Tanja

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Tanja isch e wiiblicher Vorname wo ursprünglich usem Russische chunt (Таня) un d'Abchürzig vo Tatjana (Татьяна) isch. Abgleitet drvo isch dr russisch Kosename Tanjuschka.

Bedütig[ändere | Quälltäxt bearbeite]

D Härkumft vom Name Tatjana isch unklar.[1] Er isch mögligerwiis vom Name vom e mythische Sabinerkönig, em Titus Tatius, abgleitet.[2]

Im dütschsprochige Ruum[ändere | Quälltäxt bearbeite]

Dr Name het sich in de 1960er Johr au im dütschsprochige Ruum afo iibürgere.[3]. In de 1970er isch ein vo de beliebtischte Maitlinäme worde. Sit dr Mitti vo de 1990er het er vil vo siiner Popularitet verlore.

Tängeli esch de abkörzti Name för Tanja. Er esch früecher sehr oft brucht worde, jedoch werd er höt zo Tags so z säge öberhoupt nömm brucht. Er esch aber ned öberall brucht worde, sondern vor allem em Gebiet vom Glarus. Set em Ändi vom 18. Johrhondert esch es sehr schwerig worde, de Name Tängeli no z fende. Die höttige Bewohner vom Glarus wärde ne aber bestemmt no kenne.

Nowiis[ändere | Quälltäxt bearbeite]

  1. Brockhaus Enzyklopädie in zwanzig Bänden, F.A. Brockhaus Wiesbaden, 1966, S.492
  2. Dr Artikel "Tanja" uf dr dütsche Wikipedia
  3. Friedrich Wilhelm Weitershaus, Das grosse Lexikon der Vornamen: 8000 Vornamen: Herkunft, Bedeutung, Mosaik Verlag, 1992, S.29