Ursula Meier

Us der alemannische Wikipedia, der freie Dialäkt-Enzyklopedy
Hops zue: Navigation, Suech

D Ursula Meier (* 24. Juni 1971 z Besançon) isch e franzöösisch-schwizerischi Filmreschissöörin und Filmschauspiilere.

Churzbiografii[ändere | Quälltäxt bearbeite]

D Ursula Meier isch as Dochder von ere franzöösische Mueter und eme Schwizer Vater z Besançon uf d Wält choo, und isch bi Gämf ufgwaggse. Si het drei elteri Gschwüsterti. Si isch z Ferney-Voltaire uf s Lyzeum gange und het denn vo 1990 bis 1994 Reschii am Institut des Arts de Diffussion im belgische Ottignies-Louvain-la-Neuve studiert. Hüte läbt d Meier im Stadtdäil Louvain-la-Neuve.

Karriere[ändere | Quälltäxt bearbeite]

D Meier het iire Karriere 1994 as Reschissöörin vo Churzfilm aagfange, drunder iir Debü À corps perdu. Vo 1999 bis 2003 het si no vier Churzfilm inszeniert, und het 2008 iire erst Schbiilfilm Home gmacht. Im Februar 2009 isch Home für drei Césars nominiert worde, het aber käi Briis überchoo. 2012 isch si für iire Schbiilfilm L’enfant d’en haut zum erste Mol zum Wettbewärb vo de Internazionaale Filmfestschbiile vo Berlin iiglaade worde und het e Sonderbriis, e Silbrige Bäär, überchoo.

Usser as Reschissöörin het d Meier bis jetzt in drei Film as Schauschbiilere mitgmacht, drunder 2004 im Coming-of-Age-Filmdrama Garçon stupide.

Filmografii (Uswaal)[ändere | Quälltäxt bearbeite]

  • 2002: Des épaules solides, TV-Film
  • 2008: Home
  • 2012: L’enfant d’en haut (Winterdieb), Kinofilm

Uszäichnige[ändere | Quälltäxt bearbeite]

2012 e Silbrige Bäär bi dr Berlinale für L’enfant d’en haut

Weblingg[ändere | Quälltäxt bearbeite]

Dä Artikel basiert uff ere fräie Übersetzig vu dere Version vum Artikel „Ursula_Meier“ vu de dütsche Wikipedia.

E Liste vu de Autore un Versione isch do z finde.