Volker Finke

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Volker Finke
Volker Finke.JPG
Spiilerinformatione
Geburtstag 24. März 1948
Uf d Wält cho z Nienburg/WeserDütschland
Verein als Aktive1
Johr Verein Spiil (Gool)
TSV Havelse
Hannoverscher SC 1893
TSV Stelingen
TSV Berenbostel
Statione as Trainer
1974–1986
1986–1990
1990–1991
1991–2007
2009–
TSV Stelingen
TSV Havelse
1. SC Norderstedt
SC Friburg
Urawa Red Diamonds

1 Aage si nume Liga-Spiil.

Dialäkt: Markgräflerisch (Ebringe)

Dr Volker Finke (* 24. März 1948 in Nienburg/Weser) isch e dytsche Fuessballtrainer un ehemolige Kicker. Bis 1990 isch dr Finke Studierot am Nienburger Gymnasium Albert-Schweitzer-Schule fer Sport un Sozialkunde gsi. Vu 1991 bis 2007 isch er dr Trainer vum 2. Bundesligist SC Friburg gsi - die bisher längscht Zit, wo ebber Trainer vum gliche Verein im bezahlte dytsche Fuessball gsi isch.

Karriere as Spiler[ändere | Quälltäxt bearbeite]

Si ersti Station as Spiler isch bis anno 1969 dr TSV Havelse gsi. Denooch isch er zum Hannoversche SC gwexlet, wo er bis anno 1975 blibe isch.

Karriere as Trainer[ändere | Quälltäxt bearbeite]

Afäng[ändere | Quälltäxt bearbeite]

Anno 1975 isch dr Finke zum TSV Stelinge gwexlet un het si Laufbahn als Spilertrainer agfange. Er het dr Verei zue fimf Ufstige gefüehrt, denooch isch as Trainer wiider zrugg zum TSV Havelse gange, wo er dr Ufstiig in die 2. Fuessball-Bundesliga gschafft het demit un isch dert bis anno 1990 bliibe. In dr Saison 1990/91 het er no dr SC Norderstedt trainiert.

SC Friburg[ändere | Quälltäxt bearbeite]

Am 1. Juli 1991 isch no dr Volker Finke zum SC Friburg gwexlet. Dert het er anno 1993, 1998 un 2003 dr Ufstig vu dr 2. Bundesliga in die 1. Bundesliga sowie d'Qualifikation fir dr UEFA-Cup anno 1995 un 2001 erreicht. Mit 16 Johre, wo er ununderbroche dr selb Verei trainiert het, isch er alleiniger Rekordhalter im dytsche Profifuessball. Usserdem isch er dr einzig Trainer im dytsche Profifuessball, wo mit eim Verei dreimol uf- un wiider abgstiige un trotzdem nit entlasse worre isch.

Traditionell sin d'Verträg vum Volker Finke mit em Sportclub immer nur fir ei Saison un per Handschlag verlängeret worre. Dr Volker Finke het massgäblich zum Usbau vu dr Infrastruktur vum SC Friburg un dem sinere Professionalisierig sowie zum Ufbau vu dr Friburger Fuessballschuel bitrage. Er het lieber in e solidi Infrastruktur investiert wie in dyri Spiler, was ihm vor allem in schlecht gloffene Spilzitte vu viile SC-Fans akridet worre isch.

Er haldet si Privatläbe us em Rampeliecht vu dr Öffetlichkeit fern un git relativ selte Interviews.

Nooch dr Uflösig vum Vertrag zum End vu dr Spielzitt 2007, wo im Dezember 2006 nooch ere miserable Vorrundi verkündet worre isch, isch viil Urueh in dr Verein kumme un d'Vereinsfüehrig het debi kei gueti Figur gmacht.

Urawa Red Diamonds[ändere | Quälltäxt bearbeite]

Am 6. Dezember 2008 isch bechannt worre, dass dr Volker Finke Trainer bi dr Urawa Red Diamonds in dr japanische Fuesballliga wird un e Vertrag iber zwei Johr underschribe het. D'Saison fangt im März 2009 a.

Fernsehkommentator[ändere | Quälltäxt bearbeite]

Bi dr Fuessballeuropameischterschaft 2008 isch dr Volker Finke bi einige Spil Ko-Kommentator fier s'Schwizer Fernsähe gsi.

Film[ändere | Quälltäxt bearbeite]

  • 1994 Volker Finke, Fußballtrainer in Freiburg, Nikofilm, Regie: Matthias Keilich
Dä Artikel basiert uff ere fräie Übersetzig vum Artikel „Volker_Finke“ vu de dütsche Wikipedia.

E Liste vu de Autore un Versione isch do z finde.