Tyrrhenos

Us der alemannische Wikipedia, der freie Dialäkt-Enzyklopedy

De Tyrrhenos oder Tyrsenos (agr. Τυρρηνός, Tyrrhēnós; Τυρσηνός, Tyrsēnós) isch noch antike Saage de Stammvatter vo de Etrusker, wo vo de Grieche Tyrsener gnennt wore sind. Er het d Etrusker staatlich organisiert.

De Tyrsenos isch de Soo vom lydische König Atys und vo de Kallithea und de Brüeder vom Lydos. Wegere Hungersnoot, het er e Tail vom Volch vo Lydie uf Italie gfüert, wo dozmol Umbrer gwont hend. Er gelt as de Gründer vo de etruskische Stadt Caere.

Anderi Autore seget, er sai de Soo oder dör de Telephos de Enkel vom Herakles gsii und de Vatter vom Tarchon und vom Hegeleos. Er söll d Trompete erfunde ha.

Noch römische Quelle isch er au de Schutzgott vom Tyrrhenische Meer.

Quelle[ändere | Quälltäxt bearbeite]

  • Pausanias: Bischriibig vo Griecheland 2,21,3
  • Dionysios vo Halikarnassos: Römischi Altertümer 1,27 f
  • Herodot: Gschicht 1,94

Büecher[ändere | Quälltäxt bearbeite]

  • Der Neue Pauly, Bd.12/1; Tyrrhenos