Tux Racer

Us der alemannische Wikipedia, der freie Dialäkt-Enzyklopedy
Hops zue: Navigation, Suech
TuxRacer
Tux Racer
Publikation: 0.61
Plattform(e): PC (Windows, Linux, Mac OS)
Engine: OpenGL
Spielmodi: Einzelspiiler
Medie: Download
Schbrooch: u.a. Ditsch, Englisch


Tux Racer (alem. [ˈtʊksˌʁ̞ɛɪ̯səʁ̞], engl. [ˈtʌksˌɹeɪ̯sə˞]) isch e 3D-Computerspil, wo under dr GPL stot, wodurch es bsunders under freie Betribssystem wie Linux oder BSD bekannt worre isch. D'Hauptfigur isch s'Linux-Maskottli Tux, wo mer dur gschickts Stüre möglichst schnell dur e verschneiti Iislandschaft rutsche lo muess. Debi müen menkmol Hindernisse umschifft un Hering gsammlet werre.

S'Spil verwendet SDL, OpenGL, Tcl un isch under anderem under Windows, Linux un Mac nutzbar.

Versione[ändere | Quälltäxt bearbeite]

Tuxracer 0.61[ändere | Quälltäxt bearbeite]

Tuxracer 0.61 isch die ledscht frei Variante vu Tuxracer un bis zum Ufchumme vu Planet Penguin Racer standardmässig as 3-D-Spil in vile Linux-Distributione debi gsi.

Tuxracer 1.x[ändere | Quälltäxt bearbeite]

Tuxracer 1.x isch e kommerzielli Witterentwicklig vu Sunspire Studios gsi, wo aber inzwische igstellt worre isch.

Neji Spilebene sin dezue chumme un mit em Iisbär Boris, em Pinguinmaidli Neva un em Seehund Samuel au noch neji Figure, wo mer gegenenander aträtte lo cha.

D Sunspire Studios git's inzwische nümmi un ihri Domains, wie z.B. dr Internetuftritt www.tuxracer.com sin offebar verchauft worre. Lut archive.org, het es sit em 22. September 2002 keini nennenswerte Änderige meh an ihrem Internet-Uftritt gä. Dert isch dr Tux Racer 1.1.1 Linux Patch veröffetlicht worre [1]. Es schint, dass dr Uftritt uveränderet bis anno 2004 witterexistiert het. Ihr Demoversion vu 1.1 cha mer immer no dert runderlade.

Arcade-Version vu Tuxracer 1.1[ändere | Quälltäxt bearbeite]

Roxor Games het e Arcade-Version vu Tuxracer 1.1 veröffetlicht un vertribt si immer no. D'Arcade-Version het numme e rächti un linki Stürig.

PlanetPenguin Racer[ändere | Quälltäxt bearbeite]

PlanetPenguin Racer isch e freii Witterentwicklig uf dr Basis vu dr Version 0.61 vu Tux Racer. Allerdings schint sich dert sitem September 2005 mit dr nöie Version 0.5 nimmi viil due z'ha und s'Projekt isch sit anno 2007 inaktiv.

Extreme Tux Racer[ändere | Quälltäxt bearbeite]

Dr Vorteil vu quelloffener Software isch, dass wenn ebber s'Interessi am e Projekt verliert - oder au s'Geld fier d'Entwicklig fählt - s'Projekt nit ubedingt verschwindet.

Un so isch mit Extreme Tuxracer e Noochfolgeprojekt enstande, wo s'Spil uf dr Basis vum Code vu Planet Penguin Racer witterentwicklet. Am 2. Februar 2009 isch d'Beta-Version 0.5 vu Extreme Tux Racer veröffetlicht worre.

Weblink[ändere | Quälltäxt bearbeite]