Vereinigte Bundesversammlung
Us der alemannische Wikipedia, der freie Dialäkt-Enzyklopedy
D Bundesversammlig isch s Parlamänt vo de Schwiiz. Si beschtat us zwo Chammere, em Ständerat und em Nationalrat. Zäme sind si d Legislative. Si träffed sich viermal im jaar im Bundeshuus z Bärn.
Im Nationalrat isch d Bevölkerig verträtte, jede Kanton häd aber mindischtens ein Sitz. Im Ständerat hät jede Stand (Kanton) zwo Sitz, d Halbkantön händ ein Sitz.
Di Vereinigti Bundesversammlig isch, wänn d Ständeräät bim Nationalrat hine insitzed. Das isch, wänns Bundesrät, Bundesrichter, de Bundespresidänt, de Bundeskanzler oder en General wääle tüend und wäm mer über d Mobilmachig vo de Armee redt.
Di Vereinigt Bundesversammlig wird vom Presidänt vom Nationalraat gleitet. Drum wird er mänggisch als de höchschti Schwiizer agluegt. Nach em offizielle Protokoll het er dr achti Rang nach em Bundespresidänt und de sächs andere Bundesröt oder dr nüünt in Chriegsziite nach em General.
 Wenn dr meh züe dem Thema weisch, no schrib s dezüe und entfern nochher d Markierig {{Stumpen|2}}.Wenn de no nie e Stumpe erwitert häsch, no findsch do Hilf dezüe. |
