Universidade de São Paulo

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Universidade de São Paulo: de Uhreturm uf em Campus

D Uni vo São Paulo (port.: Universidade de São Paulo, abkürzt USP) isch di gröschti Universität vo Brasilie und sogar vo ganz Südamerika. D Uni het 7 "campi" (Campus) usserhalb vo der Stadt, im Bundesstaat São Paulo: zwei i der Stadt São Paulo sälber, und di andere "campi" si i de Städt Bauru, Lorena, Piracicaba, Pirassununga, Ribeirão Preto und São Carlos. S Motto vo dere Uni isch latiinisch „Scientia Vinces“, das heisst sovil wie "d Wüsseschaft siigt".

Speziells[ändere | Quälltäxt bearbeite]

I der USP gits Vorläsige wie a jeder Uni, aber es wird au gforscht und spezielli Fachgebiet witerentwicklet; si isch zimlech bekannt: im sogenannte Academic Ranking of World Universities (2005 Hochschulrangliste vo Wält-Universitäte)[1] 2005 stoht sogar dinne, die Uni sig die beschti vo ganz Latinamerika.

Allgemein chame säge, dass d USP als beschti akademischi Forsch- und Lerninstituzion agluegt wird. Inre Usgab vo The Times Higher Education Supplement vo 2005 stoht, es sig die 196. beschti Uni vo der Wält. Und im Academic Ranking of World Universities vo 2005, veröffentlecht vo der Jiaotong-Universität, stoht drinne dass d USP zu dr Gruppe vo de 101-152 beschte Unis vo der Wält zelt.[2] Zuesätzlech sig d USP di 45. produktivschti Uni vo der Wält.[3]

D USP isch agäblech di 35. beliebtischti Uni vo der Wält, wemme 7600 Unis i 200 Länder verglicht.[4]

S Webometrics Ranking of World Universities (Top 200) seit, d USP sigi di beschti Uni vo de BRIC-Staate, das heisst Brasilie, Russland, Indie und China (wo zäme öppe 2,8 Milliarde Iwoner händ).

D USP isch sehr wichtig für Brasilie. Öppe jede 10. brasilianisch Presidänt isch irgendeinisch a der USP gsi, zum Bischpil der Soziolog Fernando Henrique Cardoso oder dr Awalt Jânio Quadros.

Berüemti Persone[ändere | Quälltäxt bearbeite]

Weblink[ändere | Quälltäxt bearbeite]

 Allmänd (Commons): University of São Paulo – Sammlig vo witere Multimediadateie

Fuessnote[ändere | Quälltäxt bearbeite]

  1. http://ed.sjtu.edu.cn/rank/2005/ARWU2005Main.htm
  2. http://ed.sjtu.edu.cn/ranking.htm
  3. http://www.webometrics.info/comparative_productivity.asp
  4. http://www.4icu.org