Tina Turner

Us der alemannische Wikipedia, der freie Dialäkt-Enzyklopedy

Tina Turner, uf d Wält cho 1939 z Nutbush City, isch e amerikanischi Rock- und Popsängerin und die erfolgrichsti Live-Entertainerin wos git.

[ändere] Ike & Tina Turner

Vo 1958 - 1976 isch Tina Turner mit ihrem damalige Ehemaa, em Ike Turner i de USA erfolgrich gsi, wül er sini Frau aber immer wieder misshandelt hed, hed sie sich lo scheide und dBand hed sich ufglöst.

[ändere] Solokarriere

Bis 1984 hed sie a ihre früher Erfolg nid könne aknüpfe und hed Schulde gha. 1984 hed sie aber mit em Album "Private Dancer" es grosses Come-Back gschafft und isch eini vo de erfolgrichste Sängerinne überhaupt worde. Ihri Konzerttournee hei aui Rekorde broche, si isch die Musikerin, wo em meischte Tickets verkouft hed.

[ändere] Hüüt

Nach ihrem Bühneabschied 2000 isch es ruhig worde um d Tina Turner. 2004 hed si es Best-of Album veröffentlicht.

2008 hed sie ihres Come-Back bekannt gä und wot no einisch uf Tour go. Zerschte Konzert vo dere Tour isch scho i 2 Minute usverkouft gsi.

Bis hüt hed Tina Turner meh aus 170 Millione Tonträger verkouft.