Antwort gee]
Ha, in däm Zämmehang, also, wänn d Delphine Wespiser Elsässisch schwätzt bim Jean-Pierre Pernaut, hätt i däm sy Frau e Elsässeri gnännt, wänn die Elsässisch cha oder Verwandti het, wu Elsässisch chenne, z. B. isch d Madame Blanche vu "Gsuntheim" e Elsässeri :-). Uf d Wält chuu isch d Nathalie Marquay zemindescht z Comines, villicht cha si jo Picardisch? --Holder 21:57, 16. Dez. 2011 (MEZ)[Antwort gee]
- „Rund um“ - Ich weis, ich sott! :-( - ...e elsassischi Miss France ghiirote - Y en a qui ont de la chance! ;o)
Ich hàb noch widdrsch gsuecht nooch de Quell, nooch`m évenement, de „Gschicht hinter`m“ BZ-Àrtikel. De Bärbel Nückles vun dr Badische schint sich do e netts Gschichtle zsàmmegriimt ze hàn, einsitig, kleinperschpektivig, numme mét àlli àlti Allgemeinplätz üss dr Gschicht vum Elsass. `S Grossmann-Zitat hàw-i ém Zsàmmehang „Miss France parle alsacien“ nit noch emol gfunde. Se kànn sich àwwr wenigschtens mét éhrer Sicht vun d´Sondrposition vum Elsass uff dr Grossmann beruefe, wi jà én de DN gschriwwe het: „Aucune autre région de France n’est ainsi moquée ni dégradée par ce genre de railleries blessantes.
Diss hàlt-i àwwr fr de typisch elsassisch Komplex (gràd bim Grossmann), wil erschtens àlli „Periphere“ numme de railleries wirkli métkrieje, wii geje se selbsch grichtet sin, un zweitens de Elsassr (odr bessr: bschtimmti Elsassr) àn dr Stell, wo`s Narwegeweb, wo se mét`m gelibt Frànkrich wédr zsàmmegewachse sin, bsundrs empfindlich ésch! Nàdirli wurd niemes de Corse nooch Italie schicke welle (odr ditlich dodemit assoziire), wil se vun Johrhunderte de Réputation hàn, unvrbessrlichi Separatischte ze sin. Fr de Elsassr ésch schun ellein de Wédrsprichlikeit vun de „Inner“frànzose ambetant, wii ‚Grandes Guerres‘ mét Millione Toote fiehre, fr uem se heimzehole, àwwr noochhar nie mét ne zfride sin, un sàje: ‚Ihr sin jà doch numme Boches‘. Àwwr sunsch bén-i sichr, àndri Regione sehn sich de namligi bleedi Witzle üssgesetzt...
De Sàch jetz het öi zeerscht emol gàr nix mét`m Elsass ze duen ghet. Los gànge ésch`s, schint`s, dodemit, ass dr Arnaud Montebourg vum PS de Angela Merkel én d´Nähe vum Bismarck gruckt het, éwwr ihri Roll (un die vum Ditschlànd) én dr Krise. (Ém Zsàmmehang het öi schun ebbr schint`s de Sarkozy mét`m Daladier vrgliche (Appeasement - München).) Schun 2010 het dr Directeur adjoint vum Figaro, Yves Thréard, uff sinem Blog, Merkel „de Bismarck en jupon“ genennt. Jetz fröje sich de Frànzose - denn Ditschehass ésch (wii àlli ethnischi Spaltereie) e schlimmi Sach, unpopülär un vun gescht, àwwr leidr ebs, wo mr immr wédr nit dràn vrbi kummt, un de àlti Ängschte un dr (relativ) nei Neid (gemischt mét e bissele Bewunderung ewwr de Erfolg un de Effizienz) unwillkürlich émmr wédr àn d´surface kumme - mét`me schlechte Gewisse, ob`s e „neii“ (Well vun) Germanophobie gibt. - Gràd do het öi ebbr Witzele éwwr de Delphine France (nenn ich se emol) gmàcht un de Robert Grossmann het`s glich mét àlti Sprichel assoziirt un e Zsàmmehang gsehn. (Ob öi àndri diss so sehn...?)
De Badische het entwedr de Kehrsit vun de Medaille gsehn - odr de Sàch komplett missvrstànde! De Grossmann het de Delphine Wespiser én Schutz gnumme - öi noch ditlichr àls én de DN! De Woch nooch siner Tribün én de DN ésch`r ém Radio France Bleu Alsace (de guedi Welle (ff/UKW) - uff Frànzeesch!) aanr vun de Intrviewte gsin zuem Thema: Trouvez vous que la germanophobie est de retour en France?
Fröj vun de Reportere: „En quoi vous, vous l´avez constaté...?
Grossmann: „...parce que... N.Sarkozy et A.Merkel s´entendent,... parce que Miss France est Alsacienne... voilà que se déchaînent les plaisanteries de mauvais gôut“: - „déchaînent“ - àlso ‚brache los‘. - Numme ein konkret Bispiil: ‚Omar et Fred‘ (zwei „Üsshilfs“-Comiques, wo mr sich sowiso fröjt, wer dodriwwr làche kànn, vun Canal+ ?) hàn schint`s gsàjt: l´Alsace n´est pas en France... !
Grossmann éwwr de Delphine un de Regionàlsprooch: „Cette adorable Delphine parle alsacien à la télé - française - et est fière de sa langue - comme nous le sommes tous...“ - So stolz heert mr de Grossmann àwwr nit immr éwwr sini Sprooch!
