Volci

Volci oder Vulci (etr. Velχ) isch en etruskischi Stadt gsii. D Öberrest liget am Fluss Fiora rund 12 km vo de Chüste ewegg i de hüttige Gmaind Montalto di Castro.

Gschicht

De Ort isch scho i de Jungstaizitt bisidlet gsii. Im 9.Jh.v.Chr. isch Volci zonere Stadt aagwachse und het im 6.Jh. zo de riichste etruskische Städt ghört. D Stadt, wo zu de etruskische Zwölfstädt ghört het, het Gschier und Bronzeobjekt bis uf Griecheland und zu de Kelte exportiert.

Ane 280 v.Chr. hend d Römer Volci underworfe. Drufabe hets sini Bidüttig verloore. Im 4.Jh.n.Chr. isch de Ort uufgee wore.

Fund

Nebet de Stadtmuure, enere Brugg und Baute isch vor alem wertvolls Gschierr uusgrabe wore. Di prächtigste Grabbaute vo de Nekropole vo Volci sind d Cuccumella und d Tomba François.

Link

• Fundobjekt us Volci (uf italienisch)