Walenstadt
| Walenstadt | |
|---|---|
 |
|
| Basisdate | |
| Staat: | Schwiiz |
| Kanton: | St. Galle (SG) |
| Wahlkreis: | Sarganserland |
| BFS-Nr.: | 3298 |
| Poschtleitzahl: | 8880 Walenstadt 8881 Walenstadtberg 8881 Tscherlach 8892 Berschis |
| Koordinate: | 742513 / 22011347.116669.316669425Koordinate: 47° 7′ 0″ N, 9° 19′ 0″ O; CH1903: 742513 / 220113 |
| Höchi: | 425 m ü. M. |
| Flächi: | 45.81 km² |
| Iiwohner: | 5428 (31. Dezämber 2011)[1] |
| Website: | www.walenstadt.ch |
 S Rodhuus vo Walestadt |
|
| Karte | |
 |
|
Walestadt (IPA: ˈʋaˑ.lə.ʃtat) isch ä Gmeind im Kanton Sangalle. Ds Dorf befindet sich im Waalchreis Sarganserland. Bis zum Joor 1952 hät mä Walestadt so gschribe: "Wallenstadt". Walestadt liit am Oschtuufer vum Walesee.
Inhaltsverzeichnis |
Ortsgmeindene[ändere]
- Bärschis
- Tscherle
- Walestadt
- Walestadtbärg
Im Walestadtbärg stoht s ehemolige Sanatorium und hütige Reha-Zentrum Walestadtbärg. E chli witer obe, am Fuess vo de Kurfirste, hät de Karl Bickel zwüschet 1924 und 1949 s Paxmol, e monumentals Dänkmol för de Fride baut.
Bevölkerig[ändere]
| Johr | 1850 | 1900 | 1950 | 1980 | 2000 | 2010 |
| Iiwohner | 1'868 | 2'994 | 3'349 | 3'605 | 4'532 | 5'285 |
Tourismus[ändere]
Dank em Standort, nämli i de Ferie-Region Heidiland, chömed im Summer vili Lüt da hie go bada. Ussrdem hät im Joor 2005 d Wälturufüerig vom Heidimusical stattgfunde. Dozmol hät dä Tourismus- und Gwerbverein über 50 Geisli und über 50 Fähnli im Dorf und ufm Wäg zum See ufgstellt gha. Die Geisse sind vo dä Lüt/Gwerbler bemolt wore, d Fähnli vo Schuelklassene. S Johr druf isch uf de Walesee-Bühni nomol e Saison lang s "Heidi - Das Musical" gspillt worde. Im 2007 und 2008 häts dänn uf de Seebühni s "Heidi - Das Musical, Teil 2" geh und zwai Joh spööter im Summer 2010 "Die Schwarzen Brüder - Das Musical". I de Saison 2012 werd am Ufer vom Walesee "Tell - Das Musical" uf d Bühni cho.[2]
Persönlichkaite[ändere]
- Josef Ackermann (* 1948), Bankmanager, z Walestadt uf d Wält cho
- Karl Bickel (1886–1982), Künstler, Grafiker, Markestächer, Erbauer vom PAXMAL
- Heidi Hanselmann (* 1961), Regierigsröti im Kanton Sangalle
- Heinrich Johann Müller (1901–1972), Wypuur mit umfassende lokalhistorische Känntniss
- Peter Steiner (1917–2007), «Cool Man» (Werbeschauspiller), hät sin Läbesobig z Walestadt verbroocht
Weblink[ändere]
Allmänd (Commons): Walestadt – Sammlig vo witere Multimediadateie- Offizielli Website vo de Gmaind Walestadt
- Ortsgmaind Walestadt
- Artikel Walenstadt im Historische Lexikon vo dr Schwiiz
- Artikel Tscherlach im Historische Lexikon vo dr Schwiiz
- Artikel Berschis im Historische Lexikon vo dr Schwiiz
- Infoportal för Berschis
Fuessnoote[ändere]
- ↑ www.pxweb.bfs.admin.ch
- ↑ Walesee-Bühni abgruefe am 4. Mai 2012