Bonne question! - De Reportere fröjt noch: „Ce qui vous agace surtout, c´est éffectivement que l´Alsace soit associée à ce sentiment germanophobe?“ - Dodruff sàjt`r nàdirli nit: La germanophobie à la rigeur je m´en fous - Ich wéll numme ass min liewes Alsace tricolore dodemit nix ze duen het...! - `R het àls e CUS-Präsident johrelàng de Beziihunge zue Kehl un de Ortenöi behindrt, wii fr Chirac un Schröder so e wichtigs Symbol gsin sin. `R het àwwr Kreide gfresse un doch nooch e pààr Johre noch Vrsuecht e pro-europäisch Co-Chef vun de Europahöiptstàdt ze sin - bsundrs, wo sin àltr Jugendfrind Sarkozy öi noch Präsident wore-n-ésch.
Àwwr im Robert Grossmann ésch àlls zuezetraue! `R ésch dr profiliirtescht (politisch) Ànti-Elsassr, Commünautarismus-Find un Ditschehassr vum Elsass - odr zemindescht vum Untrlànd. Ich kenn sunscht niemes wo so e Notorietät het. Mr muess-ne sich numme emol ànheere, wii`r àn de Radio (namligi Sendung) stolz dodevun redt, wii de ditsch Partner ém Eurodistrict (d´Ortenöir) „constatent que nous parlons tous français“ un se ohni Iwwrsetzr nit kommünizéere kenne! Mr siiht: ken Ditsch (Alemànnisch) kenne ésch e Bedingung fr e guedr Frànzos ze sin...--Stephele 15:34, 17. Dez. 2011 (MEZ)[Antwort gee]
Also nur, wel mer des Zitat sunscht im Internet nit findet, haißt des no lang nit, dass er des nit doch villicht chennt naime gsait haa. Nit jede, un scho gar nit jede Bolitiker, git druf Achtig, dass er kaini widersprichlige Uussage macht. Villicht cha jo mol eber bi däre Journalistin diräkt aafroge, villicht het si jo dr Grossmann sälber interviewt. Laider cha ich fascht kai Franzesisch, wäge däm verstand ich vu Eire Zitat sowiso nit vyl ... --Holder 16:03, 17. Dez. 2011 (MEZ)[Antwort gee]
Also no wär doch am beschte, im Artikel über d Delphine e guet rescherschierti Gägedarstellig zum BZ-Bericht (Eigni Forschig in däm Fall erlaubt) z verfasse. Zum Byspil imene Abschnitt "Kontroverse um ihre Gebruuch vum Elsässische" oder so. Un zum Schluss schicket er am beschte de Delphine no es Mail, un si übersetzt de Artikel in ihre Sundgauer Dialäkt. --Terfili 16:15, 17. Dez. 2011 (MEZ)[Antwort gee]
Pàrdon, ich geh do àls von mindeschtens Schwizr Vrhältnisse üss... Numme én d´Àrtikele vrsuech-i nàdirli e (untypisch`s) romanismeàrms Elsassisch ze schriwwe. Ich kànn jà noch e bissele íwwrsetze, àwwr jetz knurrt min Maawe! - `S Zentral schun emol - `r het gsàjt, „Diese „anbetungswürdige Delphine“ spricht Elsässisch àn de - frànzeesch - Télé un ésch stolz uff ihre Sprooch - wie mir alli!“ Dü hesch ( - diss mol ;-) ) absolut Raacht: de Grossmann kànn öi de àndri Sach gsàjt han - ich trau`s ihm zue un ich hàb ja gsàjt, m´r kànn`m öi àlls zuetraue! Ich hàb schun dràn gedenkt, bi dr Badische ebs ze màche - àwwr no nit dodràn, de Journalischte dräkt ze fröje. `S gibt àwwr uff de Netzsite vum Artikel bi dr BZ noch ken Kommentar(!). Villicht kennt mr dodemit anfange, dodruff hàw-i glich Luscht kriejt, wil de Àrtikel susch jà öi numme e Sammlung vun Elsass-Stereotype ésch un mr jetz wisse, ass de Delphine gàr nit (àlls zsàmme) so negativ uffgenomme wore-n-ésch. Ich hàb öi noch nix gfunde (nit emols) éwwr diss Zitat vun Omar et Fred und ob diss mét`m Elsass, wo nit wirklich zue Frànkrich gheert éwwrhaapt weje dr Sprooch gsin ésch!
Jetz kommt mr gràd in, mr sotte de Dischküssion do villicht bessr àm Artikel(disk.) "Delphine Wepiser" fiehre, denn`s ésch noch e Aktüalität un`s klicke sich villicht e pààr Elsassr do har! Zuem Terfili: dito! - Wer macht`s?? ;-)--Stephele 16:29, 17. Dez. 2011 (MEZ)[Antwort gee]
Hah! Nää. - De Àntwort muess sin: Ich geh nit ànne, nehm se àm Àrm un hugg se vor e Ordi! Nit emols wenn se èwwr de Feschdäj nit ze Bàriss ésch!!! Üssrdäm het se sichr gnue ze schàffe mét schminke, lächle un repräsentiire! Wenn ebbr weiss, wo mr se find, geh i heechschtens noch ànne un fröj se ob se dr Àrtkel liest fr es gelese Wikipedia-Uffnahm!!--Stephele 16:36, 17. Dez. 2011 (MEZ)[Antwort gee]
Wer màchts? - De Mireille màcht`s schun àlls! Mèrci! ;-) Wii ésch diss jetz - kopiire mr de Dischküssion nooch lokal uem?
Ebs àndrs: De Arnaud Montebourg het e bissele Probleme mét de Orientiirung én de Gschicht un de politisch Syschteme! `r het de Otto von Bismarck de „premier Chancelier de la Confédération Allemande genennt!!! :-))--Stephele 23:20, 17. Dez. 2011 (MEZ)[Antwort gee]

