Württembergische Blätter für Kirchenmusik

Us der alemannische Wikipedia, der freie Dialäkt-Enzyklopedy

Bei de Württembergische Blätter für Kirchenmusik, uff Schwäbisch Wirdabergische Bledder fir d Kirchamusik, handlet sich’s om a Zeitschrift, wo vom Verband evangelische Kirchenmusik in Württemberg, Verband der Chöre, Kirchenmusikerinnen und Kirchenmusiker e. V. rausgäa wuud. En jedem Jôhr erscheinet sechs Heftla mit rond 40 Seida. Dui Zeitschrift hôt a Ufflag vo 2.800 Exemplar (Stand 2013). Fir dia Leid, wo em Vrband Mitgliid send, wuud dr Bezugspreis mit-em Mitgliidsbeitrag abgolda. Wer et Mitgliid ischt, muaß fir a oinzls Heftle (Stand 2013) 3,50 Euro zahla.

Inhalt[ändere | Quälltäxt bearbeite]

En dera Zeitschrift werdet vo namhafte Autora grondsätzliche Thema vo dr Kirchamusik behandlet ond diskudiirt. Au fir Erenneronga an Persona, wo mit dr Kirchamusik vrbonda send, zom Beischbiil Kombonischda, Interpreda, Instrumendabauer, wuud genigend Platz eigreimt. Drneaba hôt’s folgende reglmäßige Rubriga:

  • Nôchruaf (bei Bedarf)
  • Jubileea vo Cheer ond oinzlne Mitgliader
  • Seminar, Kurs ond Freizeida, wo vom Vrband ôôbodda wend
  • Beschbrechonga vo nuie Noda, Biacher ond Tonträger

Seit 1996 hôt dui Zeitschrift au an Ôzeiga-Doil, wo vom Carus-Verlag en Leifelda-Echdrdenga betreit wuud. Do gôht’s zom Beischbiil om d Ausschreibong vo Stella, Konzertangebot ond neie Biacher ond CDs, wo mit dr Kirchamusik en Vrbendong brôcht wend.

Quella[ändere | Quälltäxt bearbeite]

  • D Feschtschrift vo selle Bledder zom 125-jähriga Jubileom vom Vrband, Ausgab 2/2002, ISSN 0177-6487
  • S Heftle Nr. 5 vom 80. Jôhrgang 2013, ISSN 0177-6487

Weblink[ändere | Quälltäxt bearbeite]