Two and a Half Men

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Seriedate
Two-and-a-half-men.svg
Dütsche Titel: Two and a Half Men (DE, ab 2. Staffel)
Mein cooler Onkel Charlie (CH, AT, DE (1. Staffel))
Originaltitel: Two and a Half Men
Produktionsland: Vereinigte Staaten
Produktionsjohr: seit 2003
Produzänt:

Chuck Lorre Productions
The Tannenbaum Company
Warner Bros. Television

Längi von erä Folg: öbbe 22 Minute
Zahl vo de Folge: 177 in 8 Staffle
Originalsproch: Englisch
Idee: Chuck Lorre
Lee Aronsohn
Genre: Sitcom
Erstusstrahlig: 22. September 2003 (USA)
auf CBS
Erstusstrahlig (de): 12. März 2005
auf ORF 1, ProSieben

Two and a Half Men isch en US-amerikanischi Sitcom, wo der Chuck Lorre entwicklet het. Si isch s'erschte Mal am 22. Septämber 2003 ufem Sänder CBS usgstrahlt worde. D’Hauptfigure wärdid vom Charlie Sheen, Jon Cryer und em Angus T. Jones gspilt. Bis etzt sind acht Staffle produziert worde, plant sind ursprünglich nüün. Die acht Staffel isch jedoch ufgrund vo gsundheitliche Problem vom Charlie Sheen vo 24 Episode uf 20 reduziert worde. Jedoch isch inzwüsche d’Produktion nach de 16 Episode vo de acht Staffle ufgrund vo em ne beleidigende Interview vom Charlie Sheen gege Produzänt igstellt worde. Am 7. März 2011 hed Warner Bros Television d’Entlassig vom Charlie Sheen bekannt gäh. D’Serie gilt als üsserscht erfolgrich und d’Entlassig vom Charlie Sheen hed weltwiit zahlrichi Fäns enttüscht. Am 12. Mai isch bekannt gäh worde das de Aston Kutcher de Charlie bi de Serie ersetzt. Er wird jedoch nid d’Rolle vom Charlie Harper überneh sondern en ganz neui Figur verkörpere.

Handlig[ändere | Quälltäxt bearbeite]

D'Sitcom handelt vom Werbejingle-Komponischt Charlie Harper und sim Brüeder, em Chiropraktiker Alan Harper. Während de Charlie eher es liechtlebigs Lebe füehrt, zahlrichi churzi Beziehige zu Fraue hed und au im Alkohol nid abgneigt isch, isch de Alan eher spiessig und verchrampft. Wonner jedoch vo sinnere Frau Judith us em gmeisame Huus grüehrt wird, gsehd er sich zwunge zumindescht vorübergehend bi sim Brüeder Underschlupf zfinde. De Charlie isch devo aber überhaupt nid begeistert und nimmt de Alan nur widerwillig uf. Die beide Brüedere chönnted chumm underschidlicher si, doch eis hends gemeinsam: Si wend nur s'Bescht für de Jake. De Jake isch de Sohn vom Alan und lebt vo nun ah a de Wuchenend au bim Charlie und sim Vater. De Alan isch jedoch mitem Lebensstil vom Charlie überhaupt nid iverstande, aber well er bi ihm wott wohne, muess er sich apasse. Dezue chund nu, das ihri ungliebt Muetter Evelyn sich immerwidr ihmischt und de drü s'Lebe schwer macht. Au d'Huushälterin Berta isch über die zuesätzlich Arbet, wos gid, überhaupt nid begeistert.

Hauptcharaktere[ändere | Quälltäxt bearbeite]

Charlie Sheen alias Charlie Harper, de Hauptdarsteller vo de Serie (Staffle 1-8)

Charlie Harper[ändere | Quälltäxt bearbeite]

De Charles Francis „Charlie“ Harper isch en erfolgriche Werbejingle-Komponischt und verdient so relativ locker sis Geld. I de füüft Staffle muess er jedoch ufs komponiere vo Chinderlieder umstige, well sich mit Werbejingles nümm gnueg Geld verdiene lad. Er lebt bis zum Ihzug vo sim Brüeder elei i sim Strandhuus zMalibu Beach und gniesst sis Lebe als Fraueheld. Ihm sind Gefühl vo Fraue so zimlich egal und es gahd ihm vorallem um Sex, was ihn i zahlrichi peinlichi Situatione bringt. Nur für drü Fraue isch de Charlie bisher bereit gsi Kompromiss izgah: fürd Lisa, dMia und Chelsea. Mit de Mia und Chelsea heder sogar welle hürate, es isch jedoch beidi mal öbis dezwüsche cho. Er trinkt recht hüfig Alkohol und hed au es offesichtlichs Glückspiilproblem. Typischerwiis heder es Bowling-Hemd und Shorts ah. De Charlie versuecht engeri Beziehige zvermiede. Das lied da dra, das si Vater sehr jung gstorbe isch und de Charlie und de Alan drufhi einigi Stiefväter gha hend. D’Muetter hed ihri Männer stets dominiert und gedemüetigt. Drum ischer bis hüt nid sehr guet uf si zspreche.

