Viererbund

Us der alemannische Wikipedia, der freie Dialäkt-Enzyklopedy
Elzacher Schuttig

Dr Viererbund (au Narrearistokrate oder Rebellezimft) isch e Zämmeschluss vu dr Narrezimft vu Rautweil, Oberndorf, Elzach un Iberlinge.

Gschicht un Struktur[ändere | Quälltäxt bearbeite]

Im Lauf vu dr 1950er Johr isch s in dr 1924 grindete Vereinigung vu Schwebisch-Alemannische Narrezimft zue Ussenandersetzige chuu um d Wohrig vu dr Draditione in dr schwebisch-alemannische Fasnet. Wyteri Strytpinkt sin dui jehrlige Narredräffe gsi un e Diskussion iber dr Zämmeschluss mit rheinländische Karnevalsverbänd. Anne 1953 sin wäge däm di draditionsbewusste Narrezimft vu Elzach, Rautweil un Iberlinge us dr Vereinigung uusdrätte, 1955 au d Historisch Narrozumft Villinge 1584 e. V. un am 12. Jänner 1958 d Narrezumft vu Oberndorf. D Narrezimft vu Elzach, Rautweil, Iberlinge un Oberndorf hän sich derno 1963 zum Viererbund zämmegschlosse. Dr Viererbund isch nume per Handschlag bsiglet wore. S git kei Verband un kei schriftli feschtgleiti Satzig.

D Zimft vu Rautweil, Elzach un Iberlinge hän scho Ändi vu dr 1930er Johr bschlosse, ass si us dr Vereinigung uusdrätte, dur dr Zweet Wältchrieg isch aber d Umsetzig verschobe wore.

Narredag[ändere | Quälltäxt bearbeite]

Di vier Zimft dräffe sich all drej bis vier Johr zuen eme große Narredag. Di erschte Dräffe het s scho gee vor dr eigetlige Grindig vum Viererbund. Uußer an dr Narredäg mache di vier Zimft bi keim andre Umzug oder bi suschtige Veraastaltige vu andre Narrezimft mit. Dr Uusdruck „Narredag“ isch bewusst gwehlt wore, go sich vu dr Narredräffe vu andere Narrezimft abgränze.

Narredäg fange aa am e Samschtig am 11:00 Uhr mit em draditionälle Narrebaumsetze dur d Narrezumft Iberlinge. Am Samschtigzobe chunnt dr Fackellauf vu dr Elzacher Schuttig, wu au di andre drej Zimft derby mitmache. Dr eigetli Narresprung findet, wie bi andere Narredräffe am e Sunntignomittag statt. Är wird vu dr Zumft aagfiert, wu dr negscht Narredag uusrichtet, s Änd bildet d Zumft, wu Gaschtgeber isch.

Bishärigi Narredäg[ändere | Quälltäxt bearbeite]

  • 1958 Iberlinge
  • 1959 Elzach
  • 1960 Rautweil
  • 1963 Iberlinge
  • 1966 Oberndorf
  • 1969 Elzach
  • 1973 Rautweil
  • 1977 Iberlinge
  • 1980 Oberndorf
  • 1984 Elzach
  • 1987 Rautweil
  • 1992 Iberlinge
  • 1995 Oberndorf
  • 1999 Elzach
  • 2003 Rautweil
  • 2006 Iberlinge
  • 2010 Oberndorf
  • 2013 Elzach

Literatur[ändere | Quälltäxt bearbeite]

  • Hansjörg Deck: Der Viererbund. Fasnet in Rottweil, Oberndorf, Elzach und Überlingen. Silberburg-Verlag, 2002, ISBN 978-3874075275
Dä Artikel basiert uff ere fräie Übersetzig vum Artikel „Viererbund“ vu de dütsche Wikipedia. E Liste vu de Autore un Versione isch do z finde.