Artikäl Intärnet[Quälltäxt bearbeite]

Ech han versuecht dä Artikäl Intärnet entsprechende em hötige Wössensstand azpassä. Aber das esch glaubs ohni diä entsprechändi Berächtigong, ned möglech. Ech wördi gern diä jetz falschä Passage änderä. Ech hoffä das esch ok? Lg --NikKi 21:48, 19. Dez. 2011 (MEZ)[Antwort gee]

Hoi Niklaus, do bruchsch kai Berächtigung. In dr Wikipedia chasch am jedem Artikel ebis ändere, wänn s falsch isch, au do in dr Alemannische Wiki. Aber s isch naytrli au ne Zaiche vu Hefligkait, wämer vorhär aafrogt :-). P.S.: Was isch jetz aigetli uusechuu bi eirem Dräffe? LG, --Holder 22:27, 19. Dez. 2011 (MEZ)[Antwort gee]
Sowiit schiints jetz för alli so mol en guetä Afang zsii. Jo stimmt, han jetz dä Quelltext au im Editor. D' Änderig vom aktuellä Bitrag mach i denn aber ersch binäre nächschte Glägehäit. --NikKi 22:50, 19. Dez. 2011 (MEZ)[Antwort gee]

Zedler-Preis 2011[Quälltäxt bearbeite]

Dr Achim Raschka het di Alemannisch Wikipedia vorgschlaa fir dr Zedler-Preis 2011. --Holder 14:30, 20. Dez. 2011 (MEZ)[Antwort gee]

E netti Geschte! Ich find's interessant, wie sich d Yystellig gwandlet het gägenüber de Dialekt-Wikipedie un de Alemannische speziell. Änder ewäg vo folkloristischer Unsinn, Sinnlosenzyklopädie "Alemannisch" usw. Au wenn d alemannisch Wikipedia warschynts ke Chance het, hoffi, dass uff de. drüber diskutiert wird, wyl die Debate wäri interessant. --Terfili 15:21, 20. Dez. 2011 (MEZ)[Antwort gee]