Alan Harper[ändere | Quälltäxt bearbeite]

Jon Cryer alias Alan Harper

De Dr. Alan Jerome Harper isch vo Bruef Chiropraktiker und hed en eigeni Praxis. Am Afang vo de erscht Staffle wird er vo sinnere Frau Judith usem gmeinsame Huus grührt und er muess zu sim Brüeder Charlie zügle. Vo dert ah muess er sinere Ex-Frau Underhalt zahle und drum cha oder wott er nümm bim Charlie uszieh. De Charlie isch aber au nid völlig unschuldig das de Alan so viil Aliment und Underhalt muess zahle, well er hed mit de Scheidigsawältin vom Alan gschlafe und si nachher abserviert. Si rächt sich, indem si vor Gricht i de Judith hohi finanzielli Understützig zugestad. De Alan isch svollige Gegeteil vom Charlie: Er isch en langwilige, kontollierte, sparsame und mängisch es bitzli tollpatschige Mönsch. Mit de Fraue heds de Alan eher chli schwirig und er wird vo de meischte chum beachtet. Er wott nid eifach nur Sex sondern suecht d'Frau fürs Lebe. Insgeheim beniidet er aber si Brüeder mängisch für sini lockeri Lebensart.

Jake Harper[ändere | Quälltäxt bearbeite]

De Jacob David „Jake“ Harper isch de Sohn vom Alan und de Judith Harper. Er isch am Afang vo de Serie 10-jährig und en pummelige, underdurchschnittlich intelligente Bueb. Er intressiert sich chum für d'Schuel, defür umso meh für Ässe und Fährnseh luege. Trotzdem hed neh de Charlie sehr gern und liebt neh für sini schlitzohrigi Art und sim trochne Humor. Er gid ihm vor allem i spötere Staffle immer wider Tipps für de Umgang mit Fraue. Mit sim Vater Alan hed de Jake hüfig typisch pubertäri Stritereie.

Evelyne Harper[ändere | Quälltäxt bearbeite]

D’Evelyne Harper isch Immobiliemaklerin und d’Muetter vom Alan und em Charlie. Si isch recht wohlhabend, das liid aber vor allem dra, das si scho zahlrichi verstorbeni richi Ehemänner hed. Si achtet sehr uf ihres Üssere und hed scho mehreri Schönheitsoperatione hinder sich, was si natürlich vehement bestriitet. Ihri Beziehig zu ihrne Söhn isch eher schlecht, vor allem well de Alan und de Charlie finded, das si dur ihres egoistische Verhalte und ihri dominanti Art gegenüber vo Männer ihri Chindheit zerstört hed. Si versueched jede Kontakt z'vermiede und vergliched si oft mit em Tüfel. Das enttüscht si sehr aber si suecht trotzdem de Kontakt zu ihne, eifach underem Vorwand, nur ihre Enkel Jake welle zgseh. Sobald si aber elei mitem isch, isch si schnell überfordert und gad wider.

Judith Harper[ändere | Quälltäxt bearbeite]

D’Judith Harper isch de Ex-Frau vom Alan und d’Muetter vom Jake. Si hed de Alan usem Huus grühert und sich vo ihm trennt, well si s’Gfühl gha hed z'ersticke. Well de Charlie en Affäre mit de Scheidigsawältin vom Alan hed und die Affäre während de Grichtsverhandlig beendet, gad si uf alli Forderige vo de Judith ih. S’Huus wird ihre zugsproche und de Alan muess ussergwöhndlich viil Alliment und Unterhaltszahlige leischte. Er isch drum sehr froh, wo d’Judith i de vierte Staffle de Chinderarzt vom Jake, de Herb Melnick, hüratet.

Berta[ändere | Quälltäxt bearbeite]

D’Berta isch d’Huushältnerin vom Charlie. Si hed insgeheim s'Säge im Huus und de Alan und de Charlie folged ihre brav. Das mag au drah ligge, das si einigi Ziit im Gfängnis verbracht hed und das au immer wider verzellt. Si isch sehr sarkastisch und hed es „grosses Muul“. Si könnt jedoch de Charlie ganz genau und weiss wie si ihm au mal nuchli zusetzlichs Geld cha abluchse. Im Alan hingege gid si immer wider Tipps zur Erziehig vom Jake, si isch selber Muetter vo drü Chind.

Besetzung und Synchronisation[ändere | Quälltäxt bearbeite]

