Thomas Voeckler

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Thomas Voeckler
Thomas Voeckler
Thomas Voeckler
Personedate
Geburtsdatum 22. Juni 1979
Nation Frankreich Frankriich
Velosportspezifischi Informatione
Aktuells Team Team Europcar
Disziplin Strooß
Rolle Fahrer
Profiteam(s)
2000–2002
2003–2004
2005–2008
2009–2010
sit 2011		 Bonjour
Brioches La Boulangère
Bouygues Télécom
Bbox Bouygues Télécom
Team Europcar
Wichtigsti Erfolg

Tour de France:
Jersey polkadot.svg S Bargklassemänt 2012
1 Etappe 2009
ei Etappe 2010
zwei Etappe 2012
Paris–Nizza:
2 Etappe (2011)
Infobox zletzt aktualisiert: 23. Juli 2012

Dr Thomas Voeckler (* 22. Juni 1979 z Schíllige, Elsass) isch e franzesische Radrännfahrer. Är giltet as Spezialischt fir Uusryssversuech un e offensivi Fahrwyys. Hite fahrt er fir s Team Europcar.

Inhaltsverzeichnis

Karriere [ändere]

Di erschte Läbesjohr isch dr Voeckler z Herzum ufgwagse as Suhn vun eme Psychiater un ere Anästhesistin. Drotz ass syy Eltere Elsässer sin, het är kai Elsässisch glehrt. Wun er sibe gsii isch, isch syy Familie uf Martinique uusgwanderet. Är sälber isch mit 17 Johr ellei uf Frankrych zruckgchehrt. Syy Vater, e passionierte Hobby-Sägler, giltet syt em Oktober 1992 noch ere Sägelfahrt as verscholle. Är het em Thomas Voeckler zum 13. Geburtsdag s erscht Fahrrad gschänkt.

Dr Thomas Voeckler het syy Profidebüt anne 2000 gee bim franzesische Bonjour-Team, wun er bis 2002 derfir gfahren isch. Derno het er Verdrag bim Noofolger-Team Brioches La Boulangère iberchuu. anne 2003 het er s erscht Mol bi dr Tour de France mitgmacht un isch dert uf dr 117. Blatz in dr Gsamtwärtig chuu. 2004 isch dr Voeckler z Pont-de-Fousse (Département Hautes-Alpes) Franzesische Maischter im Stroßeränne wore.

Bi dr negschte Tour de France anne 2004 het dr Voeckler in dr 5. Etappe vu Amiens uf Chartres s Geel Lybli vum Gsamtfierende ibernuu. In ere fimfchepfige Uusryssergruppe isch s em Voeckler glunge, em bis dert fierende Lance Armstrong 12 Minute 33 Sekunde abznee. Noo dr 15. Etappe het er s Geel Lybli wider an dr Lance Armstrong mieße abgee, het aber s Wyss Lybli vum beschte Jungprofi bhalte, des aber nume bis zue dr vorletschte Etappe, em Ainzelzytfahre bi Besançon. Dert het er s an dr Russ Wladimir Karpets verlore. Ainewäg hän e d Franzose as Nationalheld gfyyrt un hän dur syy Kampfgaischt e neie Liebling gfunde.

Bi dr Tour de France 2005 het dr Voeckler fir ai Dag s Gepunkte Lybli vum beschte Bärgfahrer drait, bi dr Tour de France 2008 het er des sogar fimf Däg lang drait. E Etappesiig bi dr Tour de France het dr Voeckler schließlig anne 2009 chenne fyyre: Uf dr fimfte Etappe vu Cap d'Agde uf Perpignan isch as Solischt sibe Sekunde vor em Hauptfäld in s Ziil chuu.

Bi dr Tour de France 2010 het dr Thomas Voeckler, wu in däm Johr au Franzesische Maischter im Stroßeränne woren isch, d 15. Etappe vu Pamiers uf Bagnères-de-Luchon gwunne. In dr hoche franzesische Pyrenäe het er sich am Port de Balè] (Hors Catégorie) us ere Spitzegruppe glest un het as Solischt mit sicherem Vorsprung gwunne.

Bi dr Tour de France 2011 het dr Voeckler uf dr 9. Etappe vu Issoire uf Saint-Flour s Geel Lybli ibernuu.

  • Im Gepunktete Lybli bi dr Tour 2008
  • Bi me Radränne z Wien

Erfolg [ändere]

2003

2004

  • MaillotFra.PNG Franzesische Maischter - Stroßenränne

2006

2007

2008

2009
2010
2011
2012

Team [ändere]

Weblink [ändere]

Dä Artikel basiert uff ere fräie Übbersetzig vum Artikel „Thomas_Voeckler“ vu de dütsche Wikipedia.

E Liste vu de Autore un Versione isch do z finde.
Persoonedaate
NAME: Voeckler, Thomas
ALTERNATIVNAMEN:
KURZBESCHREIBUNG: französischer Radsportler
GEBURTSDATUM: 22. Juni 1979
GEBURTSORT: Schiltigheim (Elsass)
STERBEDATUM:
STERBEORT:
Vun "http://als.wikipedia.org/w/index.php?title=Thomas_Voeckler&oldid=520044"