Tag der Deutschen Einheit

Us der alemannische Wikipedia, der freie Dialäkt-Enzyklopedy
In dr Nacht vum 2. uf dr 3. Oktober 1990 isch um Mitternacht di dytsch Fahne vor em Berliner Rychsdag ufzoge wore.

Dr 3. Oktober isch as Tag der Deutschen Einheit (alem. Dag vu dr Dytsche Ainhait) im Ainigungsverdrag 1990 zum gsetzlige Fyyrtig bstimmt wore.[1] As dytsche Nationalfyyrtig mahnt er an dr Byydritt vu dr Dytsche Demokratische Republik zue dr Bundesrepublik Dytschland am 3. Oktober 1990, wu dermit zum glyche Zytpunkt au di wider yygrichtete Länder Brandeburg, Diringe, Meckleburg-Vorpommern, Sachse un Sachse-Anhalt Länder vu dr Bundesrepublik Dytschland wore sin[2] un d Widerverainigung vu Dytschland volländet woren isch.[3]

Gschicht vu dr dytsche Nationalfyyrtig[ändere | Quälltäxt bearbeite]

Vor 1871 sin in dr dytsche Staate un Regione in dr Hauptsach d Chrenigsdate vu dr Monarche Fyyrtig gsii. No dr Grindig vum Dytsche Rych anne 1871 het s kai offiziälle Nationalfyyrtig gee, s isch aber alljohr dr „Sedandag“ am 2. Septämber gfyyrt wore, dr Dag, wu di franzesisch Hauptarmee 1870 im Dytsch-Franzesische Chrieg kapituliert ghaa het. Dr Sedandag isch au speter in e Dail Länder as Fyyrtig in dr Schuele yygfiert wore. Au dr Geburtsdag vum Chaiser isch gfyyrt, aber nie ne offiziälle Nationalfyyrtig wore.

In dr Weimarer Republik isch ab 1919 dr 11. August as „Verfassigsdag“ zum Nationalfyyrtig bstimmt wore zum Gedänke an d Geburtsstund vu dr Demokraty, wel an däm Dag dr Rychsbresidänt Friedrich Ebert d Verfassig unterzaichnet ghaa het.

No dr Maachtibernahm vu dr NSDAP isch dr Erschte Mai zum Nationalfyyrtig erklert wore.

In dr alte Bundesrepublik Dytschland isch vu 1954 bis 1990 dr 17. Juni zum Gedänken an dr Volksaufstand 1953 DDR e gsetzlige Fyyrtig gsii, au mit em Name „Tag der deutschen Einheit“.[4]

In dr DDR isch dr 7. Oktober, dr Dag vu dr Staatsgrindig anne 1949 as „Tag der Republik“ bis zum 40-jehrige Jubiläum 1989 Nationalfyyrtig gsii.[5]

Fyyre[ändere | Quälltäxt bearbeite]

Di offiziäll Fyyr zum Dag vu dr Dytsche Ainhait findet syter anne 1990 in dr Landeshauptstadt vum Landes statt, wu zue däm Zytpunkt dr Vorsitz im Bundesrot het.

Traditionäll wird fir dää Dag e Burgerfescht organisiert („Deutschlandfest“). Stattgfunde het des Fescht:

Weblink[ändere | Quälltäxt bearbeite]

 Commons: Tag der Deutschen Einheit – Sammlig vo Multimediadateie

Fueßnote[ändere | Quälltäxt bearbeite]

  1. Art. 2 Abs. 2 EVVorlage:Art./Wartung/buzer
  2. Art. 1 Abs. 1 Satz 1 EVVorlage:Art./Wartung/buzer
  3. Art. 4 Nr. 1 EVVorlage:Art./Wartung/buzer
  4. Gesetz über den Tag der deutschen Einheit, BGBl. 1953 I S. 778; ufghobe dur dr Ainigungsverdrag (Anlage I Kapitel II, Sachgebiet A – Staats- und Verfassungsrecht, Abschnitt II Archivlink (Memento vom 9. April 2014 im Internet Archive)).
  5. Gesetz über die Einführung der Feiertage Tag der Befreiung und Tag der Republik vom 21. April 1950 (Memento vom 2. Oktober 2008 im Internet Archive)
Dä Artikel basiert uff ere fräie Übersetzig vu dere Version vum Artikel „Tag_der_Deutschen_Einheit“ vu de dütsche Wikipedia. E Liste vu de Autore un Versione isch do z finde.