Sortiert nach em Istiig vo de Darstellär

Rolle Schauspiiler Dütsche Synchronsprächer Hauptrolle
(Staffle)
Näberolle
(Staffel)
Gastuftritt
(Staffel)
Charlie Harper Charlie Sheen Benjamin Völz 1.01–8.16
Dr. Alan Harper Jon Cryer Viktor Neumann 1.01–
Jake Harper Angus T. Jones Adrian Kilian 1.01–
Evelyn Harper Holland Taylor Astrid Bless (Staffel 1–6)
Kerstin Sanders-Dornseif (seit Staffel 7)
1.01–
Judith Harper Marin Hinkle Christin Marquitan 1.01–
Rose Melanie Lynskey Cathlen Gawlich 1.01–2.24 3.01–4.15 5.04, 5.12, 5.14, 5.16, 6.11, 6.21, 7.21, 8.07, 8.14-8.16
Berta Conchata Ferrell Regina Lemnitz 2.01– 1.04–1.24
Dr. Linda Freeman Jane Lynch Heike Schroetter 1.20, 1.22, 3.12, 4.08, 4.21, 5.04, 5. 15, 5.19, 6.15, 6.17, 7.01, 8.12, 8.16
Dr. Herb Melnick Ryan Stiles Oliver Siebeck 2.02–
Mia Emmanuelle Vaugier Ghadah Al-Akel 3.08–3.24 5.15, 6.24, 7.01, 7.21
Kandi April Bowlby Isabelle Schmidt 4.01–4.18 3.09–3.24
Melissa Kelly Stables Sonja Spuhl 6.04–8.03
Chelsea Jennifer Bini Taylor Schaukje Könning 7.01–7.22 6.08–6.24
Lyndsey MacElroy Courtney Thorne-Smith 7.19–7.20, 8.01–8.04, 8.09, 8.11–8.13
Eldridge MacElroy Graham Patrick Martin 7.19–7.20, 8.01–8.04, 8.12, 8.14
TBA Ashton Kutcher 9.01–


Ustrahlig[ändere | Quälltäxt bearbeite]

Staffle Episode Ustrahlig (CBS) Ustrahlig (ProSieben) Ustrahlig (ORF 1) Ustrahlig (SF zwei)
Staffle 1 24 22. September 2003 bis 24. Mai 2004 12. März 2005 bis 20. August 2005 12. März 2005 bis 20. August 2005 10. Mai 2006 bis 16. Juni 2006
Staffle 2 24 20. September 2004 bis 23. Mai 2005 1. April 2006 bis 9. September 2006 11. März 2006 bis 20. Mai 2006 28. Juni 2006 bis 21. August 2006
Staffle 3 24 19. September 2005 bis 22. Mai 2006 16. September 2006 bis 24. Februar 2007 5. Mai 2007 bis 11. Oktober 2007 13. April 2007 bis 21. Mai 2007
Staffle 4 24 18. September 2006 bis 14. Mai 2007 15. Dezember 2007 bis 24. Mai 2008 6. Februar 2008 bis 18. März 2008 30. Dezember 2008 bis 4. Februar 2009
Staffle 5 19 24. September 2007 bis 19. Mai 2008 21. Februar 2009 bis 13. Oktober 2009 17. Januar 2009 bis 6. Juli 2009 5. Februar 2009 bis 20. Januar 2010
Staffle 6 24 22. September 2008 bis 18. Mai 2009 20. Oktober 2009 bis 1. Juni 2010 24. Oktober 2009 bis 22. Mai 2010 4. März 2010 bis 8. April 2010
Staffle 7 22 21. September 2009 bis 24. Mai 2010 seit 7. September 2010 4. September 2010 bis 19. Februar 2011
Staffle 8 16 20. September 2010 bis 14. Februar 2011

Die dütsch Synchronfassig isch zum erschte Mal am 12. März 2005 uf Prosiebe und ORF 1 underm Titel Mein cooler Onkel Charlie usgstrahlt worde. Sid em Afang vo de zwöit Staffle lauft si aber uf ProSiebe underem amerikanische Orginaltitel Two and a half Men.

Rezeption[ändere | Quälltäxt bearbeite]

Uszeichnige/Nominierige[ändere | Quälltäxt bearbeite]

D'Sitcom hed bisher diversi Priise gwunne und nu meh Nominierige becho, under anderem 23 Emmy Nominierige und 2 Nominierige für de Golden Globe.

  • D'Sitcom hed 2004 und 2006 de People’s Choice Award gewunne.
  • De Martin Sheen isch 2006 für die best Rolle als Gaststar nominiert gsi.
  • D'Conchata Ferrell und d'Holland Taylor sind 2005 und 2007 (H. Taylor auch 2008) für die best wiblichi Näberolle inere Comedyserie nominiert gsi.
  • Emmy-Verleihig 2007: Besti Kameraarbet für en Multi-Kamera-Serie (gewunne)
  • Emmy 2007: Multi-Kamera Schnitt für en Serie (gewunne)
  • Emmy 2007: Besti Comedyserie (nominiert)
  • Emmy 2009: Beste Näbendarsteller inere Comedyserie (Jon Cryer, gewunne)
  • De Charlie Sheen isch bis etzt drümal als beste Hauptdarsteller für en Emmy nominiert (2006 bis 2008) und zwöi Mal für en Golden Globe (2005 und 2006).
  • De Jon Cryer isch bis etzt vier Mal (2006 bis 2009) als beste Näbendarsteller inere Comedyserie nominiert worde, gewunne hed er 2009.


Ischaltquote[ändere | Quälltäxt bearbeite]

  • Vo 2005 bis 2008 isch Two and a Half Men d'Sitcom mit de höchschte Ischaltquote vo de USA gsi.

Weblinks[ändere | Quälltäxt bearbeite]