Tubel

Us der alemannische Wikipedia, der freie Dialäkt-Enzyklopedy

En Tubel, Mehrzahl Tuble oder Tübel (wobi Tübel au Hilfsmittel chönd si, zum Schruube innere Wand z befeschtige) nennt mer en Person, wo en Seich abloht, sich ungschickt verhaltet oder sich echli blöd aastellt.

Tubel isch es moderats Schimpfwort. Im Gegesatz zu Idiot het Tubel e weniger starchi Implikation bezüglich de Dummheit vo de beschumpfene Person.

Byspil:

  • Dä Tubel cha au ned autofahre!
  • Reaktion uf agremplet werde: Tubel!
  • Eine loht em andere unabsichtlich es Glas vor d Füess gheie, woruf de ander seit: Du bisch e rechte Tubel!