Theodor II. (Papst)

Us der alemannische Wikipedia, der freie Dialäkt-Enzyklopedy

Dr Theodor II. (* z Rom; † um Novämber 897) isch anne 897 fir 20 Däg Papscht vu dr katholische Chilche. Iber sy Pontifikat isch nit vyl bekannt. Sicher isch, ass dr gebirtig Remer im Novämber 897 zum Noofolger vum Romanus gwehlt woren isch. Im nämlige Monet isch dr „Mann, wu dr Fride gärn ghaa het“, wie er in dr Quälle gnännt wird, gstorbe.

Drotz syre churze Amtszyt het s dr Theodor II. gschafft, d Wirrlede z Rom ainigermaße z ordne, wu syni Vorgänger firigruefe ghaa hän. Är het e Synod yygruefe, wu d Bschliss vu dr Lyychesynod vu 897 ufghobe un dr postum gschändet Papscht Formosus rehabilitiert het.

D Lyych vum Formosus, wu vun eme Eremit gfunde woren isch, het dr Papscht Theodor II. mit allne Ehre uf Rom iberfiere un z Sankt Peter byysetze loo.

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: Theodor II. – Sammlig vo Multimediadateie
  • Theodor, In: Salvador Miranda: The Cardinals of the Holy Roman Church, online uf fiu.edu, Websyte vu dr Florida International University, abgruefen am 5. November 2011. (änglisch)


Dä Artikel basiert uff ere fräie Übersetzig vu dere Version vum Artikel „Theodor_II._(Papst)“ vu de dütsche Wikipedia. E Liste vu de Autore un Versione isch do z finde.