Blick iber dr Dällerrand[Quälltäxt bearbeite]

Emol ebis us China: Regierung schränkt Nutzung von Kantonesisch in Medien ein uf em Blog german.china.org.cn. --Holder 13:01, 21. Dez. 2011 (MEZ)[Antwort gee]

Han käi ahnig gha, dass mer sech döt chum de Problämatik bewusst esch, dass mer a derä Modernsiärig emmer wedär uf verschidäni politischi-, finanzielli oder energispezifischi Forwärtsbewegigä muess reagiäre. Super!!! Macht jetz grad weder me Spass. --NikKi 14:52, 21. Dez. 2011 (MEZ)[Antwort gee]

Ech han grad no än Ahmerkig zom Verständnis vo'r Wikipedia. D' Quell för nä Bearbätig vomenä System, esch en Demo ond ech find dass mer do ned vomenä Management oder inerä anderä Strucktur chan Wissä vermettlä. Minerä meinig trifft en Definition wie d' Wiki esch en Baustell no endär zue als Conten Management System. De Bligg het gsiet mer het än odär ned. Wie wers met de bezeichnig sourceforge? Also Quellmodi für diä Matrix? Odär? Lg --NikKi 15:14, 21. Dez. 2011 (MEZ)[Antwort gee]

Sali mitenander,

Eich allne e scheni Wynächte un e Guets Neis. --Holder 11:35, 24. Dez. 2011 (MEZ)[Antwort gee]


Da ist eine G'schichte, die jeder kennt:
Einst stand ein Stall im Orient,
mit einem Esel, einem Ochsen und - o hört -
mit einem stolzen Araber-Pförd! (reimt sich sonst net)
Das Pferd war eitel und unbescheiden,
mochte Ochs und Esel gar net leiden,
und als am vierundzwanzigsten sogar
im Stall ein schreiendes Baby war,
da fand der Hengst: "Ach, welch ein Graus!"
und stürmte schnaubend zur Tür hinaus.
Seither wird z'Weihnachten gesungen
das Lied: "Es ist ein Ross entsprungen!"

Gfunde bim Bnutzer Reimmichl-212 i de tütsche WP :D 

I dem Sii, alne e FRÖÖLICHI Wienachte und e standhafte Rutsch is Noi! --al-Qamar 12:57, 24. Dez. 2011 (MEZ)[Antwort gee]

Àlles güeta!
Merci, gliichfàlls:
Scheena Wiahnachta un àlles güeta fer 2012! --MireilleLibmann 16:54, 24. Dez. 2011 (MEZ)[Antwort gee]
Deane Wensch schliaß i mi gern ôô: Scheene Weihnachda älle mitnand! --Henri Berger 11:29, 25. Dez. 2011 (MEZ)[Antwort gee]

Bi üsere, nooträglich vom Hessekorrespondent Holder as Apfänzträffe definierte, Bisprechig z Brugg isch d Idee uufchoo, as mer e Siite wönd, wo "Vorzaigeartikel" uufgfüert wered, gornnet noch Tielekt. Asigi Aasätz sind zwoor scho doo, aber nie wörkli konsequent döregfüert wore. I bi grad em Uusschaffe vomene Konzept und möcht im Vorfeld vo dem Miniprojektli en öffetlichi Autoorenumfroog dörefüere. S Hoptintressi vo dere Umfroog isch, wer i welem Tielekt schribt. Bi dere Glegehait denki, isches nöd schlecht, wenn mer no ander Agoobe macht, wie Alter, oder Gschlecht etc. Da isch aber zwaitrangig und fakultativ. Niemert mue aso Agoobe öber sich mache, won er/si nöd möcht is Internet stele. Iglade sind all, wo mindestens ann Artikel i de alemannische Wikipedia gschribe hend, aso au früenrigi Autoore. --al-Qamar 14:25, 29. Dez. 2011 (MEZ)[Antwort gee]

Artikelaktualisierig[Quälltäxt bearbeite]

Es git jetz e Kategorie:Läbigi Person mit rund 400 Yyträg. Des sött s Aktualisierigs-Projäkt erlyychtere. --Terfili 18:55, 29. Dez. 2011 (MEZ)[Antwort gee]

Ech hans uf mini Beobachtiglischtä to. Luegä, dass ech äinisch i dä Woche s' chan nochäluegä ond aktualisierä! --NikKi 18:43, 2. Jan. 2012 (MEZ)[Antwort gee]