Vogelgrün

Vogelgrien

Vogelgrien Vogelgrun
Wappe	Kart
Dialekt: Alemannisch
Hauptvariante	Elsässisch
Basisdate
Stààt	Frànkrich
Region	Elsass
Département	Owerelsass
Arrondissement	Colmer
Kanton	Nej-Brisach
Kommünàlverbànd	CdC Pays de Brisach
Geographischi Lag:	48° 00′ 48″ N 7° 34′ 19″ O
Heh	192 m (189 m–195 m)
Inwohner	599 (1. Jänner 2007) [1]
Flech	5,03 km²
Boschtleitzàhl	68600
INSEE-Code	68351
Internetuftritt:	www.vogelgrun.fr
Maire (Bürgemeischter): lfd. Amtszitt	Charles Thomas 2008-2014

Vogelgrien (IPA: [ˈfoːg̊əlg̊riə̯n]; amtlich Vogelgrun, dt. Vogelgrün) isch e französische Gmeind im Département Haut-Rhin (Owerelsass). S'klei Dorf ghört wie fascht alli Gmeinde im Kanton Nej-Brisach in dr CdC Pays de Brisach a.

Geographi

Vogelgrien lit südweschtlich von dr Brucke iwer Rhin un Rhinsidekanal (Grand Canal d'Alsace) an dr Grenz zue Ditschland gegeniwer von Alt-Brisach.

Gschicht

Dr Name kommt von "Vogelgrien" un meint nit e griene Vogel, sundern dr Wortteil grien wiist uf e Sandbank im Rhin hin, wo wohrschins von Vögel als Raschtplatz gnutzt worde isch.

S'Dorf isch ufgrund von siner vor dr Rhinbegradigung gfährdete Lag im ehemolige Mäander vom Rhin dütlich jünger wie di Nochbergmeinde un isch lang e Deil von Biese gsin. 1568 het es no Brisach erworbe un 1756 an dr Graf Waldner von Freundstein verkäuft. Säller het es no 1770 an Frankrich abtrete. Am 1. Dezember 1805 isch dr Ort zue ener Gmeind erhobe worde, am 11. November 1807 isch no d'Gmeindschuel igwihe worde.

Bevölkerung

D'Bevölkerung, wo in dr 1960er Johre um 150 Lit gschwankt isch, isch no bis 1975 uf guet 400 gwachse und het uf sällem Niveau bis gege 1990 stagniert. Bis zum Ende von dr 1990er Johre isch d'Inwohnerzahl no uf iwer 500 Lit agstige.

Wirtschaft un Infrastruktur

Am Nordend von dr Gemarkung verläuft dr Rhiniwergang uf Ditschland. Dort lejt äu d'Stäustuf, wo s'Nordend vom Rhinsidekanal markiert. D'Stäustuf mit Schleus un Wasserkraftwerk (Läufkraftwerk) verschaffe dr Gmeind gueti Stiirinnahme.

S' 1956-59 errichtet Wasserkraftwerk, wo an dr 4. Stäustufe vum Rhinsidekanal lejt, produziert 745 Mio. kWh pro Jahr. Dr Kanal, wo d'Masse vum Rhinwasser het (dr Rhin sälwer isch praktisch nümm e Iwerläufrinn) wird debi uf 14 km gstäut.

Denewe git's z'Vogelgrien äu noch Landwirtschaft mit grosse Gärtnereie, Viihzucht un Fruuchtabau.

Kultur und Sähenswürdigkeite

• Hauptattraktion sin d'Stäustuf mit dr Schleus bi dr Brucke iwer Rhin und Kanal.
• D'Dorfkirch isch 1975 an dr Stell von dr alde errichtet worde.

Bevelkerungsentwicklung

Johr	1910	1962	1968	1975	1982	1990	1999	2006
Inwohner	167	144	155	397	420	415	519	589

• 

  Rescht vu dr alti Kirich St. Alfons

• 

  Mairie

wittere Site un Quelle

• Uftritt von dr Gmeind Vogelgrien (französisch)