Im Bättler si Opere

Wärkdaate
Originalditel:	The Beggar’s Opera
Originalsprooch:	Änglisch
Muusig:	Johann Christoph Pepusch
Libretto:	John Gay
Uruffüerig:	1728
Ort vo dr Uruffüerig:	Lincoln’s Inn Fields Theatre z London
Persoone
Mr. Peachum Lockit Macheath Filch Beggar Player Mrs. Peachum Polly Peachum Lucy Lockit Diana Trapes Macheaths Gang: Jemmy Twitcher Crook-Finger’d Jack Wat Dreary Robin of Bagshot Nimming Ned Harry Padington Matt of the Mint Ben Budge Stadtfraue: Mrs. Coaxer Dolly Trull Mrs. Vixen Betty Doxy Jenny Diver Mrs. Slammekin Sukey Tawdrey Molly Brazen

The Beggar’s Opera (Im Bättler si Opere) isch e Ballad Opera vom John Gay (Teggst) und Johann Christoph Pepusch (Muusig). Si isch 1728 im Londoner Lincoln’s Inn Fields Theatre urufgfüert worde. Uf iire basiert im Gay si Ruef as äine vo de bedütendste Literaate vom ufkläärerische änglische Augustan Age.

Gschicht

Gmäld vo dr 5. Szene vo dr Beggar’s Opera vom William Hogarth, c. 1728

Dr Gay het 1715 e parodistischi Farse The What D’Ye Call It gschriibe, wo aber käi Erfolg gha het. Mit iirer Mischig vo Schaner und dr Satire uf s Theater het si aber scho Merkmol ghaa, wo au die spööteri Beggar’s Opera gha het. 1727 het dr Gay denn an sinere berüemte Ballad Opera afo schaffe. Am 29. Januar 1728 isch si urufgfüert worde und isch e Riiseerfolg worde. Zur Popularidäät het biidräit, ass si uf Änglisch gsi isch und d Lüt häi chönne verstoo, was uf dr Büüni gsunge worde isch. D Zensur hingeege isch nid eso enthusiastisch gsi und het d Fortsetzig Polly (1729) verbote.

S Wärk

D Opere isch e Gsellschaftssatire, wo dr Gay din die gsellschaftlige Entwicklige in säller Zit kritisiert: d Verarmig wil d Bevölkerig so stark und rasch gwaggse isch, d Kriminalidäät, d Brostituzioon, dr Alkoholismus bsundrigs wägem Konsum vo Gin. Si het au dr Theaterbdriib uf s Horn gnoo und im Händel sini Opere parodiert. Für d Muusig isch dr Komponist Johann Christoph Pepusch verantwortlig gsi. Dr Pepusch sälber het nume d Uwertüüre und äi Lied komponiert.

Litratuur

• R. S. Bear: The Beggar’s Opera – John Gay – Transcribed, with an Introduction, Notes, and Bibliography (Text der Ausgabe von 1765), University of Oregon, August 1992 (änglisch)
• Alexander Eilers (Hrsg.): John Gays The Beggar’s Opera. Eine kleine Erfolgsgeschichte. Fernwald: litblockín, 2010, ISBN 978-3-932289-43-9

Weblingg

 Commons: The Beggar's Opera – Sammlig vo Multimediadateie

• The Beggar’s Opera: Note im International Music Score Library Project.
• Wärkdaate über „The Beggar’s Opera“ uf dr Basis vo dr MGG (Die Musik in Geschichte und Gegenwart) mit Diskographii bi Operone
• Aktuelli Inszenierige vo „The Beggar’s Opera“ bi Operabase (Produkzioone, Bsetzig, Kaländer)
• Programmheft von ere studäntische Uffüerig 2010 (PDF; 3,6 MB) an dr Universidäät Giesse

Dä Artikel basiert uff ere fräie Übersetzig vum Artikel „The_Beggar's_Opera“ vu de dütsche Wikipedia. E Liste vu de Autore un Versione isch do z finde.