Ushas

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D Ushas (Sanskrit: उषस् Uṣas f.) isch im Vedismus d Göttin vom Morgeroot.

D Ushas werd as e bildhöbschi jungi Frau bischribe, wo nie alteret. Si achtet ali Mensche, egaal wele Rang si hend und wie si uusgsiend. Im Rigveda sind ere rund 20 Hymne gwidmet, womit si die Göttin isch, wo am maiste vereert woren isch. Si faart jede Morge imene lüüchtige Wage uus, wo vo Stuete oder Chüe zoge werd, und vertribt Tünkli. Si isch d Tochter vom Himmelsgott Dyaus und d Schwöster vo de Nachtgöttin Nakta. De Sunegott Surya isch ere sin Gliebte oder Maa. Im spöötere Hinduismus spillt si kai Role mee.

»Ushas, wenn du hüt mit dinene Straale
wiit di beede Törflögel vom Himel uuftuesch
denn gwäär üüs din wolflose Scherme,
und mit Chüe Labsaal, o Göttin!« Rigveda I,48,15

D Ushas isch en Erb us de vorhistorische indoeuropäische Religioo und isch verwand mit de griechische Eos und de römische Aurora, wo ebefalls Göttine vom Morgeroot sind.

Büecher[ändere | Quälltäxt bearbeite]

  • Hans Wilhelm Haussig (Hg.): Götter und Mythen des Indischen Subkontinents. Stuttgart: Klett-Cotta (1984). ISBN 3-12-909850-X