Verwesung (Roman)
Verwesung (dr änglisch Originaltitel: The Calling of the Grave) isch en Thriller vom britischä Schriftsteller und Autor Simon Beckett. D‘Originalausgab isch 2010 beim Bantam Verlag in London erschine. Diä dütschi Usgab isch erstmals 2011 im Wunderlich-Verlag, Reinbek 2011 erschine.[1]
Churzi Inhaltsagab[ändere | Quälltäxt bearbeite]
S‘Buäch fahd ah mit dä Ereigniss wo vor acht Jahr i Dartmoor passiert sind. David Hunter, ä forensischer Anthropologe, wird nach Dartmoor geruäfä, wil döt en wiiblichi Leiche, im Moor vergrabä, gefundä wird. Schnäll stellt sich uisä, dass diä Leiche eini vo drii jungä Frauä isch, wo vom Jerome Monk, änämä Vergewaltiger und Mörder, ermordet worde sind. Bi dr Leiche handelt es sich um d‘vermisst Tina Williams. Wo dr Ussäsiiter Jerome Monk bi mänä Uberfall auf es viertes Mäidli gefasst wird, gestaht er dä Mord a dä jungä Frauä, doch er hed niä dä Uifenthaltsort vo de Leiche priisgä. Jetz wo ei Leiche gfundeworde isch, vermutet d‘Polizii i dr unmittelbare Nöchi vo de erste Leiche au die zwei andere Leiche z‘finde. Mit Hilf vo dr Profilerin Sophie versuecht dr David und sin Fründ Detektive Terry Connors au die andere beide Mäidli, die Bennett-Zwillinge, z‘finde. Monk bietet sich a, bi dr Suechi z‘hälfe, wil er sich agäblich nümmä cha erinnere wo die Leiche sind, insgeheim jedoch die Gelegeheit zu enem Fluchtversuech usnutzt. Dr Fluchtversuech schiitert aber. Monk landet wieder hinter Gitter und dr Fall wird zu de Akte gleid. Die Leiche werded nie gefunde. Iigflochte i de erst Teil isch am David sis frühere Familielebe zu dem Ziitpunkt, wo er sini Ehefrau Kara und sini Tochter Alice dur en tragische Autounfall verliert. Us Iifersucht hed er vor acht Jahre en Usred erfunde, um sini Tochter nid abhole z‘müsse. A sinere Stell hed sini Frau Kara d’Alice abghold und isch uf em Heimweg in en todbringende Unfall verstrickt worde. Sitdem plagt sich Hunter mit dr Frag umä:“ Was wär gsii, wenn ich statt d‘Kara d‘Alice abgeholt hätt? Wär de Unfall denn au passiert?“ Gegenstand siner Iifersucht isch damals dr Terry Connors gsi. Dr Maa trinkt, spielt sich als Fraueheld uf und isch bis zu dem schicksalhafte Tag vor acht Jahre, mit Hunters Familie befründet gsi. Usgrechnet Connors hed sich zu enem alkoholisierten Mobbing zur Kara higrisse gfühlt, während dr Hunter mit em Entsetzen vo de Massegräber i Bosnie z’kämpfe gha hed. Bi dr Rückkehr vom Hunterr isch d‘Kara uf Grund vo Terrys unghoblete Verhalte verstört, was ihre Maa umtriibt, bis es zum verhängnisvolle Unfall chund.
Dr zweit Teil setzt acht Jahr spöter i, wo es Monk glingt, us em Hochsicherheitsgfängnis uiszbreche. Hunter erfahrt vom Terry Connors, dass dr Monk sich möglicherwiis a jedem wo a de Ermittlinge vor acht Jahre beteiligt gsi isch räche will. Churz nach dere Information macht sich dr Hunter nach enem Aruef vo dr Sophie, der Profilerin, uf en Weg nach Dartmoor um sich mit ihr z‘treffe, da sie eppis dringendes mit ihm bespreche will. Die psychologisch Beraterin Sophie isch inzwische nach Dartmoor zoge, wo sie sich als Töpferin en Existenz ufbaut hed. Dr Hunter und d‘Sophie wend sich i dr chliine Kneipe in Dartmoor treffe, doch d‘Sophie taucht zu dr verabredete Ziit nid uf. Dr Hunter fahrd zu ihre Hei und findet sie i ihrem Huis bewusstlos vor. Bi ihre isch ibroche und sie isch niedergeschlage worde. Die Vermuetig lied noch, dass dr Monk dr Täter gsi isch. Als d‘Sophie wieder einigermasse fit isch uberredet sie dr David mit ihre i de Sümpf no einisch nach de Gräber vo de andere Mäidli z‘sueche. Dadebi treffed sie ufe Monk und chönnd ihm gerad nu entcho. Als sini ehemalige Kollege, d‘Sophie und dr Terry, bitten, de Fall wieder ufzneh, gad dr Hunter wiederwillig auf die Bitt ii.
Kritik[ändere | Quälltäxt bearbeite]
De Roman isch spannend gschribe. De Simon Beckett cha eim mid siine Büecher fessle und es wird schwirig das Buech wider us dr Hand zlegge. Anders als bi de Vorgänger wird dasmal nid so detailiert d'verfuiligsprozess vo der Liichene beschribe. Trotzdem jagd eim de Thriller nu schuurigi angst ii. Mier hed das Buäch sehr gfalle und ich würds a jedem Krimiliebhaber wiiterempfäle. Nur ei negativpunkt hed das Buech, nämlich das mä füfizg siite vor schluss nu vor em Protagonist usegfindet wer dr eigentlich Täter isch. Trotzem es glungnigs Buech und dr offnig schluss lad uf ne fortsetzig hoffe.
Dr Autor[ändere | Quälltäxt bearbeite]
De Simon Beckett isch 1968 in Sheffield, England gebore.[2] Er isch en britische Journalist und Autor. Er hed mehreri erfolgriichi Kriminalroman verfasst und isch inzwische sehr berüemt. Nachem Englischstudium hed de Simon Beckett als Immobilienhändler, Huismeister, Englisch- und Spanischlehrer und Schlagzüüger gschaffet. Spöter hed er sich am schriibe gwidmet. Als Journalist hed er für The Times und anderi Ziitschrifte gschribe. Bi recherchä hed är d poliziiarbet vo inne kenne glehrt, was sehr wichtig für sini Roman gsi isch. De Simon Beckett hed mehreri Awards für sini Büecher becho, zum bispiel für Animals de "Raymond Chandler Society’s Marlowe Award". Simon Beckett isch verhüratet und läbt mid sinere Frau Hilary i Sheffield.
Uisgabe[ändere | Quälltäxt bearbeite]
- Originaluisgab: "The Calling of the Grave" Bantam, London 2010; ISBN 9780593063460.
- Düütschi Uisgab: "Verwesung", düütsch vom Andree Hesse, Wunderlich Verlag 2011; ISBN 9783805208673.
- Hörbuch: "Verwesung", erschiene im Argon Verlag, Berlin 2011, Lesig vom Johannes Steck uf 6 CDs (430 Minute); ISBN 9783839810873.
Andiri Büecher vo dr Reihe[ändere | Quälltäxt bearbeite]
- The Chemistry of Death, 2006 (dt. Die Chemie des Todes, 2006)
- Written in Bone, 2007 (dt. Kalte Asche, 2007)
- Whispers of the Dead, 2009 (dt. Leichenblässe, 2009)