Vogeluur

Us der alemannische Wikipedia, der freie Dialäkt-Enzyklopedy

Vogeluur isch d Bizaichnig för d Zitt, wenn di verschidnige Vögel im Morge afönd singe. Do sich vili Vögel a de Dämmerig und am Liecht orientered, werd die Zitt relativ zom Suneuufgang aggee. Je noch Regioo und Avifauna änderet sich d Vogeluur.

Schwiizer Vogeluur[ändere | Quälltäxt bearbeite]

Zitt Vogel Gsang
-90 Min. Huusröötel  lose/?
-75 Min. Trostle  lose/?
-60 Min. Amsle  lose/?
-50 Min. Rotbrüstli  lose/?
-40 Min. Hagschlupferli   lose/?
-30 Min. Buechfink  lose/?
-10 Min. Zilpzalp  lose/?
- 5 Min. Spiegelmaisli  lose/?
 Suneuufgang     
+ 5 Min. Müllerli  lose/?
+15 Min. Tisteli  
+30 Min. Grüelig  lose/?

Susstigs[ändere | Quälltäxt bearbeite]

E bikannts Thema us de Literatur isch d Episode us de Tragödie Romeo und Julia vom Shakespeare, wo d Julia im Romeo der verhängnisvolli Satz sait: »S isch d Nachtigale und nöd d Lerche, wo grad i dis Oor chlingt!« Die faltschi Iischätzig het zom Tod vom Romeo gfüert. Vo de Nachtigale singed Mandli wo kai Wiibli hend zu jedere Tageszitt, aso au znacht.

Literatur[ändere | Quälltäxt bearbeite]

  • Christian Marti: Vogelstimmen; us de Raie Themen aus der Vogelwelt, Heft 70 (2013); Schwizerischi Vogelwarte Sempach.