Typosquatting

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Typosquatting isch e Form vo Cybersquatting, wo druf berueht, dass e Person e Webadräss in eme Webbrowser versähentlich falsch iitippt un drno uf e alternativi Syte gfüehrt wird wo eme Cybersquatter ghört. Sälli Syte isch meischtens pornografisch odr satirisch, mänggmol aber au e Konkurrenzagebot.

'S git abr au Fäll, wo e Firma e Azahl vo Webadresse mit Tippfähler bsitzt un die zue dr richtig buechstabierte Hauptwebsyte umleitet, wie z.B. www.goolge.de, www.googel.de un www.gogle.de, wo alli zue www.google.de umleite.

D' Domäni vo dr Website vom Präsident vo dr Vereinigte Schtaate, www.whitehouse.gov, het zwei bekannti "Tippfehler": www.whitehouse.com, e pornografischi Website un www.whitehouse.org, e satirischi Syte.

Au d' Wikipedia isch e Typosquatting-Opfer: www.wiipedia.org, www.eikipedia.org un www.wilipedia.org sin alles Websyte, di Pop-Ups, Spyware/Adware un Wärbig-Suechmaschine enthalte.

Öbbis ähnlichs hät AT&T drzue bewegt plötzlich di Telifonnummere "1-800-OPERATOR" ufzgeh un sie mit "1-800-CALL-ATT" z'ersetze. 'S schient, als ob vieli Amerikaner "Operator" nit buechstabiere chönne, will MCI viel Arbet gha het mit dr Nummere "1-800-OPERATER".

Lueg au: URL, Cybersquatting